Scripture Library

Bhela Samhita · Chapter 3.5

3.5.1

guruvyādhirnaraḥ kaścinmūrtyā caiva balena ca /
laghuvyādhiḥ naras tv anyaḥ sattvād ibhir ananvitaḥ //

3.5.2

guruvyādhirivābhāti bhiṣak tatra pramuhyati /
tatrālpamātraṃ bhaiṣajyaṃ sevitaṃ gururogiṇām //

3.5.3

na nirdahatyataḥ sarvāndoṣānalpena tejasā /
mūrchā chardistimitatā jṛmbhā ca gurugātratā //

3.5.4

tṛṣṇā santatabhāvaś ca bhavanty etāni tasya tu /
mustā kuṣṭhaṃ haridre dve pragrahātiviṣāmayāḥ //

3.5.5

bhallātakaṃ vayasthā ca citrakaḥ suradāru ca /
etairāsthāpanaṃ tac ca kuryād gomūtrasaṃyutaiḥ //

3.5.6

pūrṇādiṣṭānadiṣṭāṃś ca tathā śāntiṃ niyacchati /
āragvadhaṃ saptaparṇaṃ madanaṃ svādukaṇṭakam //

3.5.7

śārṅgeṣṭāṃ kaṭukāṃ pāṭhāṃ naktamālaṃ savatsakam /
etadāragvadhārthaṃ tu kuryād āsthāpanaṃ bhiṣak // // ṣaṣṭho ' dhyāyaḥ // athāta ṛtuvimānaṃ vyākhyāsyāma iti ha smāha bhagavān ātreyaḥ /

Original text: Bhelasaṃhitā · Edition: ed. V. S. Venkatasubramania Sastri and C. Raja Rajeswara Sarma (CCRAS, New Delhi); e-text by SARIT · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0