Āyurvedamahodadhau annapānavidhi · Chapter 12

adhobhāgikam airaṇḍam anyeṣāṃ tilavatsmṛtam //
// ity āyurvedamahodadhau suṣeṇakṛte tailavargaḥ //
atha madhuguṇāḥ kathyante /
vraṇasā (śo)dhanasaṃdhānaropaṇaṃ vātalaṃ madhu /
rūkṣaṃ kaṣāyamadhuraṃ tattulyā madhuśarkarā

tridoṣaghnaṃ madhu proktaṃ anyasyā śrīsaṃnipātalam (?) /
hikkāśvāsakaphacchardimadatṛṣṇāviṣāpaham

kṣaudraṃ jalena saṃyuktaṃ (ati) sthaulye piben naraḥ
kṛśo bhavati saty āha (prāhā) llekhanaṃ tatra jāyate

lepe hitaṃ tatra gudāṅkurāṇāṃ gajoddhavaṃ lehyamahobhivṛddhiḥ (?) /
sarvo guruś cāpi rasāyanānāṃ kāsāpaho vāpi madhuprayogaḥ

mehe hitaṃ syān malachardināśaḥ hikkātisāre vraṇakuṣṭhahantā /
kaṇḍūvraṇaghno vraṇadīpanānāṃ (pīḍitānāṃ) divyāmṛtaṃ sādhu madhuprayogaḥ

sthāvaraṃ jaṅgamaṃ vāpi kṛtrimaṃ ca viṣāpaham (viṣaṃ haret) /
balīpalitanirmuktau dehe tasmin prajāyate

kṣatakṣīṇe hitaṃ caiva pāḍukāmalarogajit /
sthūla kaṣṇo (?) hitaṃ caiva rakte vāpi hitaṃ ca tat

pāke svādu madhu śreṣṭhaṃ vipāke doṣasaṃyutam /
(tan madhu bhūvi ruddhānāṃ vārīṇāṃ madasaṃbhavam

saṃbhavaḥ krimikīṭānā pippalī madhunā saha /
amlena madhuraṃ svādu tan madhuś cāpi doṣakṛt) (?)