Bhela Samhita · Chapter 6.22

ajīrṇe yaddivā bhuktaṃ na duṣyati yathā nṛṇām /
vyuṣitaṃ dūṣyate vāpi tatra hetuṃ nibodha me //

vyāyacchato vicarataḥ vyākṣiptamanasas tathā /
mande rasapraseke ca divābhuktaṃ na duṣyati //

kamalapratimaṃ prāhurhṛdayaṃ divasakṣayāt /
saṃvṛtaṃ vivṛtaṃ caiva bhavatyādity araśmibhiḥ //

vibuddhe hṛdaye cāsya srotassu vivṛteṣu ca /
hṛdayaprabhavāś cāsya srotobhir vivṛtairdivā //

na kledam upagacchanti divā tenāsya dhātavaḥ /
ajīrṇe prātarāśe tu tṛptasyāpi divā tatha //

anena vidhinā bhūyaḥ sāyamāśo na duṣyati /
vyuṣitaṃ dūṣyate cāpi rogān sañjanayaty api //

saṃvṛteṣv ayaneṣvevaṃ vāyuś cāgniś ca dehinām /
vyāyāminaṃ vinaiveha tau hyannaṃ pacato niśi //

mlāne tu hṛdaye rātrāvutkleśaikapadeṣu ca /
saṃvṛteṣv api srotassu vyāyāmaṃ ca na sevate //

yadannaśeṣaṃ hṛdaye tiṣṭhatyāmāśaye ' pi ca /
tenāsyāmapralambena dehe paktimagacchatā //

hṛdaye vyādhite ruddhe viṇmūtre ' sya niśātyaye /
upasthite cānnarase pittaśleṣmasamudbhave //

annasaṃpuṭaruddhe ca mārute cordhvamāsthite /
hṛdayagrahamutkleśaṃ hṛllāsaṃ gurugātratām //

tadannaśeṣaṃ janayenmūrchā parikinī tṛṣām /
jvaraṃ chardimatīsāraṃ hikkāṃ bhaktasya vārucim //

ajīrṇe vyuṣitaṃ kuryād rogānetān viṣopamān /
tasmād ajīrṇe vyuṣitaṃ bhojanaṃ pratiṣidhyate // /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. // trayoviṃśo ' dhyāyaḥ // /.. /.. /.. /.. /.. /.. /.. /.. /.. /.. /.. /.. /.. /.. /.. /..