Bhela Samhita · Chapter 6.18

prakṛtyā vātalo yas tu rūkṣāṇyannāni sevate /
kaṣāyaṃ kaṭukānnityaṃ rasāṃstiktāṃś ca sevate //

karkandhūni kapitthāni karīralikucāni ca /
pārāvatāni bhavyāni yaccānyatphalamīdṛśam //

śuktakāni ca vallūraṃ piṇyākaṃ kodravaudanam /
abhiṣyandīni kaṭukaṃ vetraśākaṃ ca sevate //

vātamūtrpurīṣāṇāṃ vidhṛtyā maithunasya ca /
etairanyaiś ca gurubhir hetubhiḥ kupito ' nilaḥ //

nigṛhṇāti gudadvāraṃ śarīraṃ vyāpya sarvaśaḥ /
sa śoṣayati tatrasthaḥ śarīraṃ śoṣayan bhṛśam //

adhovahāni srotāṃsi pittaśleṣmavahāny api /
mūtrānnamalavāhīni badhnāti pavano bhṛśam //

vātasandūṣitāste tu dhāvanto hyūrdhvamāsthitāḥ /
āmapakvāśayasthāna unmādyanti sudāruṇam //

ūrdhvaṃ hyapānassamprāpya codānena samāgataḥ /
udārvata iti proktaḥ śastrasarpaviṣopaḥ //

atha śūlāni tīvrāṇi dāho mūrcchā vivarṇatā /
śūyate vastimūlaṃ ca mūtravarvograhas tathā //

vatāvatha ca kukṣau ca hṛdi pārśvodare tathā /
devanābhiparītaś ca nissaṃjño vetate ' sakṛt //

niśvasity atha tāmyaṃś ca tṛṣyaty api ca hikkate /
upadravā udāvarte śṛṇu teṣāṃ cikitsitam //

susnigdhamenamabhyajya tailena lavaṇena ca /
saṃkare prastare svede droṇyāṃ vā svedayet tataḥ //

tato ' sya gudamabhyajya nirūhaṃ sampradāpayet /
ekaṃ dvau vā bhiṣak kṛtvā yāvadvā sādhu manyate //

surirūḍhaṃ ca taṃ jñātvā sukhāmbupariṣecitam /
uṣṇodakānupānaṃ ca bhojyenmṛdumodanam //

snuhāyāḥ patraśākena trivṛcchākena vā punaḥ /
tābhyāṃ yūṣeṇa bhuñjīta yaccānyadbhedanaṃ param //

nityaṃ bhinnapurīṣais taṃ bhojanīyair upācaret /
evaṃ tasya purīṣaṃ hi vāyurbhūyo na śoṣayet // /.. /.. /.. /.. /.. /.. /.. /.. /
/ekonaviṃśo ' dhyāyaḥ // /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /..