Scripture Library

Bhela Samhita · Chapter 1.21

1.21.1

virūkṣayed atisnigdhaṃ kṛmikoṣṭhinam eva ca /
rūkṣastambhyān pramehāṃś ca kapharogāṃś ca sarvaśaḥ //

1.21.2

vāmayecchaleṣmakāse ca pratiśyāye ca mānavān /
hṛdroge caiva kuṣṭhe ca sarvaśleṣmāmayeṣu ca //

1.21.3

vorecayed dhi kuṣṭhāni jvarānvisphoṭakāni ca /
dāhaṃ vicarcikāṃ caiva vātavyādhīṃś ca sarvaśaḥ //

1.21.4

anvāsayetkaṭīpṛṣṭhapārśvarogān vicakṣaṇaḥ /
udveṣṭanaṃ ca gulmaṃ ca vātavyādhīṃś ca sarvaśaḥ //

1.21.5

āsthāpayed dhi gulmāṃś ca mūtrāghātodarāṇi ca /
apasmārāṃś ca kuṣṭhaṃ ca vātavyādhīṃś ca sarvaśaḥ //

1.21.6

svedayeta hanustambhamāyāmam api cārditam /
pārśvarogaṃ ca gulmaṃ ca vātavyādhīṃś ca sarvaśaḥ //

1.21.7

stambhayed raktapittaṃ ca visarpaṃ ca vicakṣaṇaḥ /
dāhaṃ visphoṭakāṃś caiva pittavyādhīṃś ca sarvaśaḥ //

1.21.8

iti pittakaphotthānvai vidyād āmāśayātmakān /
pakvāśayasamutthāṃś ca vātarogānvinirdiśet //

1.21.9

vāmayed vamanīyāṃs tu samīkṣyāmāśayānnarān /
virecayed virecyāṃs tu tathā pakvāśayāśrayān // ity āha bhagavān ātreyaḥ /
iti bhele ekaviṃśo ' dhyāyaḥ // // dvāviṃśo ' dhyāyaḥ // athātaḥ svedādhyāyaṃ vyākhyāsyāma iti ha smāha bhagavān ātreyaḥ /

Original text: Bhelasaṃhitā · Edition: ed. V. S. Venkatasubramania Sastri and C. Raja Rajeswara Sarma (CCRAS, New Delhi); e-text by SARIT · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0