Bhela Samhita · Chapter 1.20

artha ity āha hṛdayaṃ tasmin dhamanayo daśa /
ūrdhvaṃ catasro dve tiryak catasraś cāpy adhaḥ kramāt //

tābhyo mūlasirāstiryagbhidyante naikadhā sirāḥ /
tasmāt tadarthavijñānaṃ smṛtiyogaṃ ca mānasam //

hṛdo raso niḥsarati tasmād eti ca sarvaśaḥ /
sirābhir hṛdayaṃ vaiti tasmāt tatprabhavāḥ sirāḥ //

hṛdi prāṇāś ca cakrasthāḥ vimāne karṇikā yathā /
marmābhighātaṃ tenātra sahate hṛdaye na tu //

puṇḍarīkasya saṃsthānaṃ kumbhikāyāḥ phalasya ca /
etayor eva varṇaṃ ca vibharti hṛdayaṃ nṛṇām //

yathā hi saṃvṛtaṃ padmaṃ rātrāvahani puṣyati /
hṛttathā saṃvṛtaṃ svapne vivṛtaṃ jāgrataḥ smṛtam //

āpo mahārasā vidyādannaṃ caiva mahauṣadham /
mahāpralepanaṃ tatra tejaś caiva mahatparam //

rasānāmudakaṃ yonirannaṃ vṛttiḥ parā smṛtā /
viklinnam upasandhatte punaḥ kāyaṃ śarīriṇām //

sūryāṃśaṃ dhūmam ity āhuryato ' bhraprabhavaḥ smṛtaḥ /
abhrādvarṣaṃ tato ' nnāni, tasmāt tejo mahatparam //

svedaś cāsraṃ ca mūtraṃ ca phenaṃ cāmyantaraṃ malam /
avaśyāyahimāmbūni bāhmāni paricakṣate // hṛdayo /.. /.. /.. /.. /.. /.. /.. /.. /
/.. /.. /.. /.. /.. /.. /.. /.. /.. /.. iti bhele viṃśo ' dhyāyaḥ // /
/ekaviṃśo ' dhyāyaḥ // /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. /.. virecyāṃś caiva mānavān /
āsthāpyānanuvāsyāṃś ca vātavyādhīṃś ca sarvaśaḥ //