Bhagavata Purana · Chapter 11.06

BhP_11.06.001/0 śrī-śuka uvāca
atha brahmātma-jaiḥ devaiḥ prajeśair āvṛto 'bhyagāt /
bhavaś ca bhūta-bhavyeśo yayau bhūta-gaṇair vṛtaḥ

indro marudbhir bhagavān ādityā vasavo 'śvinau /
ṛbhavo 'ṅgiraso rudrā viśve sādhyāś ca devatāḥ

gandharvāpsaraso nāgāḥ siddha-cāraṇa-guhyakāḥ /
ṛṣayaḥ pitaraś caiva sa-vidyādhara-kinnarāḥ

dvārakām upasañjagmuḥ sarve kṛṣṇa-didṛkṣavaḥ /
vapuṣā yena bhagavān nara-loka-manoramaḥ /
yaśo vitene lokeṣu sarva-loka-malāpaham

tasyāṃ vibhrājamānāyāṃ samṛddhāyāṃ maharddhibhiḥ /
vyacakṣatāvitṛptākṣāḥ kṛṣṇam adbhuta-darśanam

svargodyānopagair mālyaiś chādayanto yudūttamam /
gīrbhiś citra-padārthābhis tuṣṭuvur jagad-īśvaram

BhP_11.06.007/0 śrī-devā ūcuḥ
natāḥ sma te nātha padāravindaṃ buddhīndriya-prāṇa-mano-vacobhiḥ /
yac cintyate 'ntar hṛdi bhāva-yuktair mumukṣubhiḥ karma-mayoru-pāśāt

tvaṃ māyayā tri-guṇayātmani durvibhāvyaṃ $ vyaktaṃ sṛjasy avasi lumpasi tad-guṇa-sthaḥ &
naitair bhavān ajita karmabhir ajyate vai % yat sve sukhe 'vyavahite 'bhirato 'navadyaḥ // BhP_11.06.008* //
śuddhir nṛṇāṃ na tu tatheḍya durāśayānāṃ $ vidyā-śrutādhyayana-dāna-tapaḥ-kriyābhiḥ &
śuddhir nṛṇāṃ na tu tatheḍya durāśayānāṃ $ vidyā-śrutādhyayana-dāna-tapaḥ-kriyābhiḥ &
sattvātmanām ṛṣabha te yaśasi pravṛddha- % sac-chraddhayā śravaṇa-sambhṛtayā yathā syāt // BhP_11.06.009* //
syān nas tavāṅghrir aśubhāśaya-dhūmaketuḥ $ kṣemāya yo munibhir ārdra-hṛdohyamānaḥ &
syān nas tavāṅghrir aśubhāśaya-dhūmaketuḥ $ kṣemāya yo munibhir ārdra-hṛdohyamānaḥ &
yaḥ sātvataiḥ sama-vibhūtaya ātmavadbhir % vyūhe 'rcitaḥ savanaśaḥ svar-atikramāya // BhP_11.06.010* //
yas cintyate prayata-pāṇibhir adhvarāgnau $ trayyā nirukta-vidhineśa havir gṛhītvā &
yas cintyate prayata-pāṇibhir adhvarāgnau $ trayyā nirukta-vidhineśa havir gṛhītvā &
adhyātma-yoga uta yogibhir ātma-māyāṃ % jijñāsubhiḥ parama-bhāgavataiḥ parīṣṭaḥ // BhP_11.06.011* //
paryuṣṭayā tava vibho vana-mālayeyaṃ $ saṃspārdhinī bhagavatī pratipatnī-vac chrīḥ &
paryuṣṭayā tava vibho vana-mālayeyaṃ $ saṃspārdhinī bhagavatī pratipatnī-vac chrīḥ &
yaḥ su-praṇītam amuyārhaṇam ādadan no % bhūyāt sadāṅghrir aśubhāśaya-dhūmaketuḥ // BhP_11.06.012* //
ketus tri-vikrama-yutas tri-patat-patāko $ yas te bhayābhaya-karo 'sura-deva-camvoḥ &
ketus tri-vikrama-yutas tri-patat-patāko $ yas te bhayābhaya-karo 'sura-deva-camvoḥ &
svargāya sādhuṣu khaleṣv itarāya bhūman % padaḥ punātu bhagavan bhajatām aghaṃ naḥ // BhP_11.06.013* //
nasy ota-gāva iva yasya vaśe bhavanti $ brahmādayas tanu-bhṛto mithur ardyamānāḥ &
nasy ota-gāva iva yasya vaśe bhavanti $ brahmādayas tanu-bhṛto mithur ardyamānāḥ &
kālasya te prakṛti-pūruṣayoḥ parasya % śaṃ nas tanotu caraṇaḥ puruṣottamasya // BhP_11.06.014* //
asyāsi hetur udaya-sthiti-saṃyamānām $ avyakta-jīva-mahatām api kālam āhuḥ &
asyāsi hetur udaya-sthiti-saṃyamānām $ avyakta-jīva-mahatām api kālam āhuḥ &
so 'yaṃ tri-ṇābhir akhilāpacaye pravṛttaḥ % kālo gabhīra-raya uttama-pūruṣas tvam // BhP_11.06.015* //
tvattaḥ pumān samadhigamya yayāsya vīryaṃ $ dhatte mahāntam iva garbham amogha-vīryaḥ &
tvattaḥ pumān samadhigamya yayāsya vīryaṃ $ dhatte mahāntam iva garbham amogha-vīryaḥ &
so 'yaṃ tayānugata ātmana āṇḍa-kośaṃ % haimaṃ sasarja bahir āvaraṇair upetam // BhP_11.06.016* //
tat tasthūṣaś ca jagataś ca bhavān adhīśo $ yan māyayottha-guṇa-vikriyayopanītān &
tat tasthūṣaś ca jagataś ca bhavān adhīśo $ yan māyayottha-guṇa-vikriyayopanītān &
arthāñ juṣann api hṛṣīka-pate na lipto % ye 'nye svataḥ parihṛtād api bibhyati sma // BhP_11.06.017* //
smāyāvaloka-lava-darśita-bhāva-hāri- $ bhrū-maṇḍala-prahita-saurata-mantra-śauṇḍaiḥ &
smāyāvaloka-lava-darśita-bhāva-hāri- $ bhrū-maṇḍala-prahita-saurata-mantra-śauṇḍaiḥ &
patnyas tu ṣoḍaśa-sahasram anaṅga-bāṇair % yasyendriyaṃ vimathituṃ karaṇair na vibhvyaḥ // BhP_11.06.018* //
vibhvyas tavāmṛta-kathoda-vahās tri-lokyāḥ $ pādāvane-ja-saritaḥ śamalāni hantum &
vibhvyas tavāmṛta-kathoda-vahās tri-lokyāḥ $ pādāvane-ja-saritaḥ śamalāni hantum &
ānuśravaṃ śrutibhir aṅghri-jam aṅga-saṅgais % tīrtha-dvayaṃ śuci-ṣadas ta upaspṛśanti // BhP_11.06.019*
0 śrī-bādarāyaṇir uvāca
ity abhiṣṭūya vibudhaiḥ seśaḥ śata-dhṛtir harim /
abhyabhāṣata govindaṃ praṇamyāmbaram āśritaḥ

BhP_11.06.021/0 śrī-brahmovāca
bhūmer bhārāvatārāya purā vijñāpitaḥ prabho /
tvam asmābhir aśeṣātman tat tathaivopapāditam

dharmaś ca sthāpitaḥ satsu satya-sandheṣu vai tvayā /
kīrtiś ca dikṣu vikṣiptā sarva-loka-malāpahā

avatīrya yador vaṃśe bibhrad rūpam anuttamam /
karmāṇy uddāma-vṛttāni hitāya jagato 'kṛthāḥ

yāni te caritānīśa manuṣyāḥ sādhavaḥ kalau /
śṛṇvantaḥ kīrtayantaś ca tariṣyanty añjasā tamaḥ

yadu-vaṃśe 'vatīrṇasya bhavataḥ puruṣottama /
śarac-chataṃ vyatīyāya pañca-viṃśādhikaṃ prabho

nādhunā te 'khilādhāra deva-kāryāvaśeṣitam /
kulaṃ ca vipra-śāpena naṣṭa-prāyam abhūd idam

tataḥ sva-dhāma paramaṃ viśasva yadi manyase /
sa-lokāl loka-pālān naḥ pāhi vaikuṇṭha-kiṅkarān

BhP_11.06.028/0 śrī-bhagavān uvāca
avadhāritam etan me yad āttha vibudheśvara /
kṛtaṃ vaḥ kāryam akhilaṃ bhūmer bhāro 'vatāritaḥ

tad idaṃ yādava-kulaṃ vīrya-śaurya-śriyoddhatam /
lokaṃ jighṛkṣad ruddhaṃ me velayeva mahārṇavaḥ

yady asaṃhṛtya dṛptānāṃ yadūnāṃ vipulaṃ kulam /
gantāsmy anena loko 'yam udvelena vinaṅkṣyati

idānīṃ nāśa ārabdhaḥ kulasya dvija-śāpa-jaḥ /
yāsyāmi bhavanaṃ brahmann etad-ante tavānagha

BhP_11.06.032/0 śrī-śuka uvāca
ity ukto loka-nāthena svayam-bhūḥ praṇipatya tam /
saha deva-gaṇair devaḥ sva-dhāma samapadyata

atha tasyāṃ mahotpātān dvāravatyāṃ samutthitān /
vilokya bhagavān āha yadu-vṛddhān samāgatān

BhP_11.06.034/0 śrī-bhagavān uvāca
ete vai su-mahotpātā vyuttiṣṭhantīha sarvataḥ /
śāpaś ca naḥ kulasyāsīd brāhmaṇebhyo duratyayaḥ

na vastavyam ihāsmābhir jijīviṣubhir āryakāḥ /
prabhāsaṃ su-mahat-puṇyaṃ yāsyāmo 'dyaiva mā ciram

yatra snātvā dakṣa-śāpād gṛhīto yakṣmaṇodu-rāṭ /
vimuktaḥ kilbiṣāt sadyo bheje bhūyaḥ kalodayam

vayaṃ ca tasminn āplutya tarpayitvā pitṝn surān /
bhojayitvoṣijo viprān nānā-guṇavatāndhasā

teṣu dānāni pātreṣu śraddhayoptvā mahānti vai /
vṛjināni tariṣyāmo dānair naubhir ivārṇavam

BhP_11.06.039/0 śrī-śuka uvāca
evaṃ bhagavatādiṣṭā yādavāḥ kuru-nandana /
gantuṃ kṛta-dhiyas tīrthaṃ syandanān samayūyujan

tan nirīkṣyoddhavo rājan śrutvā bhagavatoditam /
dṛṣṭvāriṣṭāni ghorāṇi nityaṃ kṛṣṇam anuvrataḥ

vivikta upasaṅgamya jagatām īśvareśvaram /
praṇamya śirisā pādau prāñjalis tam abhāṣata

BhP_11.06.042/0 śrī-uddhava uvāca
deva-deveśa yogeśa puṇya-śravaṇa-kīrtana /
saṃhṛtyaitat kulaṃ nūnaṃ lokaṃ santyakṣyate bhavān /
vipra-śāpaṃ samartho 'pi pratyahan na yad īśvaraḥ

nāhaṃ tavāṅghri-kamalaṃ kṣaṇārdham api keśava /
tyaktuṃ samutsahe nātha sva-dhāma naya mām api

tava vikrīḍitaṃ kṛṣṇa nṛnāṃ parama-maṅgalam /
karṇa-pīyūṣam āsādya tyajanty anya-spṛhāṃ janāḥ

śayyāsanāṭana-sthāna- snāna-krīḍāśanādiṣu /
kathaṃ tvāṃ priyam ātmānaṃ vayaṃ bhaktās tyajema hi

tvayopabhukta-srag-gandha- vāso-'laṅkāra-carcitāḥ /
ucchiṣṭa-bhojino dāsās tava māyāṃ jayema hi

vāta-vasanā ya ṛṣayaḥ śramaṇā ūrdhra-manthinaḥ /
brahmākhyaṃ dhāma te yānti śāntāḥ sannyāsīno 'malāḥ

vayaṃ tv iha mahā-yogin bhramantaḥ karma-vartmasu /
tvad-vārtayā tariṣyāmas tāvakair dustaraṃ tamaḥ

smarantaḥ kīrtayantas te kṛtāni gaditāni ca /
gaty-utsmitekṣaṇa-kṣveli yan nṛ-loka-viḍambanam

BhP_11.06.050/0 śrī-śuka uvāca
evaṃ vijñāpito rājan bhagavān devakī-sutaḥ /
ekāntinaṃ priyaṃ bhṛtyam uddhavaṃ samabhāṣata