Bhela Samhita · Chapter 4.2

aṅgāṅgeṣu pravṛddheṣu pratimūleṣu dhātuṣu /
śuklaṃ ca ṣoḍaśe varṣe suvyaktaṃ pratipadyate //

tathā vṛddhasya jantoś ca parikṣīṇeṣu dhātuṣu /
vivekā[ ma] na yathāpūrvaṃ vivicyante parikṣayāt //

tato ' lparetā bhavati sujīrṇo durbalo ' thavā /
na paśyati naraḥ śuklaṃ sarvadhātuparikṣayāt //

raktaṃ māṃsaṃ vasāsthīni[ ca] majjā śuklaṃ tathānalaḥ /
śakṛnmūtre ca tairmandaṃ vidyānnavatitaḥ param //

iha narchati garbhaṃ strī vātenopahatā tathā /
yonidoṣeṇa[ yā] cānnena na hi vandhyāsti nā ca na //

vamanaṃ recanaṃ caiva vastimāsthāpanaṃ[ vastirā] tathā /
tasmāt tatkārayetstrīṇāṃ prasiddhāḥ prasuvanti[ prasa] vai //

athātra bhavati praśnaḥ kasmācchabdaṃ[ rasā chardiṃ] na nāsayā /
gṛhṇāsyāsyena[ gṛhīṣvā] vā gandhaṃ tulyaṃ sarvatra khaṃ yadi //

tvagbhāge[ tvadbhā] ca same kasmānna gṛhṇātyanyayā rasam /
iti tadvacanaṃ śrutvā pratyuvāca punarvasuḥ //

ghrāṇaṃ gandhaṃ ca bhaumaṃ hi rūpaṃ[ rūkṣaṃ] cakṣuś ca taijasam /saṃsparśaṃ sparśanaṃ vāyoḥ śrotraṃ śabdātmakhaṃ[ śabdātmakaṃ] tathā //

rasanaṃ ca raso hy āpyaṃ[ vyā-] tasmād etairihendriyaiḥ /
yathāsvaṃ tulyayogitvād viṣayagrahaṇaṃ smṛtam //

svaṃ svaṃ hi viṣayaṃ dhātur vijānāty ātmanānvitaḥ /
ātmendriyamanorthānāṃ bandhācceti[ bandhiśce] samādiśa // ity āha bhagavān ātreyaḥ /
iti bhele dvitīyo ' dhyāyaḥ // tṛtīyo ' dhyāyaḥ /
athāto ' samānagotrīyaṃ śārīraṃ vyākhyāsyāma iti ha smāha bhagavān ātreyaḥ /