ભેલસંહિતા · અધ્યાય 3.5

ગુરુવ્યાધિર્નરઃ કશ્ચિન્મૂર્ત્યા ચૈવ બલેન ચ ।
લઘુવ્યાધિઃ નરસ્ ત્વ્ અન્યઃ સત્ત્વાદ્ ઇભિર્ અનન્વિતઃ ॥

ગુરુવ્યાધિરિવાભાતિ ભિષક્ તત્ર પ્રમુહ્યતિ ।
તત્રાલ્પમાત્રં ભૈષજ્યં સેવિતં ગુરુરોગિણામ્ ॥

ન નિર્દહત્યતઃ સર્વાન્દોષાનલ્પેન તેજસા ।
મૂર્છા છર્દિસ્તિમિતતા જૃમ્ભા ચ ગુરુગાત્રતા ॥

તૃષ્ણા સન્તતભાવશ્ ચ ભવન્ત્ય્ એતાનિ તસ્ય તુ ।
મુસ્તા કુષ્ઠં હરિદ્રે દ્વે પ્રગ્રહાતિવિષામયાઃ ॥

ભલ્લાતકં વયસ્થા ચ ચિત્રકઃ સુરદારુ ચ ।
એતૈરાસ્થાપનં તચ્ ચ કુર્યાદ્ ગોમૂત્રસંયુતૈઃ ॥

પૂર્ણાદિષ્ટાનદિષ્ટાંશ્ ચ તથા શાન્તિં નિયચ્છતિ ।
આરગ્વધં સપ્તપર્ણં મદનં સ્વાદુકણ્ટકમ્ ॥

શાર્ઙ્ગેષ્ટાં કટુકાં પાઠાં નક્તમાલં સવત્સકમ્ ।
એતદારગ્વધાર્થં તુ કુર્યાદ્ આસ્થાપનં ભિષક્ ॥ ॥ ષષ્ઠો ઽ ધ્યાયઃ ॥ અથાત ઋતુવિમાનં વ્યાખ્યાસ્યામ ઇતિ હ સ્માહ ભગવાન્ આત્રેયઃ ।