Arthashastra · Chapter 10.1

vāstuka.praśaste vāstuni nāyaka.vardhaki mauhūrtikāḥ skandha.āvāram, vṛttaṃ dīrghaṃ catur.aśraṃ vā bhūmi.vaśena vā, catur.dvāraṃ ṣaṭ.pathaṃ nava.saṃsthānaṃ māpayeyuḥ khāta.vapra.sāla.dvāra.aṭṭālaka.sampannaṃ bhaye sthāne ca //

madhyamasya^uttare nava.bhāge rāja.vāstukaṃ dhanuḥ.śata.āyāmam ardha.vistāram, paścima.ardhe tasya^antaḥ.puram //

antar.vaṃśika.sainyaṃ ca^ante niviśeta //

purastād upasthānam, dakṣiṇataḥ kośa.śāsana.kārya.karaṇāni, vāmato rāja.aupavāhyānāṃ hasty.aśva.rathānāṃ sthānam //

ato dhanuḥ.śata.antarāś catvāraḥ śakaṭa.methī.pratati.stambha.sāla.parikṣepāḥ //

prathame purastān mantri.purohitau, daṇṣiṇataḥ koṣṭha.agāraṃ mahānasaṃ ca, vāmataḥ kupya.āyudha.agāram //

dvitīye maula.bhṛtānāṃ sthānam aśva.rathānāṃ senā.pateś ca //

tṛtīye hastinaḥ śreṇyaḥ praśāstā ca //

caturthe viṣṭir nāyako mitra.amitra.aṭavī.balaṃ sva.puruṣa.adhiṣṭhitam //

vaṇijo rūpa.ājīvāś ca^anu.mahā.patham //

bāhyato lubdhaka.śva.gaṇinaḥ satūrya.agnayaḥ, gūḍhāś ca^ārakṣāḥ //

śatrūṇām āpāte kūpa.kūṭa.avapāta.kaṇṭakinīś ca sthāpayet //

aṣṭādaśa.vargāṇām ārakṣa.viparyāsaṃ kārayet //

diva.āyāmaṃ ca kārayed apasarpa.jñāna.artham //

vivāda.saurika.samāja.dyūta.vāraṇaṃ ca kārayet, mudrā.rakṣaṇaṃ ca //

senā.nivṛttam āyudhīyam aśāsanaṃ śūnya.pālo badhnīyāt //
KAZ10.1.17ab/ purastād adhvanaḥ samyak.praśāstā rakṣaṇāni ca /
KAZ10.1.17cd/ yāyād vardhaki.viṣṭibhyām udakāni ca kārayet //E
(skandha.āvāra.prayāṇam - bala.vyasana.avaskanda.kāla.rakṣaṇam)