Bhela Samhita · Chapter 1.23

gāḍhaṃ purīṣaṃ grathitaṃ śuskaṃ vātasamīritam /
tenāsyāpihitaṃ srotaḥ śvayathuṃ kurute gude //

tasyaiva kupito vāyurūrdhvaṃ jantoḥ prapadyate /
pārśve śroṇyāṃ ca pṛṣṭhe ca hṛdaye cāvatiṣṭhate //

śiraś cāpy avasaṃgṛhya vikārān kurute bahūn /
bādhiryaṃ timiraṃ cāpi pratiśyāyamathāpi ca //

atha pittaṃ kaphaṃ vā svātsthānāccyāvayate ' nilaḥ /
tato ' sya dhāvato doṣairduṣyanti ca rasādayaḥ //

tato jvaro ' sya balavān pāṇḍutvaṃ cāpi jāyate /
śvayathuś ca bhaved asya grahaṇī ca praduṣyati //

tasmād dāruṇakoṣṭhas tu gāḍhavarcāś ca yo bhavet /
rūkṣamannaṃ pariharenna cainamavasraṃsayet //

snigdhānyannāni hṛdyāni māṃsāni vividhāni ca /
kuluttharasayuktāni pradadyāddehine sadā //

āsthāpanaṃ vātaharaṃ tailaṃ cāpy anuvāsanam /
na bhavanti vikārā hi narasya pratikāriṇaḥ //

atha yaḥ kalilaś ca syāt prajākāmaś ca mānavaḥ /
utkṛṣṭatāradāriś ca karmahinas tathaiva ca //

atha sthūlakṛśaś caiva vaidyamāni ca yo bhavet /
tathaikalokoyatikāṃ motriyānna ca tadvijān //

sabhaṃgān sukumārāṃś ca garbhiṇīṃ taruṇi tadā /
durdilāṃś ca yadu prāptān kāsinaḥ sāti nāriṇaḥ //

pāṇḍurājaiva karṇaṃ ca satataṃ yaś ca kāsati /
pāyayec ca bhiṣaktāpairvamanaṃ savirecanam // ity āha bhagavān ātreyaḥ /
iti bhele trayoviṃśo ' dhyāyaḥ // // pañcaviṃśo ' dhyāyaḥ // athātaḥ ṛtuvibhāgīyaṃ vyākhyāsyāma iti ha smāha bhagavān ātreyaḥ /