Bhela Samhita · Chapter 5.4

yadāturasya hṛdayaṃ vāyuḥ saṃgṛhya tiṣṭhati /
dhamanīssaṃparīpīḍya sadyo jahyāt sa jīvitam /

āturasya yadā vāyuḥ śarīramanupadyate /
uttāne netraniṣyandaḥ sadyo jahyāt sa jīvitam //

yasya koṣṭhagato vāyurupāvṛttaśśarīriṇaḥ /
kṣīṇalohitamāṃsasya sadyo jahyāt sa jīvitam //

yasyāturasyeha vātād vātāṣṭhīlā vivardhate /
na saṃsarati cānyatra sadyaḥ prāṇān jahāti saḥ //

yasyobhe piṇḍike stabdhe nāsā jihmā ca lakṣyate /
vyāvṛtte cākṣiṇī yasya sadyaḥ prāṇān jahāti saḥ //

āmāśayasamutthānā yasyaiva parikartikā /
tṛṣṇā ca tīvrarāgaś ca sadyaḥ prāṇān jahāti saḥ //

pakvāśayasamutthānā yasya syāt parikartikā /
tṛṣṇā galagrahaścograḥ sadyo jahyāt sa jīvitam //

śoṇitaṃ romakūpebhyo yasya kṣarati dehinaḥ /
atīva mukhato bhedi sadyo jahyāt sa jīvitam //

hṛdayasya tu saṃghātaṃ parikṣīṇasya dehinaḥ /
atyarthaṃ pīḍayecchūlaṃ sadyaḥ prāṇān jahāti saḥ //

yasya kṣīṇaśarīrasya saṃjñāṃ harati mārutaḥ /
vyāhanti ca mahāsrotaḥ sadyaḥ prāṇān jahāti saḥ //

hṛdayasya tu saṃghātaṃ parikṣīṇasya dehinaḥ /
etair eva ṃvidhairliṅgairanyaiś cāpi tathāvidhaiḥ // prakṛtervikṛtiṃ prāptaṃ parīkṣetāturaṃ bhiṣak /
ity āha bhagavān ātreyaḥ /
iti bhele indriye caturtho ' dhyāyaḥ // // pañcamo ' dhyāyaḥ // athāto yasyaśyāvīyaṃ vyākhyāsyāma iti ha smāha bhagavān ātreyaḥ /