Bhela Samhita · Chapter 4.8

iha khalu bhoḥ yāḥ striyaḥ pathyalaghubhojinyo ' nudāvartanaśīlā apraduṣṭā yathāgarbhāśayāḥ suviśuddhasrotaso bhavanti, tā ācakṣate avandhyāḥ iti kuśalāḥ /
tā iṣṭarūpaṃ medhāvi cāpatyaṃ janayanti, viparyaye viparyayaḥ //

ṛtau ca garbho ' vatiṣṭhate /
tad yathā---sukṛṣṭakṣetre bījaṃ prakṣiptaṃ tatra vrīhiḥ vrīhitvāya kalpate, yavo yavatvāya evam eva[ priya] indriyamṛtukāle visṛṣṭamaduṣṭāyāṃ[ -māmaṭṭa] yonau garbhāśayam upagacchati /
tad yathā[ tad yathāya]---āvartagṛhītāḥ pratīpaṃ pratidhāvanti tadvat śuklaśoṇitaṃ garbhāśaye[ garbhāśaya astikaṃ] āsiktaṃ kṣīramiva /
taccānekakanakamiva[ taṃ cānekanakamivo]-udumbareṇa niṣiktamekatvamāpannamṛddhiṃ labhate //

sā ced evamākāṅkṣetaudvāhike[ evayā kāṃkṣā-] śivāvadātaputraṃ janayeyam[ janayanti] iti, yavānāṃ manthaṃ[ mandaṃ] sarpissamyuktaṃ saptarātramanupahataṃ bhuñjīta /
tato dauhṛdinī[ dauhṛtdvi] śvetāyā goḥ sarūpavatsāyāḥ payasi pāyasaṃ pācayitvā tadevāśnīyāt [ -atmīyāt] /
śukle ca vāsasī paridadhyāt [ parirabhyāt] /
sarvaśvetaṃ cāsyāḥ saṃskṛtaṃ vimānaṃ kārayet /
vṛṣabhamaśvaṃ[ vṛṣabhagaga] vāsyā darśayet /
evamavadātaṃ putraṃ janayet /
netyāha śaunakaḥ /
paiṅgalyaṃ vā tato ' pyatreti /
ātreya uvāca kiṃ syādāvādhakam, piṅgalāvayavayā āyuṣmanto nīrogāś ca bhavantīti //

sā cedevam[ iti hā] āśāsīta[ āsita] śyāmaṃ lohitākṣaṃ putraṃ janayeyam[ jana yetre yāvat dvitīye māsapuṣpaṃ paśyet yamiti] iti eṣāmeva[ eṣāma] yavānāṃ manthaṃ[ mandaṃ] kārayet lohitakukkuṭaraktena saptarātraṃ raktaśālīnāmodanamanupahataṃ bhuñjīta /
dauhṛde sā tāmreṇa ca vāsasā paridadhyāt /
tāmre cāsyāḥ śayanāsane dadyād raktavṛṣamaśvaṃ[ -vṛṣamadaṃ] vāsyā darśayet /
evaṃ śyāmaṃ lohitākṣaṃ putraṃ janayati //

yā[ yāvad] vi dvitīyamāsi puṣpaṃ paśyenna vāsyā[ va] garbhastiṣṭhatīti vidyādajāta sārā[ nā] hi tadā garbhavatyo bhavanti /
yasyāstu[ tasyāstu] khalu yoniḥ[ yoni] jātasāre puṣpam āsravati[ āśraya] tasyāḥ patati vāpyatikālaṃ[ vāpity a-] vā ' vatiṣṭhate gabhaḥ pariśuṣkagātra iti //

caturthe khalu māse prativihite kṣīre navanītaṃ prāśnīyāt /
pañcame kṣīrayavāgūḥ, ṣaṣṭhe kṣīrasarpiḥ, saptame dadhyudaśvit, aṣṭame kṣīrasarpiḥ, navame tu khalu māse prativihite madhurauṣadhasiddhena[ kadambamāṣṭerāghataitānuvāsa] tailenānuvāsaḥ //

evaṃ hy asyāḥ pratimāsaṃ[ pratisaṃvartamānāyā yacchatanmataṃ] vartamānāyāḥ kukṣīkaṭīpārśvapṛṣṭhaṃ mṛdūbhavati jīrṇapurīṣaṃ cādhaḥ travetsukhaṃ ca prajāyate //

saptame tu khalu māse garbhaprapīḍitā vātapittaśleṣmāṇa[ -śleṣmāṇo] uraḥ prāpya savidāhaṃ[ vidahyamānāḥ] kaṇḍūṃ janayanti /tena kikkisāni jāyante strīṇām /
triphalācūrṇaṃ śaśarudhireṇa piṣṭvā tenāsyāḥ tānyālepayet //

aṣṭame tu khalu māse prativihite sati sūkikāgāraṃ samyak prāgdvāramudakdvāraṃ vā kārayet tinduka- palāśa[ phalāśa]-aśvatthaiḥ /
/

athātra pūrvasaṃkalpitāḥ syuḥ dvau khalu bilvamayau paryaṅkau śūrpau ca dvau taṇḍulamusalau gaṇḍopadhānaṃ yavāgūḥ[ mayau] sarpiś ca tailaṃ ca sarṣapāśceti //

athaināṃ prajanayiṣyatīti yavāgūṃ pāyayet /
anāgatagarbhaved anāṃ caināmavahananaṃ ca kārayet /
sā yadi jānīyādavabhraṣṭo me kukṣiḥ pravimukto me hṛdgarbhaḥ prasrutā me yoniriti, athainām upakārikalpitanakhāścatasra upajīvikāḥ[ upajīvā] pratidinam upatiṣṭheyuḥ /
śanaiḥ pūrvaṃ pravāhetapaścād[ pravāhetatpaścād] balavattaram iti /na cāpy anāgatavegā vā bāliśatayā[ bābāhūhlitatayādyā], anāgatavegā hi duḥkhāyātmānaṃ[ tanā duḥkhā] prayacchati saha putreṇa //

tasyāścet prajātāyā[ prajātāyāparānapra] aparā na prapadyate, tadaināṃ raktaśālīnāmakṣamātraṃ kalkamamlena[ kalpya] mūtreṇa[ mūtreṇa] vā pāyayet /
etenaiva kalpena dantīdravantīvṛścikālīvunarnavāvanaśīrṣākaṃ kārayet /
tathā[ talau]-umākāla- sarpa[ sarva]-purāṇamālānām anyatamena dhūpayet /
sā cedanena vidhinā na pravartate athaināṃ tīkṣṇaphala- tailena[ taire]-anuvāsayet // [ ayamadhyāyaḥ mātukāyāmardhe vicchinno dṛśyate /] /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. iti bhele śārīre ' ṣṭame ' dhyāyaḥ // iti bhelasaṃhitāyāṃ, śārīrasthānaṃ samāptam // // indriyasthānaḥ // // prathamo ' dhyāyaḥ // ----------------------------------- -----------------------------------