ભેલસંહિતા · અધ્યાય 1.21

વિરૂક્ષયેદ્ અતિસ્નિગ્ધં કૃમિકોષ્ઠિનમ્ એવ ચ ।
રૂક્ષસ્તમ્ભ્યાન્ પ્રમેહાંશ્ ચ કફરોગાંશ્ ચ સર્વશઃ ॥

વામયેચ્છલેષ્મકાસે ચ પ્રતિશ્યાયે ચ માનવાન્ ।
હૃદ્રોગે ચૈવ કુષ્ઠે ચ સર્વશ્લેષ્મામયેષુ ચ ॥

વોરેચયેદ્ ધિ કુષ્ઠાનિ જ્વરાન્વિસ્ફોટકાનિ ચ ।
દાહં વિચર્ચિકાં ચૈવ વાતવ્યાધીંશ્ ચ સર્વશઃ ॥

અન્વાસયેત્કટીપૃષ્ઠપાર્શ્વરોગાન્ વિચક્ષણઃ ।
ઉદ્વેષ્ટનં ચ ગુલ્મં ચ વાતવ્યાધીંશ્ ચ સર્વશઃ ॥

આસ્થાપયેદ્ ધિ ગુલ્માંશ્ ચ મૂત્રાઘાતોદરાણિ ચ ।
અપસ્મારાંશ્ ચ કુષ્ઠં ચ વાતવ્યાધીંશ્ ચ સર્વશઃ ॥

સ્વેદયેત હનુસ્તમ્ભમાયામમ્ અપિ ચાર્દિતમ્ ।
પાર્શ્વરોગં ચ ગુલ્મં ચ વાતવ્યાધીંશ્ ચ સર્વશઃ ॥

સ્તમ્ભયેદ્ રક્તપિત્તં ચ વિસર્પં ચ વિચક્ષણઃ ।
દાહં વિસ્ફોટકાંશ્ ચૈવ પિત્તવ્યાધીંશ્ ચ સર્વશઃ ॥

ઇતિ પિત્તકફોત્થાન્વૈ વિદ્યાદ્ આમાશયાત્મકાન્ ।
પક્વાશયસમુત્થાંશ્ ચ વાતરોગાન્વિનિર્દિશેત્ ॥

વામયેદ્ વમનીયાંસ્ તુ સમીક્ષ્યામાશયાન્નરાન્ ।
વિરેચયેદ્ વિરેચ્યાંસ્ તુ તથા પક્વાશયાશ્રયાન્ ॥ ઇત્ય્ આહ ભગવાન્ આત્રેયઃ ।
ઇતિ ભેલે એકવિંશો ઽ ધ્યાયઃ ॥ ॥ દ્વાવિંશો ઽ ધ્યાયઃ ॥ અથાતઃ સ્વેદાધ્યાયં વ્યાખ્યાસ્યામ ઇતિ હ સ્માહ ભગવાન્ આત્રેયઃ ।