Bhagavata Purana · Chapter 10.70

yānīha viśva-vilayodbhava-vṛtti-hetuḥ $ karmāṇy ananya-viṣayāṇi harīś cakāra &
yas tv aṅga gāyati śṛṇoty anumodate vā % bhaktir bhaved bhagavati hy apavarga-mārge // BhP_10.69.045*
0 śrī-śuka uvāca
athoṣasy upavṛttāyāṃ kukkuṭān kūjato 'śapan /
gṛhīta-kaṇṭhyaḥ patibhir mādhavyo virahāturāḥ

vayāṃsy aroruvan kṛṣṇaṃ bodhayantīva vandinaḥ /
gāyatsv aliṣv anidrāṇi mandāra-vana-vāyubhiḥ

muhūrtaṃ taṃ tu vaidarbhī nāmṛṣyad ati-śobhanam /
parirambhaṇa-viśleṣāt priya-bāhv-antaraṃ gatā

brāhme muhūrta utthāya vāry upaspṛśya mādhavaḥ /
dadhyau prasanna-karaṇa ātmānaṃ tamasaḥ param

ekaṃ svayaṃ-jyotir ananyam avyayaṃ sva-saṃsthayā nitya-nirasta-kalmaṣam /
brahmākhyam asyodbhava-nāśa-hetubhiḥ sva-śaktibhir lakṣita-bhāva-nirvṛtim

athāpluto 'mbhasy amale yathā-vidhi $ kriyā-kalāpaṃ paridhāya vāsasī &
cakāra sandhyopagamādi sattamo % hutānalo brahma jajāpa vāg-yataḥ // BhP_10.70.006* //
upasthāyārkam udyantaṃ tarpayitvātmanaḥ kalāḥ /
devān ṛṣīn pitṝn vṛddhān viprān abhyarcya cātmavān

dhenūnāṃ rukma-śṛṅgīnāṃ sādhvīnāṃ mauktika-srajām /
payasvinīnāṃ gṛṣṭīnāṃ sa-vatsānāṃ su-vāsasām

dadau rūpya-khurāgrāṇāṃ kṣaumājina-tilaiḥ saha /
alaṅkṛtebhyo viprebhyo badvaṃ badvaṃ dine dine

go-vipra-devatā-vṛddha- gurūn bhūtāni sarvaśaḥ /
namaskṛtyātma-sambhūtīr maṅgalāni samaspṛśat

ātmānaṃ bhūṣayām āsa nara-loka-vibhūṣaṇam /
vāsobhir bhūṣaṇaiḥ svīyair divya-srag-anulepanaiḥ

avekṣyājyaṃ tathādarśaṃ go-vṛṣa-dvija-devatāḥ /
kāmāṃś ca sarva-varṇānāṃ paurāntaḥ-pura-cāriṇām /
pradāpya prakṛtīḥ kāmaiḥ pratoṣya pratyanandata

saṃvibhajyāgrato viprān srak-tāmbūlānulepanaiḥ /
suhṛdaḥ prakṛtīr dārān upāyuṅkta tataḥ svayam

tāvat sūta upānīya syandanaṃ paramādbhutam /
sugrīvādyair hayair yuktaṃ praṇamyāvasthito 'grataḥ

gṛhītvā pāṇinā pāṇī sārathes tam athāruhat /
sātyaky-uddhava-saṃyuktaḥ pūrvādrim iva bhāskaraḥ

īkṣito 'ntaḥ-pura-strīṇāṃ sa-vrīḍa-prema-vīkṣitaiḥ /
kṛcchrād visṛṣṭo niragāj jāta-hāso haran manaḥ

sudharmākhyāṃ sabhāṃ sarvair vṛṣṇibhiḥ parivāritaḥ /
prāviśad yan-niviṣṭānāṃ na santy aṅga ṣaḍ ūrmayaḥ

tatropavistaḥ paramāsane vibhur babhau sva-bhāsā kakubho 'vabhāsayan /
vṛto nṛ-siṃhair yadubhir yadūttamo yathoḍu-rājo divi tārakā-gaṇaiḥ

tatropamantriṇo rājan nānā-hāsya-rasair vibhum /
upatasthur naṭācāryā nartakyas tāṇḍavaiḥ pṛthak

mṛdaṅga-vīṇā-muraja- veṇu-tāla-dara-svanaiḥ /
nanṛtur jagus tuṣṭuvuś ca sūta-māgadha-vandinaḥ

tatrāhur brāhmaṇāḥ kecid āsīnā brahma-vādinaḥ /
pūrveṣāṃ puṇya-yaśasāṃ rājñāṃ cākathayan kathāḥ

tatraikaḥ puruṣo rājann āgato 'pūrva-darśanaḥ /
vijñāpito bhagavate pratīhāraiḥ praveśitaḥ

sa namaskṛtya kṛṣṇāya pareśāya kṛtāñjaliḥ /
rājñām āvedayad duḥkhaṃ jarāsandha-nirodha-jam

ye ca dig-vijaye tasya sannatiṃ na yayur nṛpāḥ /
prasahya ruddhās tenāsann ayute dve girivraje

BhP_10.70.025/0 rājāna ūcuḥ
kṛṣṇa kṛṣṇāprameyātman prapanna-bhaya-bhañjana /
vayaṃ tvāṃ śaraṇaṃ yāmo bhava-bhītāḥ pṛthag-dhiyaḥ

loko vikarma-nirataḥ kuśale pramattaḥ $ karmaṇy ayaṃ tvad-udite bhavad-arcane sve &
yas tāvad asya balavān iha jīvitāśāṃ % sadyaś chinatty animiṣāya namo 'stu tasmai // BhP_10.70.026* //
loke bhavāñ jagad-inaḥ kalayāvatīrṇaḥ $ sad-rakṣaṇāya khala-nigrahaṇāya cānyaḥ &
loke bhavāñ jagad-inaḥ kalayāvatīrṇaḥ $ sad-rakṣaṇāya khala-nigrahaṇāya cānyaḥ &
kaścit tvadīyam atiyāti nideśam īśa % kiṃ vā janaḥ sva-kṛtam ṛcchati tan na vidmaḥ // BhP_10.70.027* //
svapnāyitaṃ nṛpa-sukhaṃ para-tantram īśa $ śaśvad-bhayena mṛtakena dhuraṃ vahāmaḥ &
svapnāyitaṃ nṛpa-sukhaṃ para-tantram īśa $ śaśvad-bhayena mṛtakena dhuraṃ vahāmaḥ &
hitvā tad ātmani sukhaṃ tvad-anīha-labhyaṃ % kliśyāmahe 'ti-kṛpaṇās tava māyayeha // BhP_10.70.028* //
tan no bhavān praṇata-śoka-harāṅghri-yugmo $ baddhān viyuṅkṣva magadhāhvaya-karma-pāśāt &
tan no bhavān praṇata-śoka-harāṅghri-yugmo $ baddhān viyuṅkṣva magadhāhvaya-karma-pāśāt &
yo bhū-bhujo 'yuta-mataṅgaja-vīryam eko % bibhrad rurodha bhavane mṛga-rāḍ ivāvīḥ // BhP_10.70.029* //
yo vai tvayā dvi-nava-kṛtva udātta-cakra $ bhagno mṛdhe khalu bhavantam ananta-vīryam &
yo vai tvayā dvi-nava-kṛtva udātta-cakra $ bhagno mṛdhe khalu bhavantam ananta-vīryam &
jitvā nṛ-loka-nirataṃ sakṛd ūḍha-darpo % yuṣmat-prajā rujati no 'jita tad vidhehi // BhP_10.70.030*
0 dūta uvāca
iti māgadha-saṃruddhā bhavad-darśana-kaṅkṣiṇaḥ /
prapannāḥ pāda-mūlaṃ te dīnānāṃ śaṃ vidhīyatām

BhP_10.70.032/0 śrī-śuka uvāca
rāja-dūte bruvaty evaṃ devarṣiḥ parama-dyutiḥ /
bibhrat piṅga-jaṭā-bhāraṃ prādurāsīd yathā raviḥ

taṃ dṛṣṭvā bhagavān kṛṣṇaḥ sarva-lokeśvareśvaraḥ /
vavanda utthitaḥ śīrṣṇā sa-sabhyaḥ sānugo mudā

sabhājayitvā vidhi-vat kṛtāsana-parigraham /
babhāṣe sunṛtair vākyaiḥ śraddhayā tarpayan munim

api svid adya lokānāṃ trayāṇām akuto-bhayam /
nanu bhūyān bhagavato lokān paryaṭato guṇaḥ

na hi te 'viditaṃ kiñcil lokeṣv īśvara-kartṛṣu /
atha pṛcchāmahe yuṣmān pāṇḍavānāṃ cikīrṣitam

BhP_10.70.037/0 śrī-nārada uvāca
dṛṣṭā māyā te bahuśo duratyayā māyā vibho viśva-sṛjaś ca māyinaḥ /
bhūteṣu bhūmaṃś carataḥ sva-śaktibhir vahner iva cchanna-ruco na me 'dbhutam

tavehitaṃ ko 'rhati sādhu vedituṃ sva-māyayedaṃ sṛjato niyacchataḥ /
yad vidyamānātmatayāvabhāsate tasmai namas te sva-vilakṣaṇātmane

jīvasya yaḥ saṃsarato vimokṣaṇaṃ na jānato 'nartha-vahāc charīrataḥ /
līlāvatāraiḥ sva-yaśaḥ pradīpakaṃ prājvālayat tvā tam ahaṃ prapadye

athāpy āśrāvaye brahma nara-loka-viḍambanam /
rājñaḥ paitṛ-ṣvasreyasya bhaktasya ca cikīrṣitam

yakṣyati tvāṃ makhendreṇa rājasūyena pāṇḍavaḥ /
pārameṣṭhya-kāmo nṛpatis tad bhavān anumodatām

tasmin deva kratu-vare bhavantaṃ vai surādayaḥ /
didṛkṣavaḥ sameṣyanti rājānaś ca yaśasvinaḥ

śravaṇāt kīrtanād dhyānāt pūyante 'nte-vasāyinaḥ /
tava brahma-mayasyeśa kim utekṣābhimarśinaḥ

yasyāmalaṃ divi yaśaḥ prathitaṃ rasāyāṃ $ bhūmau ca te bhuvana-maṅgala dig-vitānam &
mandākinīti divi bhogavatīti cādho % gaṅgeti ceha caraṇāmbu punāti viśvam // BhP_10.70.044*
0 śrī-śuka uvāca
tatra teṣv ātma-pakṣeṣv a- gṛṇatsu vijigīṣayā /
vācaḥ peśaiḥ smayan bhṛtyam uddhavaṃ prāha keśavaḥ

BhP_10.70.046/0 śrī-bhagavān uvāca
tvaṃ hi naḥ paramaṃ cakṣuḥ suhṛn mantrārtha-tattva-vit /
athātra brūhy anuṣṭheyaṃ śraddadhmaḥ karavāma tat

ity upāmantrito bhartrā sarva-jñenāpi mugdha-vat /
nideśaṃ śirasādhāya uddhavaḥ pratyabhāṣata