Bhagavata Purana · Chapter 10.30

BhP_10.30.001/0 śrī-śuka uvāca
antarhite bhagavati sahasaiva vrajāṅganāḥ /
atapyaṃs tam acakṣāṇāḥ kariṇya iva yūthapam

gatyānurāga-smita-vibhramekṣitair mano-ramālāpa-vihāra-vibhramaiḥ /
ākṣipta-cittāḥ pramadā ramā-pates tās tā viceṣṭā jagṛhus tad-ātmikāḥ

gati-smita-prekṣaṇa-bhāṣaṇādiṣu priyāḥ priyasya pratirūḍha-mūrtayaḥ /
asāv ahaṃ tv ity abalās tad-ātmikā nyavediṣuḥ kṛṣṇa-vihāra-vibhramāḥ

gāyantya uccair amum eva saṃhatā vicikyur unmattaka-vad vanād vanam /
papracchur ākāśa-vad antaraṃ bahir bhūteṣu santaṃ puruṣaṃ vanaspatīn

dṛṣṭo vaḥ kaccid aśvattha plakṣa nyagrodha no manaḥ /
nanda-sūnur gato hṛtvā prema-hāsāvalokanaiḥ

kaccit kurabakāśoka- nāga-punnāga-campakāḥ /
rāmānujo māninīnām ito darpa-hara-smitaḥ

kaccit tulasi kalyāṇi govinda-caraṇa-priye /
saha tvāli-kulair bibhrad dṛṣṭas te 'ti-priyo 'cyutaḥ

mālaty adarśi vaḥ kaccin mallike jāti-yūthike /
prītiṃ vo janayan yātaḥ kara-sparśena mādhavaḥ

cūta-priyāla-panasāsana-kovidāra jambv-arka-bilva-bakulāmra-kadamba-nīpāḥ /
ye 'nye parārtha-bhavakā yamunopakūlāḥ śaṃsantu kṛṣṇa-padavīṃ rahitātmanāṃ naḥ

kiṃ te kṛtaṃ kṣiti tapo bata keśavāṅghri- $ sparśotsavotpulakitāṅga-nahair vibhāsi &
apy aṅghri-sambhava urukrama-vikramād vā % āho varāha-vapuṣaḥ parirambhaṇena // BhP_10.30.010* //
apy eṇa-patny upagataḥ priyayeha gātrais $ tanvan dṛśāṃ sakhi su-nirvṛtim acyuto vaḥ &
apy eṇa-patny upagataḥ priyayeha gātrais $ tanvan dṛśāṃ sakhi su-nirvṛtim acyuto vaḥ &
kāntāṅga-saṅga-kuca-kuṅkuma-rañjitāyāḥ % kunda-srajaḥ kula-pater iha vāti gandhaḥ // BhP_10.30.011* //
bāhuṃ priyāṃsa upadhāya gṛhīta-padmo $ rāmānujas tulasikāli-kulair madāndhaiḥ &
bāhuṃ priyāṃsa upadhāya gṛhīta-padmo $ rāmānujas tulasikāli-kulair madāndhaiḥ &
anvīyamāna iha vas taravaḥ praṇāmaṃ % kiṃ vābhinandati caran praṇayāvalokaiḥ // BhP_10.30.012* //
pṛcchatemā latā bāhūn apy āśliṣṭā vanaspateḥ /
nūnaṃ tat-karaja-spṛṣṭā bibhraty utpulakāny aho

ity unmatta-vaco gopyaḥ kṛṣṇānveṣaṇa-kātarāḥ /
līlā bhagavatas tās tā hy anucakrus tad-ātmikāḥ

kasyācit pūtanāyantyāḥ kṛṣṇāyanty apibat stanam /
tokayitvā rudaty anyā padāhan śakaṭāyatīm

daityāyitvā jahārānyām eko kṛṣṇārbha-bhāvanām /
riṅgayām āsa kāpy aṅghrī karṣantī ghoṣa-niḥsvanaiḥ

kṛṣṇa-rāmāyite dve tu gopāyantyaś ca kāścana /
vatsāyatīṃ hanti cānyā tatraikā tu bakāyatīm

āhūya dūra-gā yadvat kṛṣṇas tam anuvartatīm /
veṇuṃ kvaṇantīṃ krīḍantīm anyāḥ śaṃsanti sādhv iti

kasyāñcit sva-bhujaṃ nyasya calanty āhāparā nanu /
kṛṣṇo 'haṃ paśyata gatiṃ lalitām iti tan-manāḥ

mā bhaiṣṭa vāta-varṣābhyāṃ tat-trāṇaṃ vihitaṃ maya /
ity uktvaikena hastena yatanty unnidadhe 'mbaram

āruhyaikā padākramya śirasy āhāparāṃ nṛpa /
duṣṭāhe gaccha jāto 'haṃ khalānām nanu daṇḍa-kṛt

tatraikovāca he gopā dāvāgniṃ paśyatolbaṇam /
cakṣūṃṣy āśv apidadhvaṃ vo vidhāsye kṣemam añjasā

baddhānyayā srajā kācit tanvī tatra ulūkhale /
badhnāmi bhāṇḍa-bhettāraṃ haiyaṅgava-muṣaṃ tv iti /
bhītā su-dṛk pidhāyāsyaṃ bheje bhīti-viḍambanam

evaṃ kṛṣṇaṃ pṛcchamānā vrṇdāvana-latās tarūn /
vyacakṣata vanoddeśe padāni paramātmanaḥ

padāni vyaktam etāni nanda-sūnor mahātmanaḥ /
lakṣyante hi dhvajāmbhoja- vajrāṅkuśa-yavādibhiḥ

tais taiḥ padais tat-padavīm anvicchantyo 'grato'balāḥ /
vadhvāḥ padaiḥ su-pṛktāni vilokyārtāḥ samabruvan

kasyāḥ padāni caitāni yātāyā nanda-sūnunā /
aṃsa-nyasta-prakoṣṭhāyāḥ kareṇoḥ kariṇā yathā

anayārādhito nūnaṃ bhagavān harir īśvaraḥ /
yan no vihāya govindaḥ prīto yām anayad rahaḥ

dhanyā aho amī ālyo govindāṅghry-abja-reṇavaḥ /
yān brahmeśau ramā devī dadhur mūrdhny agha-nuttaye

tasyā amūni naḥ kṣobhaṃ kurvanty uccaiḥ padāni yat yaikāpahṛtya gopīnām raho bhunkte 'cyutādharam /
na lakṣyante padāny atra tasyā nūnaṃ tṛṇāṅkuraiḥ khidyat-sujātāṅghri-talām unninye preyasīṃ priyaḥ

imāny adhika-magnāni padāni vahato vadhūm /
gopyaḥ paśyata kṛṣṇasya bhārākrāntasya kāminaḥ /
atrāvaropitā kāntā puṣpa-hetor mahātmanā

atra prasūnāvacayaḥ priyārthe preyasā kṛtaḥ /
prapadākramaṇa ete paśyatāsakale pade

keśa-prasādhanaṃ tv atra kāminyāḥ kāminā kṛtam /
tāni cūḍayatā kāntām upaviṣṭam iha dhruvam

reme tayā cātma-rata ātmārāmo 'py akhaṇḍitaḥ /
kāmināṃ darśayan dainyaṃ strīṇāṃ caiva durātmatām

ity evaṃ darśayantyas tāś cerur gopyo vicetasaḥ /
yāṃ gopīm anayat kṛṣṇo vihāyānyāḥ striyo vane

sā ca mene tadātmānaṃ variṣṭhaṃ sarva-yoṣitām /
hitvā gopīḥ kāma-yānā mām asau bhajate priyaḥ

tato gatvā vanoddeśaṃ dṛptā keśavam abravīt /
na pāraye 'haṃ calituṃ naya māṃ yatra te manaḥ

evam uktaḥ priyām āha skandha āruhyatām iti /
tataś cāntardadhe kṛṣṇaḥ sā vadhūr anvatapyata

hā nātha ramaṇa preṣṭha kvāsi kvāsi mahā-bhuja /
dāsyās te kṛpaṇāyā me sakhe darśaya sannidhim

BhP_10.30.040/0 śrī-śuka uvāca
anvicchantyo bhagavato mārgaṃ gopyo 'vidūritaḥ /
dadṛśuḥ priya-viśleṣān mohitāṃ duḥkhitāṃ sakhīm

tayā kathitam ākarṇya māna-prāptiṃ ca mādhavāt /
avamānaṃ ca daurātmyād vismayaṃ paramaṃ yayuḥ

tato 'viśan vanaṃ candra jyotsnā yāvad vibhāvyate /
tamaḥ praviṣṭam ālakṣya tato nivavṛtuḥ striyaḥ

tan-manaskās tad-alāpās tad-viceṣṭās tad-ātmikāḥ /
tad-guṇān eva gāyantyo nātmagārāṇi sasmaruḥ

punaḥ pulinam āgatya kālindyāḥ kṛṣṇa-bhāvanāḥ /
samavetā jaguḥ kṛṣṇaṃ tad-āgamana-kāṅkṣitāḥ