Bhela Samhita · Chapter 4.3

ihāsamānagotrān tu[ vai] ṛtusnātāṃ striyaṃ vrajet /
medhā vinamarogaṃ[ di-] sā putramevaṃ prasūyate //

bījadoṣādyathā sasyaṃ na samyak viprarohati[ -rohiṇī] /
mātāpitros tu doṣeṇa tathā garbhaḥ praṇaśyati[ prayaccha] //

tasmāt samyagrasāhārā vṛtukāle[ dṛ-] ' tha dampatī /
rahas saṃyogam eyātāṃ smarantau manasā vibhum //

vikṛtāḥ syuragarbhā vai rasāpathyaniṣevaṇe /
sandhāraṇādvā vegānāṃ yonidoṣeṇa vā punaḥ //

yonau doṣopasṛṣṭāyāṃ[ doṣopavṛ-] na garbho hy avatiṣṭhate /
tathaiva bāhyayonau[ brāhma] hi nirvāhiṇyāṃ[ nirvāhinyāṃ] ca sarvadā //

gṛhṇāti vāyuryasyāṃ ca yonau śukram[ ruśraṃ] upāgatam[ upāgataḥ] /
bibharti garbhaṇī garbhaṃ śuddhārtavasamanvitā //

cyavate ca yadā cāsau tadā garbhaḥ praṇaśyati /
vātodaraṃ striyāstadvai tasmā dūkṣāṇi[ dūpā] varjayet //

bhavatyabhyadhike śukle puruṣaḥ śoṇite ' ṅganā /
napuṃsakaṃ tayoḥ sāmye tasmācchuklaṃ vivardhayet //

yadā tu kalalaṃ vāyustad dvidhā kurute balī /
yamau tadā sambhavataḥ kṛṣṇātreyavaco yathā //

tatra śuklottare bhāge pumān raktottare ' ṅganā /
anenaiva ca kalpena yamakeṣv api nirdiśet //

vāyus tv aśvavarāhāṇāṃ deheṣu valavān punaḥ /
sa tatra kalalaṃ bhittvā karoti bahuputratām //

nāpnoti ca yadā garbho rasaṃ duṣṭaiḥ sirāmukhaiḥ /
asaṃpūrṇo vasannāgaḥ tathā varṣāṇi tiṣṭhati //

sampūrṇagātro bhavati yadā sa rasabhāvitaḥ /
tadā sūto[ prasautyathākāśaṃ] yathākālaṃ garbhaḥ strīkukṣivicyutaḥ //

ye ca te viṃśatiḥ proktā yonidoṣāś cikitsakaiḥ[ cikitsite] /etaiś cānyaiś ca bahubhir garbho vyāpadyate striyāḥ //

tasmād etāṃścikitset tu doṣān putracikīrṣayā /
ibhāśvagarbhasārūpyaṃ[ ibhāśvā] prayogāddhi bhavec chuci //

vāyvākāśartuyukto hi daivateṣv itareṣu tu /
antarjāto jātavedāḥ prabhāvāyopakalpate //

ṛtau yadā strīpuruṣau prasannamanasau rahaḥ /
upeyātām atha tadā garbho bhavati sāttvikaḥ //

ṛtau yadā strīpuruṣau vyāyastamanasau bhṛśam /
upeyātām atha tadā garbho bhavati rājasaḥ //

ṛtau yadā strīpuruṣau pradīnamanasau rahaḥ /
upeyātām atha tadā garbho bhavati tāmasaḥ //

lakṣaṇaṃ ca samutthānam ity etat samudāhṛtam /
tisṛṇāṃ sattvayonīnāṃ, miśrāṃstenaiva[ mitrāntenaira] lakṣayet // ity āha bhagavān ātreyaḥ /
iti bhele śārīre tṛtīyo ' dhyāyaḥ // caturtho ' dhyāyaḥ // athātaḥ puruṣanicayaṃ śārīraṃ vyākhyāsyāma iti ha smāha bhagavān ātreyaḥ /