Arthashastra · Chapter 13.5

dvividhaṃ vijigīṣoḥ samutthānaṃ - aṭavy.ādikam eka.grāma.ādikaṃ ca //

trividhaś ca^asya lambhaḥ - navo, bhūta.pūrvaḥ, pitrya iti //

navam avāpya lābhaṃ para.doṣān sva.guṇaiś chādayet, guṇān guṇa.dvaiguṇyena //

sva.dharma.karma.anugraha.parihāra.dāna.māna.karmabhiś ca prakṛti.priya.hitāny anuvarteta //

yathā.sambhāṣitaṃ ca kṛtya.pakṣam upagrāhayet, bhūyaś ca kṛta.prayāsam //

aviśvāso hi visaṃvādakaḥ sveṣāṃ pareṣāṃ ca bhavati, prakṛti.viruddha.ācāraś ca //

tasmāt samāna.śīla.veṣa.bhāṣā.ācāratām upagachet //

deśa.daivata.smāja.utsava.vihāreṣu ca bhaktim anuvarteta //

deśa.grāma.jāti.saṃgha.mukhyeṣu ca^abhīkṣṇaṃ sattriṇaḥ parasya^apacāraṃ darśayeyuḥ, māhābhāgyaṃ bhaktiṃ ca teṣu svāminaḥ, svāmi.satkāraṃ ca vidyamānam //

ucitaiś ca^enān bhoga.parihāra.rakṣā.avekṣaṇair bhuñjīta //

sarva.devatā.āśrama.pūjanaṃ ca vidyā.vākya.dharma.śūra.puruṣāṇāṃ ca bhūmi.dravya.dāna.parihārān kārayet, sarva.bandhana.mokṣaṇam anugrahaṃ dīna.anātha.vyādhitānāṃ ca //

cāturmāsyeṣv ardha.māsikam aghātam, paurṇamāsīṣu ca cātūrātrikaṃ rāja.deśa.nakṣatreṣv aikarātrikam //

yoni.bāla.vadhaṃ puṃstva.upaghātaṃ ca pratiṣedhayet //

yac ca kośa.daṇḍa.upaghātakam adharmiṣṭhaṃ vā caritraṃ manyeta tad apanīya dharmya.vyavahāraṃ sthāpayet //

cora.prakṛtīnāṃ mleccha.jātīnāṃ ca sthāna.viparyāsam anekasthaṃ kārayet, durga.rāṣṭra.daṇḍa.mukhyānāṃ ca //

parā.upagṛhītānāṃ ca mantri.purohitānāṃ parasya pratyanteṣv anekasthaṃ vāsaṃ kārayet //

apakāra.samarthān anukṣiyato vā bhartṛ.vināśam upāṃśu.daṇḍena praśamayet //

sva.deśīyān vā pareṇa vā^aparuddhān apavāhita.sthāneṣu sthāpayet //

yaś ca tat.kulīnaḥ pratyādeyam ādātuṃ śaktaḥ, pratyanta.aṭavīstho vā prabādhitum abhijātaḥ, tasmai viguṇāṃ bhūmiṃ prayacchet, guṇavatyāś catur.bhāgaṃ vā kośa.daṇḍa.dānam avasthāpya, yad upakurvāṇaḥ paura.jānapadān kopayet //

kupitais tair enaṃ ghātayet //

prakṛtibhir upakruṣṭam apanayet, aupaghātike vā deśe niveśayet - iti //

bhūta.pūrve yena doṣeṇa^apavṛttas taṃ prakṛti.doṣaṃ chādayet, yena ca guṇena^upāvṛttas taṃ tīvrī.kuryāt - iti //

pitrye pitur doṣāṃś chādayet, guṇāṃś ca prakāśayet - iti //
KAZ13.5.24ab/ caritram akṛtaṃ dharmyaṃ kṛtaṃ ca^anyaiḥ pravartayet /
KAZ13.5.24cd/ pravartayen na ca^adharmyaṃ kṛtaṃ ca^anyair nivartayet //E
para.bala.ghāta.prayogah)