Arthashastra · Chapter 10.6

pakṣāv urasyaṃ pratigraha ity auśanaso vyūha.vibhāgaḥ //

pakṣau kakṣāv urasym pratigraha iti bārhasptyaḥ //

prapakṣa.kakṣa.urasyā ubhayoḥ daṇḍa.bhoga.maṇḍala.asaṃhatāḥ prakṛti.vyūhāḥ //

tatra tiryag.vṛttir daṇḍaḥ //

samastānām anvāvṛttir bhogaḥ //

saratāṃ sarvato.vṛttir maṇḍalaḥ //

sthitānāṃ pṛthag.anīka.vṛttir asaṃhataḥ //

pakṣa.kakṣa.urasyaiḥ samaṃ vartamāno daṇḍaḥ //

sa kakṣa.atikrāntaḥ pradaraḥ //

sa eva pakṣa.kakṣābhyāṃ pratikrānto dṛḍhakaḥ //

sa eva^atikrāntaḥ pakṣābhyām asahyaḥ //

pakṣāv avasthāpya^urasya.atikrāntaḥ śyenaḥ //

viparyaye cāpaṃ cāpa.kukuṣiḥ pratiṣṭhaḥ supratiṣṭhaś ca //

cāpa.pakṣaḥ saṃjayaḥ //

sa eva^urasya.atikrānto vijayaḥ //

sthūla.karṇa.pakṣaḥ sthūṇa.akarṇaḥ //

dvi.guṇa.pakṣa.sthūṇo viśāla.vijayaḥ //

try.abhikrānta.pakṣaś camū.mukhaḥ //

viparyaye jhaṣa.āsyaḥ //

ūrdhva.rājir daṇḍaḥ sūcī //

dvau daṇḍau valayaḥ //

catvāro durjayaḥ //

iti daṇḍa.vyūhāḥ //

pakṣa.kakṣa.urasyair viṣamaṃ vartamāno bhogaḥ //

sa sarpa.sārī go.mūtrikā vā //

sa yugma.urasyo daṇḍa.pakṣaḥ śakaṭaḥ //

viparyaye makaraḥ //

hasty.aśva.rathair vyatikīrṇaḥ śakaṭaḥ pāripatantakaḥ //

iti bhoga.vyūhāḥ //

pakṣa.kakṣa.urasyānām ekī.bhāve maṇḍalaḥ //

sa sarvato.mukhaḥ sarvato.bhadraḥ //

aṣṭa.anīko durjayaḥ //

iti maṇḍala.vyūhāḥ //

pakṣa.kakṣa.urasyānām asaṃhatād asaṃhataḥ //

sa pañca.anīkānām ākṛti.sthāpanād vajro godhā vā //

caturṇām uddhānakaḥ kākapadī vā //

trayāṇām ardha.candrakaḥ karkaṭaka.śṛṅgī vā //

ity asaṃhata.vyūhāḥ //

ratha.urasyo hasti.kakṣo^aśva.pṛṣṭho^ariṣṭaḥ //

pattayo^aśvā rathā hastinaś ca^anupṛṣṭham acalaḥ //

hastino^aśvā rathāḥ pattayaś ca^anupṛṣṭham apratihataḥ //

teṣāṃ pradaraṃ dṛḍhakena ghātayet, dṛḍhakam asahyena, śyenaṃ cāpena, pratiṣṭhaṃ supratiṣṭhena, saṃjayaṃ vijayena, sthūṇa.ākarṇaṃ viśāla.vijayena, pāripatantakaṃ sarvato.bhadreṇa //

durjayena sarvān prativyūheta //

patty.aśva.ratha.dvipānāṃ pūrvaṃ pūrvam uttareṇa ghātayet, hīna.aṅgam adhika.aṅgena ca^iti //

aṅga.daśakasya^ekaḥ patiḥ patikaḥ, patika.daśakasya^ekaḥ senā.patiḥ, tad.daśakasya^eko nāyaka iti //

sa tūrya.ghoṣa.dhvaja.patākābhir vyūha.aṅgānāṃ saṃjñāḥ sthāpayed aṅga.vibhāge saṃghāte sthāne gamane vyāvartane praharaṇe ca //

same vyūhe deśa.kāla.sāra.yogāt siddhiḥ //
KAZ10.6.48ab/ yantrair upaniṣad.yogais tīkṣṇair vyāsakta.ghātibhiḥ /
KAZ10.6.48cd/ māyābhir deva.samyogaiḥ śakaṭair hasti.bhīṣaṇaiḥ //
KAZ10.6.49ab/ dūṣya.prakopair go.yūthaiḥ skandha.āvāra.pradīpanaiḥ /
KAZ10.6.49cd/ koṭī.jaghana.ghātair vā dūta.vyañjana.bhedanaiḥ //
KAZ10.6.50ab/ "durgaṃ dagdhaṃ hṛtaṃ vā te kopaḥ kulyaḥ samutthitaḥ /
KAZ10.6.50cd/ śatrur āṭaviko vā" iti parasya^udvegam ācaret //
KAZ10.6.51ab/ ekaṃ hanyān na vā hanyād iṣuḥ kṣipto dhanuṣmatā /
KAZ10.6.51cd/ prajñānena tu matiḥ kṣiptā hanyād garbha.gatān api //E
(bheda.upādānāni - upāmśu.daṇḍāh)