Arthashastra · Chapter 09.7

kāma.ādir utsekaḥ svāḥ prakṛtīḥ kopayati, apanayo bāhyāḥ //

tad ubhayam āsurī vṛttiḥ //

sva.jana.vikāraḥ kopaḥ //

para.vṛddhi.hetuṣu āpad.artho^anarthaḥ saṃśaya iti //

yo^arthaḥ śatru.vṛddhim aprāptaḥ karoti, prāptaḥ pratyādeyaḥ pareṣāṃ bhavati, prāpyamāṇo vā kṣaya.vyaya.udayo bhavati, sa bhavaty āpad.arthaḥ //

yathā sāmantānām āmiṣa.bhūtaḥ sāmanta.vyasanajo lābhaḥ, śatru.prārthito vā sva.bhāva.adhigamyo lābhaḥ, paścāt kopena pārṣṇi.grāheṇa vā vigṛhītaḥ purastāl.lābhaḥ, mitra.ucchedena saṃdhi.vyatikrameṇa vā maṇḍala.viruddho lābhaḥ ity āpad.arthaḥ //

svataḥ parato vā bhaya.utpattir ity anarthaḥ //

tayoḥ artho na vā^iti, anartho na vā^iti, artho^anartha iti, anartho^artha iti saṃśayaḥ //

śatru.mitram utsāhayitum artho na vā^iti saṃśayaḥ //

śatru.balam artha.mānābhyām āvāhayitum anartho na vā^iti saṃśayaḥ //

balavat.sāmantāṃ bhūmim ādātum artho^anartha iti saṃśayaḥ //

jāyasā sambhūyayānam anartho^artha iti saṃśayaḥ //

teṣām artha.saṃśayam upagacchet //

artho^artha.anubandhaḥ, artho niranubandhaḥ, artho^anartha.anubandhaḥ, anartho^artha.anubandhaḥ, anartho niranubandhaḥ, anartho^anartha.anubandhaḥ ity anubandha.ṣaḍ.vargaḥ //

śatrum utpāṭya pārṣṇi.grāha.ādānam artho^anartha.anubandhaḥ //

udāsīnasya daṇḍa.anugrahaḥ phalena artho niranubandhaḥ //

parasya^antar.ucchedanam artho^anartha.anubandhaḥ //

śatru.prativeśasya^anugrahaḥ kośa.daṇḍābhyām anartho^anartha.anubandhaḥ //

hīna.śaktim utsāhya nivṛttir anartho niranubandhaḥ //

jyāyāṃsam utthāpya nivṛttir anartho^anartha.anubandhaḥ //

teṣāṃ pūrvaḥ pūrvaḥ śreyān upasamprāptum //

iti kārya.avasthāpanam //

samantato yugapad.artha.utpattiḥ samantato^artha.āpad bhavati //

sā^eva pārṣṇi.grāha.vigṛhītā samantato^artha.saṃśaya.āpad bhavati //

tayor mitra.ākranda.upagrahāt siddhiḥ //

samantataḥ śatrubhyo bhaya.utpattiḥ samantto^anartha.āpad bhavati //

sā^eva mitra.vigṛhītā samantato^anartha.saṃśaya.āpad bhavati //

tayoś cala.amitra.ākranda.upagrahāt siddhiḥ, para.miśra.apratīkāro vā //

ito lābha itarato lābha ity ubhayato^artha.āpad bhavati //

tasyāṃ samantato^arthāyāṃ ca lābha.guṇa.yuktam artham ādātuṃ yāyāt //

tulye lābha.guṇe pradhānam āsannam anatipātinam ūno vā yena bhavet tam ādātuṃ yāyāt //

ito^anartha itarato^anartha ity ubhayato^anartha.āpat //

tasyāṃ samantato^anarthāyāṃ ca mitrebhyaḥ siddhiṃ lipseta //

mitra.abhāve prakṛtīnāṃ laghīyasya^ekato^anarthāṃ sādhayet, ubhayato^anarthāṃ jyāyasyā, samantato^anarthāṃ mūlena pratikuryāt //

aśakye sarvam utsṛjya^apagacchet //

dṛṣṭā hi jīvataḥ punar.āvṛttir yathā suyātrā.udayanābhyām //

ito lābha itarato rājya.abhimarśa ity ubhayato^artha.anartha.āpad bhavati //

tasyām anartha.sādhako yo^arthas tam ādātuṃ yāyāt //

anyathā hi rājya.abhimarśaṃ vārayet //

etayā samantato^artha.anartha.āpad vyākhyātā //

ito^anartha itarato^artha.saṃśaya ity ubhayato^anartha.artha.saṃśayā //

tasyāṃ pūrvam anarthaṃ sādhayet, tat.siddhāv artha.saṃśayam //

etayā samantato^anartha.artha.saṃśayā vyākhyātā //

ito^artha itarato^anartha.saṃśaya ity ubhayato^artha.anartha.saṃśaya.āpad //

etayā samantato^artha.anartha.saṃśayā vyākhyātā //

tasyāṃ pūrvāṃ pūrvāṃ prakṛtīnām anartha.saṃśayān mokṣayituṃ yateta //

śreyo hi mitram anartha.saṃśaye tiṣṭhan na daṇḍaḥ, daṇḍo vā na kośa iti //

samagra.mokṣaṇa.abhāve prakṛtīnām avayavān mokṣayituṃ yateta //

tatra puruṣa.prakṛtīnāṃ bahulam anuraktaṃ vā tīkṣṇa.lubdha.varjam, dravya.prakṛtīnāṃ sāraṃ mahā.upakāraṃ vā //

saṃdhinā^āsanena dvaidhī.bhāvena vā laghūni, viparyayair gurūṇi //

kṣaya.sthāna.vṛddhīnāṃ ca^uttara.uttaraṃ lipseta //

prātilomyena vā kṣaya.ādīnām āyatyāṃ viśeṣaṃ paśyet //

iti deśa.avasthāpanam //

etena yātrā.ādi.madhya.anteṣv artha.anartha.saṃśayānām upasamprāptir vyākhyātā //

nirantara.yogitvāc ca^artha.anartha.saṃśayānāṃ yātrā.ādāv arthaḥ śreyān upasamprāptuṃ pārṣṇi.grāha.āsāra.pratighāte kṣaya.vyaya.pravāsa.pratyādeye mūla.rakṣaṇeṣu ca bhavati //

tathā^anarthaḥ saṃśayo vā sva.bhūmiṣṭhasya viṣahyo bhavati //

etena yātrā.madhye^artha.anartha.saṃśayānām upasamprāptir vyākhyātā //

yātrā.ante tu karśanīyam ucchedanīyaṃ vā karśayitvā^ucchidya vā^arthaḥ śreyān upasamprāptuṃ na^anarthaḥ saṃśayo vā para.ābādha.bhayāt //

sāmavāyikānām apurogasya tu yātrā.madhya.antago^anarthaḥ saṃśayo vā śreyān upasamprāptum anirbandha.gāmitvāt //

artho dharmaḥ kāma ity artha.tri.vargaḥ //

tasya pūrvaḥ pūrvaḥ śreyān upasamprāptum //

anartho^adharmaḥ śoka ity anartha.tri.vargaḥ //

tasya pūrvaḥ pūrvaḥ śreyān pratikartum //

artho^anartha iti, dharmo^adharma iti, kāmaḥ śoka iti saṃśaya.tri.vargaḥ //

tasya^uttara.pakṣa.siddhau pūrva.pakṣaḥ śreyān upasamprāptum //

iti kāla.avasthāpanam //

ity āpadaḥ - tāsāṃ siddhiḥ //

putra.bhrātṛ.bandhuṣu sāma.dānābhyāṃ siddhir anurūpā, paura.jānapada.daṇḍa.mukhyeṣu dāna.bhedābhyām, sāmanta.āṭavikeṣu bheda.daṇḍābhyām //

eṣā^anulomā, viparyaye pratilomā //

mitra.amitreṣu vyāmiśrā siddhiḥ //

paraspara.sādhakā hy upāyāḥ //

śatroḥ śaṅkita.amātyeṣu sāntvaṃ prayuktaṃ śeṣa.prayogaṃ nivartayati, dūṣya.amātyeṣu dānam, saṃghāteṣu bhedaḥ, śaktimatsu daṇḍa iti //

guru.lāghava.yogāc ca^āpadāṃ niyoga.vikalpa.samuccayā bhavanti //

"anena^eva^upāyena na^anyena" iti niyogaḥ //

"anena vā^anyena vā" iti vikalpaḥ //

"anena^anyena ca" iti samuccayaḥ //

teṣām eka.yogāś catvāras tri.yogāś ca, dvi.yogāḥ ṣaṭ, ekaś catur.yogaḥ //

iti pañca.daśa.upāyāḥ //

tāvantaḥ pratilomāḥ //

teṣām ekena^upāyena siddhir eka.siddhiḥ, dvābhyāṃ dvi.siddhiḥ, tribhis tri.siddhiḥ, caturbhiś catuḥ.siddhir iti //

dharma.mūlatvāt kāma.phalatvāc ca^arthasya dharma.artha.kāma.anubandhā yā^arthasya siddhiḥ sā sarva.artha.siddhiḥ // <iti siddhayah>

daivād agnir udakaṃ vyādhiḥ pramāro vidravo durbhikṣam āsurī sṛṣṭir ity āpadaḥ //

tāsāṃ daivata.brāhmaṇa.rpaṇipātataḥ siddhiḥ //
KAZ09.7.84ab/ ativṛṣṭir avṛṣṭir vā sṛṣṭir vā yā^āsurī bhavet /
KAZ09.7.84cd/ tasyām ātharvaṇaṃ karma siddha.ārambhāś ca siddhayaḥ //E
(skandha.āvāra.niveśah)