ભેલસંહિતા · અધ્યાય 6.3

ઊર્ધ્વં ચાધશ્ ચ મર્ત્યાનાં રક્તપિત્તં પ્રવર્તતે ।
અતસ્ તુ દ્વિવિધા પ્રોક્તા ચિકિત્સા રક્તપિત્તિનઃ ॥

અત્યમ્લલવણાહારાત્ સતતાતપસેવનાત્ ।
ઉપવાસાદ્ ભ્રમાત્ ત્રાસાદ્વિરુદ્ધાધ્યશનાદિભિઃ ॥

તિલપિણ્યાકાશાકાનાં તથા પિષ્ટકૃતસ્ય ચ ।
પિત્તલાનાં ચ સર્વેષાં મત્સ્યાદીનાં ચ સેવનાત્ ॥

ઊર્ધ્વં ચાધશ્ ચ કુપિતં રક્તપિત્તં પ્રવર્તતે ।
ઘ્રાણકર્ણાક્ષિમુખતઃ પાયુતો મેઢ્રતસ્ તથા ॥

નિષ્ઠીવતિ સરક્તં ચ તિક્તમમ્લમથાપિ વા ।
ન ચ તત્પતિતં ભૂમૌ ભક્ષયન્તિ પિપીલિકાઃ ॥

મક્ષિકા વાપિ તિક્તત્વાચ્ છુષ્કં પિત્તં ચ લક્ષ્યતે ।
સન્દહ્યતે દૂયતે ચ કણ્ઠસ્તાલુ ચ શુષ્યતિ ॥

લોહગન્ધિ મુખં ચાસ્ય કણ્ઠો ધૂમાયતે તથા ।
એતાન્યેવં ત્વધોભાગે લક્ષણાન્યુપલક્ષયેત્ ॥

ઊર્ધ્વભાગં તુ સાધ્યં સ્યાદધો વૈ યાપ્યમુચ્યતે ।
સર્વસ્રોતઃપ્રવૃત્તં તુ રક્તપિત્તં ન સિધ્યતિ ॥ રક્તપિત્તમધોભાગં છર્દિનૈસ્સમુપાચરેત્ ॥ ॥ ચતુર્થો ઽ ધ્યાયઃ ॥