Bhela Samhita · Chapter 6.26

rūkṣānnapānasevābhir vegasandhāraṇena ca /
karśitasyātimātrantu ceṣṭitasya tathaiva ca //

viriktayuktanasyasya vastinā karśitasya ca /
apatantritabhaktasya bhaktasyāpyatisevinaḥ //

śuddhaḥ pakvāśayagato vāyurvṛddhaḥ prapadyate /
sa pīḍayitvā hṛdayaṃ dhamanīrdaśa saṃsthitaḥ //

ūrdhvamāpūrya srotāṃsi śiraśśaṅkhau ca dhāvati /
ākṣepāttasya gātrāṇi nāmyante ca dhanuryathā //

nimīlitākṣaḥ stabdho vā nirucchavāso viceṣṭate /
kṛcchrācchavasiti sarpīva kūjaty api kapotavat //

mukte ca hṛdi vātena punaḥ svāsthyaṃ niyacchati /
bhūyas tu śete srastākṣo muhyatyaprayato yathā //

ghorassa vātiko rogo dhamanīhṛdayāśritaḥ /
sannirodhāc ca nāḍīnāṃ yantritānāṃ ca vegataḥ //

srotasāṃ vyākulībhāvānnityaṃ syādapatantrakaḥ /
na cainaṃ vāmayed dhīro na cāpy enaṃ virecayet //

na cāsyāsthāpanaṃ dadyānna cainamapatarpayet /
pippalyo ' tha viḍaṅgāni śigrūṇi maricani ca //

etāni sūkṣmapiṣṭāni kuryāc chīrṣavirecanam /
śvasato yasya saṃvṛddhiḥ śleṣmaṇo mārutasya ca //

tasya śleṣmaṇyupahate saṃjñā samupajāyate /
sauvarcalaṃ dāḍimaṃ ca tathā hiṃgvamlavetasam // 6.2

mahauṣadhaṃ ca pītāni nāśayantyapatantrakam /
hiṅgu puṣkaramūlaṃ ca tumburūṇi harītakī //

yavakvāthodakenaitaddātavyaṃ lavaṇaistribhiḥ /
hṛdrogaṃ pārśvaśūlaṃ ca pravṛddhaṃ cāpatantrakam //

yogo ' yaṃ śamayatyāśu śūlaṃ gulmaṃ ca vātikam /
vibhītakaṃ cātiviṣāṃ bhadramustāṃ sapippalīm //

bhārṅgīṃ saśṛṅgaberāṃ ca sūkṣmacūrṇāni kārayet /
tāni cūrṇāni madyena pītānyuṣṇodakena vā //

nāśayanti nṛṇāṃ kṣipraṃ śvāsakāsapatānakam /
harītakī vacā rāsnā saindhavaṃ sāmlavetasam //

ghṛtamātrāsamāyuktaṃ nāśayatyapatānakam /
śukanāsā mahāvallī dve bṛhatyau mahauṣadham //

niculaś caiva bhārṅgī ca /.. /.. kālikā /
punarnavā ceti samairakṣamātraiḥ pacedbhiṣak //

toyāḍhake ghṛtaprasthaṃ tatsiddhaṃ cāpi pāyayet /
śvāsakāsā mahāhikkā hṛdrogaś cāpatantrakaḥ //

nātikrāmed idaṃ sarpiḥ velāmiva mahodadhiḥ /
kākādanī balālambā dve bṛhatyau mahauṣadham //

kadambapuṣpī kālā ca candravallī tathā vṛṣā /
ādārī ca vidārī ca suvahā keśavaty api //

eteṣāṃ dvipalān bhāgān jaladroṇe vipācayet /
etairevākṣamātraiś ca ghṛtaprasthaṃ vipācayet //

dviguṇena kaṣāyeṇa tatsiddhaṃ yuktiyaḥ pibet /
asādhyāṃ mahatīṃ hikkāṃ śvāsaṃ caivāpakarṣati //

harītakyāś ca pañcād dve ca sauvarcalātpale /
vipācayed ghṛtaprasthaṃ dviguṇakṣīrasaṃyutam //

apatānaṃ sahṛdrogametasarpirvyapohati /
hikkāśvāsau ca saṃvṛddhau sadya eva cikitsati //

atapānakanāśārthametaduktaṃ cikitsitam /
athārditānāṃ vakṣyāmi cikitsāṃ lakṣaṇāni ca //

śastrakāṣṭhaprahārācca grāmyadharmātisevanāt /
chardanānmadyapānāc ca dhanuṣaś ca vikarṣaṇāt //

nityaṃ vyāyāmaśīlānāṃ patanāllaṅghanād api /
avatantritabhaktasya vyādhinā karśitasya ca //

narasya kupito vāyurūrdhvam eva prapadyate /
hanumūlaṃ śiraś cāpi grīvāṃ caivārdayaty api //

sa jihmaṃ kutute tasya vadanaṃ cakṣureva ca /
kampate ' sya śirogrīvaṃ nāsā vakrībhavaty api //

tasyākṣiṇī nimīlyete niṣpande viṣame tathā /
ūrdhvaṃ viprekṣate ' tyarthaṃ tiryagākekarekṣaṇaḥ //

oṣṭhau śvayathumantau ca cibukaṃ ca vināmyate /
ṣṭhīvatyathātimātraṃ hi kalā sajjati cāsya vāk // /.. /.. /.. /.. /.. /.. /.. /.. /.. // saptaviṃśo ' dhyāyaḥ // /.. /.. /.. /.. /.. /.. /.. /.. /.. /.. /.. /.. /.. /// nāṃ vraṇanāśanāḥ /