Bhagavata Purana · Chapter 10.29

BhP_10.29.001/0 śrī-bādarāyaṇir uvāca
bhagavān api tā rātṛīḥ śāradotphulla-mallikāḥ /
vīkṣya rantuṃ manaś cakre yoga-māyām upāśritaḥ

tadoḍurājaḥ kakubhaḥ karair mukhaṃ prācyā vilimpann aruṇena śantamaiḥ /
sa carṣaṇīnām udagāc chuco mṛjan priyaḥ priyāyā iva dīrgha-darśanaḥ

dṛṣṭvā kumudvantam akhaṇḍa-maṇḍalaṃ $ ramānanābhaṃ nava-kuṅkumāruṇam &
vanaṃ ca tat-komala-gobhī rañjitaṃ % jagau kalaṃ vāma-dṛśāṃ manoharam // BhP_10.29.003* //
niśamya gītāṃ tad anaṅga-vardhanaṃ vraja-striyaḥ kṛṣṇa-gṛhīta-mānasāḥ /
ājagmur anyonyam alakṣitodyamāḥ sa yatra kānto java-lola-kuṇḍalāḥ

duhantyo 'bhiyayuḥ kāścid dohaṃ hitvā samutsukāḥ /
payo 'dhiśritya saṃyāvam anudvāsyāparā yayuḥ

pariveṣayantyas tad dhitvā pāyayantyaḥ śiśūn payaḥ /
śuśrūṣantyaḥ patīn kāścid aśnantyo 'pāsya bhojanam

limpantyaḥ pramṛjantyo 'nyā añjantyaḥ kāśca locane /
vyatyasta-vastrābharaṇāḥ kāścit kṛṣṇāntikaṃ yayuḥ

tā vāryamāṇāḥ patibhiḥ pitṛbhir bhrātṛ-bandhubhiḥ /
govindāpahṛtātmāno na nyavartanta mohitāḥ

antar-gṛha-gatāḥ kāścid gopyo 'labdha-vinirgamāḥ /
kṛṣṇaṃ tad-bhāvanā-yuktā dadhyur mīlita-locanāḥ

duḥsaha-preṣṭha-viraha- tīvra-tāpa-dhutāśubhāḥ /
dhyāna-prāptācyutāśleṣa- nirvṛtyā kṣīṇa-maṅgalāḥ

tam eva paramātmānaṃ jāra-buddhyāpi saṅgatāḥ /
jahur guṇa-mayaṃ dehaṃ sadyaḥ prakṣīṇa-bandhanāḥ

BhP_10.29.012/0 śrī-parīkṣid uvāca
kṛṣṇaṃ viduḥ paraṃ kāntaṃ na tu brahmatayā mune /
guṇa-pravāhoparamas tāsāṃ guṇa-dhiyāṃ katham

BhP_10.29.013/0 śrī-śuka uvāca
uktaṃ purastād etat te caidyaḥ siddhiṃ yathā gataḥ /
dviṣann api hṛṣīkeśaṃ kim utādhokṣaja-priyāḥ

nṛṇāṃ niḥśreyasārthāya vyaktir bhagavato nṛpa /
avyayasyāprameyasya nirguṇasya guṇātmanaḥ

kāmaṃ krodhaṃ bhayaṃ sneham aikyaṃ sauhṛdam eva ca /
nityaṃ harau vidadhato yānti tan-mayatāṃ hi te

na caivaṃ vismayaḥ kāryo bhavatā bhagavaty aje /
yogeśvareśvare kṛṣṇe yata etad vimucyate

tā dṛṣṭvāntikam āyātā bhagavān vraja-yoṣitaḥ /
avadad vadatāṃ śreṣṭho vācaḥ peśair vimohayan

BhP_10.29.018/0 śrī-bhagavān uvāca
svāgataṃ vo mahā-bhāgāḥ priyaṃ kiṃ karavāṇi vaḥ /
vrajasyānāmayaṃ kaccid brūtāgamana-kāraṇam

rajany eṣā ghora-rūpā ghora-sattva-niṣevitā /
pratiyāta vrajaṃ neha stheyaṃ strībhiḥ su-madhyamāḥ

mātaraḥ pitaraḥ putrā bhrātaraḥ patayaś ca vaḥ /
vicinvanti hy apaśyanto mā kṛḍhvaṃ bandhu-sādhvasam

dṛṣṭaṃ vanaṃ kusumitaṃ rākeśa-kara-rañjitam /
yamunānila-līlaijat taru-pallava-śobhitam

tad yāta mā ciraṃ goṣṭhaṃ śuśrūṣadhvaṃ patīn satīḥ /
krandanti vatsā bālāś ca tān pāyayata duhyata

atha vā mad-abhisnehād bhavatyo yantritāśayāḥ /
āgatā hy upapannaṃ vaḥ prīyante mayi jantavaḥ

bhartuḥ śuśrūṣaṇaṃ strīṇāṃ paro dharmo hy amāyayā /
tad-bandhūnāṃ ca kalyāṇaḥ prajānāṃ cānupoṣaṇam

duḥśīlo durbhago vṛddho jaḍo rogy adhano 'pi vā /
patiḥ strībhir na hātavyo lokepsubhir apātakī

asvargyam ayaśasyaṃ ca phalgu kṛcchraṃ bhayāvaham /
jugupsitaṃ ca sarvatra hy aupapatyaṃ kula-striyaḥ

śravaṇād darśanād dhyānān mayi bhāvo 'nukīrtanāt /
na tathā sannikarṣeṇa pratiyāta tato gṛhān

BhP_10.29.028/0 śrī-śuka uvāca
iti vipriyam ākarṇya gopyo govinda-bhāṣitam /
viṣaṇṇā bhagna-saṅkalpāś cintām āpur duratyayām

kṛtvā mukhāny ava śucaḥ śvasanena śuṣyad $ bimbādharāṇi caraṇena bhuvaḥ likhantyaḥ &
asrair upātta-masibhiḥ kuca-kuṅkumāni % tasthur mṛjantya uru-duḥkha-bharāḥ sma tūṣṇīm // BhP_10.29.029* //
preṣṭhaṃ priyetaram iva pratibhāṣamāṇaṃ $ kṛṣṇaṃ tad-artha-vinivartita-sarva-kāmāḥ &
preṣṭhaṃ priyetaram iva pratibhāṣamāṇaṃ $ kṛṣṇaṃ tad-artha-vinivartita-sarva-kāmāḥ &
netre vimṛjya ruditopahate sma kiñcit % saṃrambha-gadgada-giro 'bruvatānuraktāḥ // BhP_10.29.030*

0 śrī-gopya ūcuḥ
maivaṃ vibho 'rhati bhavān gadituṃ nṛ-śaṃsaṃ $ santyajya sarva-viṣayāṃs tava pāda-mūlam &
maivaṃ vibho 'rhati bhavān gadituṃ nṛ-śaṃsaṃ $ santyajya sarva-viṣayāṃs tava pāda-mūlam &
bhaktā bhajasva duravagraha mā tyajāsmān % devo yathādi-puruṣo bhajate mumukṣūn // BhP_10.29.031* //
yat paty-apatya-suhṛdām anuvṛttir aṅga $ strīṇāṃ sva-dharma iti dharma-vidā tvayoktam &
yat paty-apatya-suhṛdām anuvṛttir aṅga $ strīṇāṃ sva-dharma iti dharma-vidā tvayoktam &
astv evam etad upadeśa-pade tvayīśe % preṣṭho bhavāṃs tanu-bhṛtāṃ kila bandhur ātmā // BhP_10.29.032* //
kurvanti hi tvayi ratiṃ kuśalāḥ sva ātman $ nitya-priye pati-sutādibhir ārti-daiḥ kim &
kurvanti hi tvayi ratiṃ kuśalāḥ sva ātman $ nitya-priye pati-sutādibhir ārti-daiḥ kim &
tan naḥ prasīda parameśvara mā sma chindyā % āśāṃ dhṛtāṃ tvayi cirād aravinda-netra // BhP_10.29.033* //
cittaṃ sukhena bhavatāpahṛtaṃ gṛheṣu $ yan nirviśaty uta karāv api gṛhya-kṛtye &
cittaṃ sukhena bhavatāpahṛtaṃ gṛheṣu $ yan nirviśaty uta karāv api gṛhya-kṛtye &
pādau padaṃ na calatas tava pāda-mūlād % yāmaḥ kathaṃ vrajam atho karavāma kiṃ vā // BhP_10.29.034* //
siñcāṅga nas tvad-adharāmṛta-pūrakeṇa $ hāsāvaloka-kala-gīta-ja-hṛc-chayāgnim &
siñcāṅga nas tvad-adharāmṛta-pūrakeṇa $ hāsāvaloka-kala-gīta-ja-hṛc-chayāgnim &
no ced vayaṃ virahajāgny-upayukta-dehā % dhyānena yāma padayoḥ padavīṃ sakhe te // BhP_10.29.035* //
yarhy ambujākṣa tava pāda-talaṃ ramāyā $ datta-kṣaṇaṃ kvacid araṇya-jana-priyasya &
yarhy ambujākṣa tava pāda-talaṃ ramāyā $ datta-kṣaṇaṃ kvacid araṇya-jana-priyasya &
asprākṣma tat-prabhṛti nānya-samakṣam añjaḥ % sthātuṃs tvayābhiramitā bata pārayāmaḥ // BhP_10.29.036* //
śrīr yat padāmbuja-rajaś cakame tulasyā $ labdhvāpi vakṣasi padaṃ kila bhṛtya-juṣṭam &
śrīr yat padāmbuja-rajaś cakame tulasyā $ labdhvāpi vakṣasi padaṃ kila bhṛtya-juṣṭam &
yasyāḥ sva-vīkṣaṇa utānya-sura-prayāsas % tadvad vayaṃ ca tava pāda-rajaḥ prapannāḥ // BhP_10.29.037* //
tan naḥ prasīda vṛjinārdana te 'nghri-mūlaṃ $ prāptā visṛjya vasatīs tvad-upāsanāśāḥ &
tan naḥ prasīda vṛjinārdana te 'nghri-mūlaṃ $ prāptā visṛjya vasatīs tvad-upāsanāśāḥ &
tvat-sundara-smita-nirīkṣaṇa-tīvra-kāma % taptātmanāṃ puruṣa-bhūṣaṇa dehi dāsyam // BhP_10.29.038* //
vīkṣyālakāvṛta-mukhaṃ tava kuṇdala-śrī $ gaṇḍa-sthalādhara-sudhaṃ hasitāvalokam &
vīkṣyālakāvṛta-mukhaṃ tava kuṇdala-śrī $ gaṇḍa-sthalādhara-sudhaṃ hasitāvalokam &
dattābhayaṃ ca bhuja-daṇḍa-yugaṃ vilokya % vakṣaḥ śriyaika-ramaṇaṃ ca bhavāma dāsyaḥ // BhP_10.29.039* //
kā stry aṅga te kala-padāyata-veṇu-gīta- $ sammohitārya-caritān na calet tri-lokyām &
kā stry aṅga te kala-padāyata-veṇu-gīta- $ sammohitārya-caritān na calet tri-lokyām &
trailokya-saubhagam idaṃ ca nirīkṣya rūpaṃ % yad go-dvija-druma-mṛgāḥ pulakāny abibhran // BhP_10.29.040* //
vyaktaṃ bhavān vraja-bhayārti-haro 'bhijāto $ devo yathādi-puruṣaḥ sura-loka-goptā &
vyaktaṃ bhavān vraja-bhayārti-haro 'bhijāto $ devo yathādi-puruṣaḥ sura-loka-goptā &
tan no nidhehi kara-paṅkajam ārta-bandho % tapta-staneṣu ca śiraḥsu ca kiṅkarīṇām // BhP_10.29.041*
0 śrī-śuka uvāca
iti viklavitaṃ tāsāṃ śrutvā yogeśvareśvaraḥ /
prahasya sa-dayaṃ gopīr ātmārāmo 'py arīramat

tābhiḥ sametābhir udāra-ceṣṭitaḥ priyekṣaṇotphulla-mukhībhir acyutaḥ /
udāra-hāsa-dvija-kunda-dīdhatir vyarocataiṇāṅka ivoḍubhir vṛtaḥ

upagīyamāna udgāyan vanitā-śata-yūthapaḥ /
mālāṃ bibhrad vaijayantīṃ vyacaran maṇḍayan vanam

nadyāḥ pulinam āviśya gopībhir hima-vālukam /
juṣṭaṃ tat-taralānandi kumudāmoda-vāyunā

bāhu-prasāra-parirambha-karālakoru nīvī-stanālabhana-narma-nakhāgra-pātaiḥ /
kṣvelyāvaloka-hasitair vraja-sundarīṇām uttambhayan rati-patiṃ ramayāṃ cakāra

evaṃ bhagavataḥ kṛṣṇāl labdha-mānā mahātmanaḥ /
ātmānaṃ menire strīṇāṃ māninyo hy adhikaṃ bhuvi

tāsāṃ tat-saubhaga-madaṃ vīkṣya mānaṃ ca keśavaḥ /
praśamāya prasādāya tatraivāntaradhīyata