Āryabhaṭīya with the Commentary (with commentary) · Chapter 24

grāsena ūne grāsone | ke ? dve vṛtte, grāhyagrāhakamaṇḍaladvayam | grāsaguṇe, grāsaḥ guṇaḥ yayoḥ te grāsaguṇe | bhājayet pṛthaktvena, ekaikam | kena ? grāsonayogalabdhau | grāsonayoḥ yogaḥ grāsonayogaḥ, tayoḥ eva vṛttayoḥ grāsavivarjitayoḥ samāsaḥ ; tena grāsonayogena labdhau grāsonayogalabdhau | sampāte śarau sampātaśarau, avagrāhaśarau iti yāvat | parasparataḥ, anyonyataḥ | yasmāt mahāviṣkambhasya alpaḥ śaraḥ mahatvāt maṇḍalasya, alpavyāsasya
mahān śaraḥ | yasmāt alpasya maṇḍalasya alpaḥ api avayavaḥ ativakraḥ upalabhyate, na tathā mahataḥ | tasmāt tau saṃpātaśarau parasparataḥ bhavataḥ |
uddeśakaḥ ã
aśītiviṣkambhatamomayena dvātriṃśat indoḥ sthagitā yadā aṣṭau |
jñātum tat icchāmi śarau kiyantau rāhoḥ atha indoḥ paripūrṇamūlaiḥ

nyāsaḥ ã
parilekhaḥ 54
karaṇam ã grāsone dve vṛtte 72, 24 | grāsaguṇe 576, 192 | grāsonayogaḥ 96 | anena labdhau śarau candramasaḥ 6, rāhoḥ 2, parasparataḥ iti

[ śreḍhīgaṇitam ]
atha idānīm śreḍhīgaṇitānayanāya āha ã
iṣṭam vyekam dalitam sapūrvam uttaraguṇam samukham madhyam |
iṣṭaguṇitam iṣtadhanam tu athavā ādyantam padārdhahatam