Arthashastra · Chapter 12.4

ye ca^asya durgeṣu vaidehakavyañjanāḥ, grāmesu gṛhapatika.vyañjanāḥ, jana.pada.saṃdhiṣu go.rakṣaka.tāpasa.vyañjanāḥ, te sāmanta.āṭavika.tat.kulīna.aparuddhānāṃ paṇya.āgāra.pūrvaṃ preṣayeyuḥ "ayaṃ deśo hāryaḥ" iti //

āgatāṃś ca^eṣāṃ durge gūḍha.puruṣān artha.mānābhyām abhisatkṛtya prakṛtic.chidrāṇi pradarśayeyuḥ //

teṣu taiḥ saha prahareyuḥ //

skandha.āvāre vā^asya śauṇḍika.vyañjanaḥ putram abhityaktaṃ sthāpayitvā^avaskanda.kāle rasena pravāsayitvā "naiṣecanikam" iti madana.rasa.yuktān madyakumbhān^śataśaḥ prayacchet //

śuddhaṃ vā madyaṃ pādyaṃ vā madyaṃ dadyād ekam ahaḥ, uttaraṃ ras.siddhaṃ prayacchet //

śuddhaṃ vā madyaṃ daṇḍa.mukhyebhyaḥ pradāya mada.kāle rasa.siddhaṃ prayacchet //

daṇḍa.mukhya.vyañjano vā putram abhityaktam iti samānam //

pākva.māṃsika.audanika.auṇḍika.āpūpika.vyañjanā vā paṇya.viśeṣam avaghoṣayitvā paraspara.saṃgharṣeṇa kālikaṃ samarghataram iti vā parān āhūya rasena sva.paṇyāny apacārayeyuḥ //

surā.kṣīra.dadhi.sarpis.tailāni vā tad.vyavahartṛ.hasteṣu gṛhītā striyo bālāś ca rasa.yukteṣu sva.bhājaneṣu parikireyuḥ //

"anena^argheṇa, viśiṣṭaṃ vā bhūyo dīyatām" iti tatra^eva^avākireyuḥ //

etāny eva vaidehaka.vyañjanāḥ, paṇya.vireyeṇa^āhartāro vā //

hasty.aśvānāṃ vidhā.yavaseṣu rasam āsannā dadyuḥ //

karma.kara.vyañjanā vā rasa.aktaṃ yavasam udakaṃ vā vikrīṇīran //

cira.saṃsṛṣṭā vā go.vāṇijakā gavām aja.avīnāṃ vā yūthāny avaskanda.kāleṣu pareṣāṃ moha.sthāneṣu pramuñceyuḥ, aśva.khara.uṣṭramahiṣa.ādīnāṃ duṣṭāṃś ca //

tad.vyañjanā vā cucchundarī.śoṇita.akta.akṣān //

lubdhaka.vyañjanā vā vyāla.mṛgān pañjarebhyaḥ pramuñceyuḥ, sarpa.grāhā vā sarpān ugra.viṣān, hasti.jīvino vā hastinaḥ //

agni.jīvino vā^agnim avasṛjeyuḥ //

gūḍha.puruṣā vā vimukhān patty.aśva.ratha.dvipa.mukhyān abhihanyuḥ, ādīpayeyur vā mukhya.āvāsān //

dūṣya.amitra.āṭavika.vyañjanāḥ praṇihitāḥ pṛṣṭha.abhighātam avaskanda.pratigrahaṃ vā kuryuḥ //

vana.gūḍhā vā pratyanta.skandham upaniṣkṛṣya^abhihanyuḥ, eka.ayane vīvadha.āsāra.prasārān vā //

sasaṃketaṃ vā rātri.yuddhe bhūri.tūryam āhatya brūyuḥ "anupraviṣṭāḥ smo, labdhaṃ rājyam" iti //

rāja.āvāsam anupraviṣṭā vā saṃkuleṣu rājānaṃ hanyuḥ //

sarvato vā prayātam ena(?eva?) mleccha.āṭavika.daṇṭa.cāriṇaḥ sattra.apāśrayāḥ stambha.vāṭa.apāśrayā vā hanyuḥ //

lubdhaka.vyañjanā vā^avaskanda.saṃkuleṣu gūḍha.yuddha.hetubhir abhihanyuḥ //

eka.ayane vā śaila.stambha.vāṭa.khañjana.antar.udake vā sva.bhūmi.balena^abhihanyuḥ //

nadī.saras.taṭāka.setu.bandha.bheda.vegena vā plāvayeyuḥ //

dhānvana.vana.durga.nimna.durgasthaṃ vā yoga.agni.dhūmābhyāṃ nāśayeyuḥ //

saṃkaṭa.gatam agninā, dhānvana.gataṃ dhūmena, nidhāna.gataṃ rasena, toya.avagāḍhaṃ duṣṭa.grāhair udaka.caraṇair vā tīkṣṇāḥ sādhayeyuḥ, ādīpta.āvāsān niṣpatantaṃ vā //
KAZ12.4.29ab/ yoga.vāmana.yogābhyāṃ yogena^anyatamena vā /
KAZ12.4.29cd/ amitram atisaṃdadhyāt saktam uktāsu bhūmiṣu //E
(yoga.atisamdhānam - daṇḍa.atisamdhānam - eka.vijayah)