Bhagavata Purana · Chapter 10.59

śrī-rājovāca yathā hato bhagavatā bhaumo yene ca tāḥ striyaḥ /
niruddhā etad ācakṣva vikramaṃ śārṅga-dhanvanaḥ

BhP_10.59.002/0 śrī-śuka uvāca
indreṇa hṛta-chatreṇa hṛta-kuṇḍala-bandhunā /
hṛtāmarādri-sthānena jñāpito bhauma-ceṣṭitam

sa-bhāryo garuḍārūḍhaḥ prāg-jyotiṣa-puraṃ yayau /
giri-durgaiḥ śastra-durgair jalāgny-anila-durgamam /
mura-pāśāyutair ghorair dṛḍhaiḥ sarvata āvṛtam

gadayā nirbibhedādrīn śastra-durgāṇi sāyakaiḥ /
cakreṇāgniṃ jalaṃ vāyuṃ mura-pāśāṃs tathāsinā

śaṅkha-nādena yantrāṇi hṛdayāni manasvinām /
prākāraṃ gadayā gurvyā nirbibheda gadādharaḥ

pāñcajanya-dhvaniṃ śrutvā yugāntaśani-bhīṣaṇam /
muraḥ śayāna uttasthau daityaḥ pañca-śirā jalāt

tri-śūlam udyamya su-durnirīkṣaṇo yugānta-sūryānala-rocir ulbaṇaḥ /
grasaṃs tri-lokīm iva pañcabhir mukhair abhyadravat tārkṣya-sutaṃ yathoragaḥ

āvidhya śūlaṃ tarasā garutmate nirasya vaktrair vyanadat sa pañcabhiḥ /
sa rodasī sarva-diśo 'mbaraṃ mahān āpūrayann aṇḍa-kaṭāham āvṛṇot

tadāpatad vai tri-śikhaṃ garutmate hariḥ śarābhyām abhinat tridhojasā /
mukheṣu taṃ cāpi śarair atāḍayat tasmai gadāṃ so 'pi ruṣā vyamuñcata

tām āpatantīṃ gadayā gadāṃ mṛdhe gadāgrajo nirbibhide sahasradhā /
udyamya bāhūn abhidhāvato 'jitaḥ śirāṃsi cakreṇa jahāra līlayā

vyasuḥ papātāmbhasi kṛtta-śīrṣo nikṛtta-śṛṅgo 'drir ivendra-tejasā /
tasyātmajāḥ sapta pitur vadhāturāḥ pratikriyāmarṣa-juṣaḥ samudyatāḥ

tāmro 'ntarikṣaḥ śravaṇo vibhāvasur $ vasur nabhasvān aruṇaś ca saptamaḥ &
pīṭhaṃ puraskṛtya camū-patiṃ mṛdhe % bhauma-prayuktā niragan dhṛtāyudhāḥ // BhP_10.59.012* //
prāyuñjatāsādya śarān asīn gadāḥ śakty-ṛṣṭi-śūlāny ajite ruṣolbaṇāḥ /
tac-chastra-kūṭaṃ bhagavān sva-mārgaṇair amogha-vīryas tilaśaś cakarta ha

tān pīṭha-mukhyān anayad yama-kṣayaṃ $ nikṛtta-śīrṣoru-bhujāṅghri-varmaṇaḥ &
svānīka-pān acyuta-cakra-sāyakais % tathā nirastān narako dharā-sutaḥ \
nirīkṣya durmarṣaṇa āsravan-madair # gajaiḥ payodhi-prabhavair nirākramāt // BhP_10.59.014* //
dṛṣṭvā sa-bhāryaṃ garuḍopari sthitaṃ $ sūryopariṣṭāt sa-taḍid ghanaṃ yathā &
kṛṣṇaṃ sa tasmai vyasṛjac chata-ghnīṃ % yodhāś ca sarve yugapac ca vivyadhuḥ // BhP_10.59.015* //
tad bhauma-sainyaṃ bhagavān gadāgrajo $ vicitra-vājair niśitaiḥ śilīmukhaiḥ &
tad bhauma-sainyaṃ bhagavān gadāgrajo $ vicitra-vājair niśitaiḥ śilīmukhaiḥ &
nikṛtta-bāhūru-śirodhra-vigrahaṃ % cakāra tarhy eva hatāśva-kuñjaram // BhP_10.59.016* //
yāni yodhaiḥ prayuktāni śastrāstrāṇi kurūdvaha /
haris tāny acchinat tīkṣṇaiḥ śarair ekaikaśas trībhiḥ

uhyamānaḥ suparṇena pakṣābhyāṃ nighnatā gajān /
gurutmatā hanyamānās tuṇḍa-pakṣa-nakher gajāḥ

puram evāviśann ārtā narako yudhy ayudhyata /
dṛṣṭvā vidrāvitaṃ sainyaṃ garuḍenārditaṃ svakaṃ

taṃ bhaumaḥ prāharac chaktyā vajraḥ pratihato yataḥ /
nākampata tayā viddho mālāhata iva dvipaḥ

śūlaṃ bhaumo 'cyutaṃ hantum ādade vitathodyamaḥ /
tad-visargāt pūrvam eva narakasya śiro hariḥ /
apāharad gaja-sthasya cakreṇa kṣura-neminā

sa-kuṇḍalaṃ cāru-kirīṭa-bhūṣaṇaṃ babhau pṛthivyāṃ patitam samujjvalam /
ha heti sādhv ity ṛṣayaḥ sureśvarā mālyair mukundaṃ vikiranta īdire

tataś ca bhūḥ kṛṣṇam upetya kuṇḍale $ pratapta-jāmbūnada-ratna-bhāsvare &
sa-vaijayantyā vana-mālayārpayat % prācetasaṃ chatram atho mahā-maṇim // BhP_10.59.023* //
astauṣīd atha viśveśaṃ devī deva-varārcitam /
prāñjaliḥ praṇatā rājan bhakti-pravaṇayā dhiyā

BhP_10.59.025/0 bhūmir uvāca
namas te deva-deveśa śaṅkha-cakra-gadā-dhara /
bhaktecchopātta-rūpāya paramātman namo 'stu te

namaḥ paṅkaja-nābhāya namaḥ paṅkaja-māline /
namaḥ paṅkaja-netrāya namas tepaṅkajāṅghraye

namo bhagavate tubhyaṃ vāsudevāya viṣṇave /
puruṣāyādi-bījāya pūrṇa-bodhāya te namaḥ

ajāya janayitre 'sya brahmaṇe 'nanta-śaktaye /
parāvarātman bhūtātman paramātman namo 'stu te

tvaṃ vai sisṛkṣur aja utkaṭaṃ prabho $ tamo nirodhāya bibharṣy asaṃvṛtaḥ &
sthānāya sattvaṃ jagato jagat-pate % kālaḥ pradhānaṃ puruṣo bhavān paraḥ // BhP_10.59.029* //
ahaṃ payo jyotir athānilo nabho mātrāṇi devā mana indriyāṇi /
kartā mahān ity akhilaṃ carācaraṃ tvayy advitīye bhagavan ayaṃ bhramaḥ

tasyātmajo 'yaṃ tava pāda-paṅkajaṃ bhītaḥ prapannārti-haropasāditaḥ /
tat pālayainaṃ kuru hasta-paṅkajaṃ śirasy amuṣyākhila-kalmaṣāpaham

BhP_10.59.032/0 śrī-śuka uvāca
iti bhūmy-arthito vāgbhir bhagavān bhakti-namrayā /
dattvābhayaṃ bhauma-gṛham prāviśat sakalarddhimat

tatra rājanya-kanyānāṃ ṣaṭ-sahasrādhikāyutam /
bhaumāhṛtānāṃ vikramya rājabhyo dadṛśe hariḥ

tam praviṣṭaṃ striyo vīkṣya nara-varyaṃ vimohitāḥ /
manasā vavrire 'bhīṣṭaṃ patiṃ daivopasāditam

bhūyāt patir ayaṃ mahyaṃ dhātā tad anumodatām /
iti sarvāḥ pṛthak kṛṣṇe bhāvena hṛdayaṃ dadhuḥ

tāḥ prāhiṇod dvāravatīṃ su-mṛṣṭa-virajo-'mbarāḥ /
nara-yānair mahā-kośān rathāśvān draviṇaṃ mahāt

airāvata-kulebhāṃś ca catur-dantāṃs tarasvinaḥ /
pāṇḍurāṃś ca catuḥ-ṣaṣṭiṃ prerayām āsa keśavaḥ

gatvā surendra-bhavanaṃ dattvādityai ca kuṇḍale /
pūjitas tridaśendreṇa mahendryāṇyā ca sa-priyaḥ

codito bhāryayotpāṭya pārījātaṃ garutmati /
āropya sendrān vibudhān nirjityopānayat puram

sthāpitaḥ satyabhāmāyā gṛhodyānopaśobhanaḥ /
anvagur bhramarāḥ svargāt tad-gandhāsava-lampaṭāḥ

yayāca ānamya kirīṭa-koṭibhiḥ pādau spṛśann acyutam artha-sādhanam /
siddhārtha etena vigṛhyate mahān aho surāṇāṃ ca tamo dhig āḍhyatām

atho muhūrta ekasmin nānāgāreṣu tāḥ striyaḥ /
yathopayeme bhagavān tāvad-rūpa-dharo 'vyayaḥ

gṛheṣu tāsām anapāyy atarka-kṛn nirasta-sāmyātiśayeṣv avasthitaḥ /
reme ramābhir nija-kāma-sampluto yathetaro gārhaka-medhikāṃś caran