Bhagavata Purana · Chapter 10.71

BhP_10.71.001/0 śrī-śuka uvāca
ity udīritam ākarṇya devaṛṣer uddhavo 'bravīt /
sabhyānāṃ matam ājñāya kṛṣṇasya ca mahā-matiḥ

BhP_10.71.002/0 śrī-uddhava uvāca
yad uktam ṛṣinā deva sācivyaṃ yakṣyatas tvayā /
kāryaṃ paitṛ-ṣvasreyasya rakṣā ca śaraṇaiṣiṇām

yaṣṭavyam rājasūyena dik-cakra-jayinā vibho /
ato jarā-suta-jaya ubhayārtho mato mama

asmākaṃ ca mahān artho hy etenaiva bhaviṣyati /
yaśaś ca tava govinda rājño baddhān vimuñcataḥ

sa vai durviṣaho rājā nāgāyuta-samo bale /
balinām api cānyeṣāṃ bhīmaṃ sama-balaṃ vinā

dvai-rathe sa tu jetavyo mā śatākṣauhiṇī-yutaḥ /
brāhmaṇyo 'bhyarthito viprair na pratyākhyāti karhicit

brahma-veṣa-dharo gatvā taṃ bhikṣeta vṛkodaraḥ /
haniṣyati na sandeho dvai-rathe tava sannidhau

nimittaṃ param īśasya viśva-sarga-nirodhayoḥ /
hiraṇyagarbhaḥ śarvaś ca kālasyārūpiṇas tava

gāyanti te viśada-karma gṛheṣu devyo $ rājñāṃ sva-śatru-vadham ātma-vimokṣaṇaṃ ca &
gopyaś ca kuñjara-pater janakātmajāyāḥ % pitroś ca labdha-śaraṇā munayo vayaṃ ca // BhP_10.71.009* //
jarāsandha-vadhaḥ kṛṣṇa bhūry-arthāyopakalpate /
prāyaḥ pāka-vipākena tava cābhimataḥ kratuḥ

BhP_10.71.011/0 śrī-śuka uvāca
ity uddhava-vaco rājan sarvato-bhadram acyutam /
devarṣir yadu-vṛddhāś ca kṛṣṇaś ca pratyapūjayan

athādiśat prayāṇāya bhagavān devakī-sutaḥ /
bhṛtyān dāruka-jaitrādīn anujñāpya gurūn vibhuḥ

nirgamayyāvarodhān svān sa-sutān sa-paricchadān /
saṅkarṣaṇam anujñāpya yadu-rājaṃ ca śatru-han /
sūtopanītaṃ sva-ratham āruhad garuḍa-dhvajam

tato ratha-dvipa-bhaṭa-sādi-nāyakaiḥ $ karālayā parivṛta ātma-senayā &
mṛdaṅga-bhery-ānaka-śaṅkha-gomukhaiḥ % praghoṣa-ghoṣita-kakubho nirakramat // BhP_10.71.014* //
nṛ-vāji-kāñcana-śibikābhir acyutaṃ sahātmajāḥ patim anu su-vratā yayuḥ /
varāmbarābharaṇa-vilepana-srajaḥ su-saṃvṛtā nṛbhir asi-carma-pāṇibhiḥ

naroṣṭra-go-mahiṣa-kharāśvatary-anaḥ $ kareṇubhiḥ parijana-vāra-yoṣitaḥ &
sv-alaṅkṛtāḥ kaṭa-kuṭi-kambalāmbarādy- % upaskarā yayur adhiyujya sarvataḥ // BhP_10.71.016* //
balaṃ bṛhad-dhvaja-paṭa-chatra-cāmarair $ varāyudhābharaṇa-kirīṭa-varmabhiḥ &
balaṃ bṛhad-dhvaja-paṭa-chatra-cāmarair $ varāyudhābharaṇa-kirīṭa-varmabhiḥ &
divāṃśubhis tumula-ravaṃ babhau raver % yathārṇavaḥ kṣubhita-timiṅgilormibhiḥ // BhP_10.71.017* //
atho munir yadu-patinā sabhājitaḥ praṇamya taṃ hṛdi vidadhad vihāyasā /
niśamya tad-vyavasitam āhṛtārhaṇo mukunda-sandaraśana-nirvṛtendriyaḥ

rāja-dūtam uvācedaṃ bhagavān prīṇayan girā /
mā bhaiṣṭa dūta bhadraṃ vo ghātayiṣyāmi māgadham

ity uktaḥ prasthito dūto yathā-vad avadan nṛpān /
te 'pi sandarśanaṃ śaureḥ pratyaikṣan yan mumukṣavaḥ

ānarta-sauvīra-marūṃs tīrtvā vinaśanaṃ hariḥ /
girīn nadīr atīyāya pura-grāma-vrajākarān

tato dṛṣadvatīṃ tīrtvā mukundo 'tha sarasvatīm /
pañcālān atha matsyāṃś ca śakra-prastham athāgamat

tam upāgatam ākarṇya prīto durdarśanaṃ nṛnām /
ajāta-śatrur niragāt sopadhyāyaḥ suhṛd-vṛtaḥ

gīta-vāditra-ghoṣeṇa brahma-ghoṣeṇa bhūyasā /
abhyayāt sa hṛṣīkeśaṃ prāṇāḥ prāṇam ivādṛtaḥ

dṛṣṭvā viklinna-hṛdayaḥ kṛṣṇaṃ snehena pāṇḍavaḥ /
cirād dṛṣṭaṃ priyatamaṃ sasvaje 'tha punaḥ punaḥ

dorbhyāṃ pariṣvajya ramāmalālayaṃ mukunda-gātraṃ nṛ-patir hatāśubhaḥ /
lebhe parāṃ nirvṛtim aśru-locano hṛṣyat-tanur vismṛta-loka-vibhramaḥ

taṃ mātuleyaṃ parirabhya nirvṛto bhīmaḥ smayan prema-jalākulendriyaḥ /
yamau kirīṭī ca suhṛttamaṃ mudā pravṛddha-bāṣpāḥ parirebhire 'cyutam

arjunena pariṣvakto yamābhyām abhivāditaḥ /
brāhmaṇebhyo namaskṛtya vṛddhebhyaś ca yathārhataḥ /
mānino mānayām āsa kuru-sṛñjaya-kaikayān

sūta-māgadha-gandharvā vandinaś copamantriṇaḥ /
mṛdaṅga-śaṅkha-paṭaha vīṇā-paṇava-gomukhaiḥ /
brāhmaṇāś cāravindākṣaṃ tuṣṭuvur nanṛtur jaguḥ

evaṃ suhṛdbhiḥ paryastaḥ puṇya-śloka-śikhāmaṇiḥ /
saṃstūyamāno bhagavān viveśālaṅkṛtaṃ puram

saṃsikta-vartma kariṇāṃ mada-gandha-toyaiś $ citra-dhvajaiḥ kanaka-toraṇa-pūrṇa-kumbhaiḥ &
mṛṣṭātmabhir nava-dukūla-vibhūṣaṇa-srag- % gandhair nṛbhir yuvatibhiś ca virājamānam // BhP_10.71.031* //
uddīpta-dīpa-balibhiḥ prati-sadma jāla $ niryāta-dhūpa-ruciraṃ vilasat-patākam &
uddīpta-dīpa-balibhiḥ prati-sadma jāla $ niryāta-dhūpa-ruciraṃ vilasat-patākam &
mūrdhanya-hema-kalaśai rajatoru-śṛṅgair % juṣṭaṃ dadarśa bhavanaiḥ kuru-rāja-dhāma // BhP_10.71.032* //
prāptaṃ niśamya nara-locana-pāna-pātram $ autsukya-viślathita-keśa-dukūla-bandhāḥ &
prāptaṃ niśamya nara-locana-pāna-pātram $ autsukya-viślathita-keśa-dukūla-bandhāḥ &
sadyo visṛjya gṛha-karma patīṃś ca talpe % draṣṭuṃ yayur yuvatayaḥ sma narendra-mārge // BhP_10.71.033* //
tasmin su-saṅkula ibhāśva-ratha-dvipadbhiḥ $ kṛṣṇam sa-bhāryam upalabhya gṛhādhirūḍhāḥ &
tasmin su-saṅkula ibhāśva-ratha-dvipadbhiḥ $ kṛṣṇam sa-bhāryam upalabhya gṛhādhirūḍhāḥ &
nāryo vikīrya kusumair manasopaguhya % su-svāgataṃ vidadhur utsmaya-vīkṣitena // BhP_10.71.034* //
ūcuḥ striyaḥ pathi nirīkṣya mukunda-patnīs $ tārā yathoḍupa-sahāḥ kim akāry amūbhiḥ &
ūcuḥ striyaḥ pathi nirīkṣya mukunda-patnīs $ tārā yathoḍupa-sahāḥ kim akāry amūbhiḥ &
yac cakṣuṣāṃ puruṣa-maulir udāra-hāsa % līlāvaloka-kalayotsavam ātanoti // BhP_10.71.035* //
tatra tatropasaṅgamya paurā maṅgala-pāṇayaḥ /
cakruḥ saparyāṃ kṛṣṇāya śreṇī-mukhyā hatainasaḥ

antaḥ-pura-janaiḥ prītyā mukundaḥ phulla-locanaiḥ /
sa-sambhramair abhyupetaḥ prāviśad rāja-mandiram

pṛthā vilokya bhrātreyaṃ kṛṣṇaṃ tri-bhuvaneśvaram /
prītātmotthāya paryaṅkāt sa-snuṣā pariṣasvaje

govindaṃ gṛham ānīya deva-deveśam ādṛtaḥ /
pūjāyāṃ nāvidat kṛtyaṃ pramodopahato nṛpaḥ

pitṛ-svasur guru-strīṇāṃ kṛṣṇaś cakre 'bhivādanam /
svayaṃ ca kṛṣṇayā rājan bhaginyā cābhivanditaḥ

śvaśṛvā sañcoditā kṛṣṇā kṛṣṇa-patnīś ca sarvaśaḥ /
ānarca rukmiṇīṃ satyāṃ bhadrāṃ jāmbavatīṃ tathā

kālindīṃ mitravindāṃ ca śaibyāṃ nāgnajitīṃ satīm /
anyāś cābhyāgatā yās tu vāsaḥ-sraṅ-maṇḍanādibhiḥ

sukhaṃ nivāsayām āsa dharma-rājo janārdanam /
sa-sainyaṃ sānugāmatyaṃ sa-bhāryaṃ ca navaṃ navam

tarpayitvā khāṇḍavena vahniṃ phālguna-saṃyutaḥ /
mocayitvā mayaṃ yena rājñe divyā sabhā kṛtā

uvāsa katicin māsān rājñaḥ priya-cikīrṣayā /
viharan ratham āruhya phālgunena bhaṭair vṛtaḥ