Scripture Library

Bhela Samhita · Chapter 6.3

6.3.1

ūrdhvaṃ cādhaś ca martyānāṃ raktapittaṃ pravartate /
atas tu dvividhā proktā cikitsā raktapittinaḥ //

6.3.2

atyamlalavaṇāhārāt satatātapasevanāt /
upavāsād bhramāt trāsādviruddhādhyaśanādibhiḥ //

6.3.3

tilapiṇyākāśākānāṃ tathā piṣṭakṛtasya ca /
pittalānāṃ ca sarveṣāṃ matsyādīnāṃ ca sevanāt //

6.3.4

ūrdhvaṃ cādhaś ca kupitaṃ raktapittaṃ pravartate /
ghrāṇakarṇākṣimukhataḥ pāyuto meḍhratas tathā //

6.3.5

niṣṭhīvati saraktaṃ ca tiktamamlamathāpi vā /
na ca tatpatitaṃ bhūmau bhakṣayanti pipīlikāḥ //

6.3.6

makṣikā vāpi tiktatvāc chuṣkaṃ pittaṃ ca lakṣyate /
sandahyate dūyate ca kaṇṭhastālu ca śuṣyati //

6.3.7

lohagandhi mukhaṃ cāsya kaṇṭho dhūmāyate tathā /
etānyevaṃ tvadhobhāge lakṣaṇānyupalakṣayet //

6.3.8

ūrdhvabhāgaṃ tu sādhyaṃ syādadho vai yāpyamucyate /
sarvasrotaḥpravṛttaṃ tu raktapittaṃ na sidhyati // raktapittamadhobhāgaṃ chardinaissamupācaret // // caturtho ' dhyāyaḥ //

Original text: Bhelasaṃhitā · Edition: ed. V. S. Venkatasubramania Sastri and C. Raja Rajeswara Sarma (CCRAS, New Delhi); e-text by SARIT · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0