Bhela Samhita · Chapter 4.6

iha khalu bho mātṛjaś cāyaṃ garbhaḥ pitṛjaś cātmajaś ca sātmyajaś ca rasajaś ca /
asti ca sattvam aupapādakam[ aupavādakam] ity ātreyavacanam /
neti bharadvājaḥ /
amātṛjaś cāyaṃ garbhaḥ apitṛjaś cānātmajaśca- asātmyajaś[ anātmajaś] cārasajaś ca /
nāsti ca sattvam aupapādakam[ aupavādhikam] iti /
yadi hi mātā putraṃ janyet bhūyiṣṭhaṃ hi strī putrakāmā maithunavargamabhis andhāya putraṃ janayet strīkāmā ca striyam //

yadā[ -vi] jīven a saha sūkṣmāvagnimārutau garbhaṃ viśataḥ tadā[ -va] dvāvetāvaṅgapratyaṅgāni vikurutaḥ,tau ceṣṭayataḥ[ ceṣṭataḥ], tau vardhayataḥ, tāveva yadā śarīrād vyavakrāmataḥ tadā tadbhavati nirvāto nirūṣmā preto mṛta iti /
netyāha bharadvājaḥ /
mṛto ' pi jantuḥ vāyunādhmāṣyate, agninā śoṣyate /
netyāha bhagavān ātreyaḥ /
saha vā tasyāgnimārutau jīvayataḥ, tayor apakrāntayor [ apakrāntayor vātya] bahyāgnimārutāvāviśata iti //

yatpunarāḥ sati ca bhūtanānātve[ bhūtarnātve] kathamekaḥ syāditi atrocyate /
yatraitannānātvamāśritaṃ tadetadavyaktamasti pañcamahābhūtasaṃgraha iti //

yatpunarāha yadyavyaktaṃ sarvaṃ syādavikāraḥ syād iti[ ya---sa vivasyādadhi], atrocyate /
vātapittaśleṣmakṛtā rasasamutthā asya vyaktāḥ procyante vikārāḥ, avyakte hyukte te[ rute] vyaktāḥ kathamavyaktaṃ srakṣyanti, kathaṃ tarhi śarīre tadvikriyate, unmādaḥ kathamavyaktaṃ manaḥ spṛśatīty[ spṛśatithena] etaccānupapannam /
kiṃ tarhi yathādity assambhūto ' pi meghāntarito[ memāmtarito] na prakāśam upajanayati tathā[ ---] mano ' ntarhiteṣu vijñānasrotassu tamasā smṛtiṃ nopajanayatīti //

yatpunarāḥ yadyayaṃ paralokād garbho ' vakrāmennāsya[ garma ukta] kiñcittatrādṛṣṭaṃ syāditi, atrocyate /
iha tāvadayaṃ cirotsṛṣṭāni vijñānāni vividhāni cāścaryabhūtāni na smarati kiṃ punardehāntarāṇi bhūtāni bhāvaviśeṣā- antarāṇi[ ---] //

tatra ślokaḥ--- tamasā bhāvito yo vai saṃsmarenna sa mānavaḥ /
saṃsmaretpūrvacaritaṃ sukṛte vedavad[ vedavidṛja] dvijaḥ // ity āha bhagavān ātreyaḥ /
iti bhele śārīre ṣaṣṭho ' dhyāyaḥ // // saptamo ' dhyāyaḥ // athātaḥ śarīrasaṃkhyāśārīraṃ vyākhyāsyāma iti ha smāha bhagavān ātreyaḥ /