Arthashastra · Chapter 12.1

"balīyasā^abhiyukto durbalaḥ sarvatra^anupraṇato vetasa.dharmā tiṣṭhet //

indrasya hi sa praṇamati yo balīyaso namati" iti bhāradvājaḥ //

"sarva.saṃdohena balānāṃ yudhyeta //

parākramo hi vyasanam apahanti //

sva.dharmaś ca^eṣa kṣatriyasya, yuddhe jayaḥ parājayo vā" iti viśāla.akṣaḥ //

na^iti kauṭilyaḥ //

sarvatra^anupraṇataḥ kulaiḍaka iva nirāśo jīvite vasati //

yudhyamānaś ca^alpa.sainyaḥ samudram iva^aplavo^avagāhamānaḥ sīdati //

tad.viśiṣṭaṃ tu rājānam āśrito durgam aviṣahyaṃ vā ceṣṭeta //

trayo^abhiyoktāro dharma.lobha.asura.vijayina iti //

teṣām abhyavapattyā dharma.vijayī tuṣyati //

tam abhyavapadyeta, pareṣām api bhayāt //

bhūmi.dravya.haraṇena lobha.vijayī tuṣyati //

tam arthena^abhyavapadyeta //

bhūmi.dravya.putra.dāra.prāṇa.haraṇena^asura.vijayī //

taṃ bhūmi.dravyābhyām upagṛhya^agrāhyaḥ pratikurvīta //

teṣām anyatamam uttiṣṭhamānaṃ saṃdhinā mantra.yuddhena kūṭa.yuddhena vā prativyūheta //

śatru.pakṣam asya sāma.dānābhyām, sva.pakṣaṃ bheda.daṇḍābhyām //

durgaṃ rāṣṭraṃ skandha.āvāraṃ vā^asya gūḍhāḥ śastra.rasa.agnibhiḥ sādhayeyuḥ //

sarvataḥ pārṣṇim asya grāhayet //

aṭavībhir vā rājyaṃ ghātayet, tat.kulīna.aparuddhābhyāṃ vā hārayet //

apakāra.anteṣu ca^asya dūṭaṃ preṣayet //

anapakṛtya vā saṃdhānam //

tathā^apy abhiprayāntaṃ kośa.daṇḍayoḥ pāda.uttaram aho.rātra.uttaraṃ vā saṃdhiṃ yāceta //

sa ced daṇḍa.saṃdhiṃ yāceta, kuṇṭham asmai hasty.aśvaṃ dadyād, utsāhitaṃ vā gara.yuktam //

puruṣa.saṃdhiṃ yāceta, dūṣya.amitra.aṭavī.balam asmai dadyād yoga.puruṣa.adhiṣṭhitam //

tathā kuryād yathā^ubhaya.vināśaḥ syāt //

tīkṣṇa.balaṃ vā^asmai dadyād yad avamānitaṃ vikurvīta, maulam anuraktaṃ vā yad asya vyasane^apakuryāt //

kośa.saṃdhiṃ yāceta, sāram asmai dadyād yasya kretāraṃ na^adhigacchet, kupyam ayuddha.yogyaṃ vā //

bhūmi.saṃdhiṃ yāceta, pratyādeyāṃ nitya.amitrām anapāśrayāṃ mahā.kṣaya.vyaya.niveśāṃ vā^asmai bhūmiṃ dadyāt //

sarva.svena vā rāja.dhānī.varjena saṃdhiṃ yāceta balīyasaḥ //
KAZ12.1.32ab/ yat prasahya hared anyas tat prayacced upāyataḥ /
KAZ12.1.32cd/ rakṣet sva.dehaṃ na dhanaṃ kā hy anitye dhane dayā //E
(mantra.yuddha)