Arthashastra · Chapter 09.6

dūṣyebhyaḥ śatrubhyaś ca dvividhā śuddhā //

dūṣya.śuddhāyāṃ paureṣu jānapadeṣu vā daṇḍa.varjān upāyān prayuñjīta //

daṇḍo hi mahā.jane kṣeptum aśakyaḥ //

kṣipto vā taṃ ca^arthaṃ na kuryāt, anyaṃ ca^anartham utpādayet //

mukhyeṣu tv eṣāṃ dāṇḍa.karmikavac ceṣṭeta //

śatru.śuddhāyāṃ yataḥ śatruḥ pradhānaḥ kāryo vā tataḥ sāma.ādibhiḥ siddhiṃ lipseta //

svāminy āyattā pradhāna.siddhiḥ, mantriṣv āyattā^āyatta.siddhiḥ, ubhaya.āyattā pradhāna.āyatta.siddhiḥ //

dūṣya.adūṣyāṇām āmiśritatvād āmiśrā //

āmiśrāyām adūṣyataḥ siddhiḥ //

ālambana.abhāve hy ālambitā na vidyante //

mitra.amitrāṇām ekī.bhāvāt para.miśrā //

para.miśrāyāṃ mitrataḥ siddhiḥ //

sukaro hi mitreṇa saṃdhiḥ, na^amitreṇa^iti //

mitraṃ cen na saṃdhim icched abhīkṣṇam upajapet //

tataḥ sattribhir amitrād bhedayitvā mitraṃ labheta //

mitra.saṃghasya vā yo^anta.sthāyī taṃ labheta //

anta.sthāyini labdhe madhya.sthāyino bhidyante //

madhya.sthāyinaṃ vā labheta //

madhya.sthāyini labdhe na^anta.sthāyinaḥ saṃhanyante //

yathā ca^eṣām āśraya.bhedas tān upāyān prayuñjīta //

dhārmikaṃ jāti.kula.śruta.vṛtta.stavena sambandhena pūrveṣāṃ traikālya.upakārān apakārābhyāṃ vā sāntvayet //

nivṛtta.utsāhaṃ vigraha.śrāntaṃ pratihata.upāyaṃ kṣaya.vyayābhyāṃ pravāsena ca^upataptaṃ śaucena^anyaṃ lipsamānam anyasmād vā śaṅkamānaṃ maitrī.pradhānaṃ vā kalyāṇa.buddhiṃ sāmnā sādhayet //

lubdhaṃ kṣīṇaṃ vā tapasvi.mukhya.avasthāpanā.pūrvaṃ dānena sādhayet //

tat pañca.vidhaṃ - deya.visargo gṛhīta.anuvartanam ātta.pratidānaṃ sva.dravya.dānam apūrvaṃ para.sveṣu svayaṃ.grāha.dānaṃ ca //

iti dāna.karma //

paraspara.dveṣa.vaira.bhūmi.haraṇa.śaṅkitam ato^anyatamena bhedayet //

bhīruṃ vā pratighātena "kṛta.saṃdhir eṣa tvayi karma.kariṣyati, mitram asya nisṛṣṭam, saṃdhau vā na^abhyantaraḥ" iti //

yasya vā sva.deśād anya.deśād vā paṇyāni paṇya.agāratayā^āgaccheyuḥ tāni asya "yātavyāl labdhāni" iti sattriṇaś cārayeyuḥ //

bahulī.bhūte śāsanam abhityaktena preṣayet "etat te paṇyaṃ paṇya.agāraṃ vā mayā te preṣitam, sāmavāyikeṣu vikramasva, apagaccha vā, tataḥ paṇa.śeṣam avāpsyasi" iti //

tataḥ sattriṇaḥ pareṣu grāhayeyuḥ "etad ari.pradattam" iti //

śatru.prakhyātaṃ vā paṇyam avijñātaṃ vijigīṣuṃ gacchet //

tad asya vaidehaka.vyañjanāḥ śatru.mukhyeṣu vikrīṇīran //

tataḥ sattriṇaḥ pareṣu grāhayeyuḥ "etat paṇyam ari.pradattam" iti //

mahā.aparādhān artha.mānābhyām upagṛhya vā śastra.rasa.agnibhir amitre praṇidadhyāt //

atha^ekam amātyaṃ niṣpātayet //

tasya putra.dāram upagṛhya rātrau hatam iti khyāpayet //

atha^amātyaḥ śatros tān eka.ekaśaḥ prarūpayet //

te ced yathā.uktaṃ kuryur na ca^enān grāhayet //

aśaktimato vā grāhayet //

āpta.bhāva.upagato mukhyād asya^ātmānaṃ rakṣaṇīyaṃ kathayet //

atha^amitra.śāsanaṃ mukhya.upaghātāya preṣitam ubhaya.vetano grāhayet //

utsāha.śaktimato vā preṣayet "amuṣya rājyaṃ gṛhāṇa, yathā.asthito naḥ saṃdhiḥ" iti //

tataḥ sattriṇaḥ pareṣu grāhayeyuḥ //

ekasya skandha.āvāraṃ vīvadham āsāraṃ vā ghātayeyuḥ //

itareṣu maitrīṃ bruvāṇāḥ "tvam eteṣāṃ ghātayitavyaḥ" ity upajapeyuḥ //

yasya vā pravīra.puruṣo hastī hayo vā mriyeta gūḍha.puruṣair hanyeta hriyeta vā sattriṇaḥ paraspara.upahataṃ brūyuḥ //

tataḥ śāsanam abhiśastasya preṣayet "bhūyaḥ kuru tataḥ paṇa.śeeṣam avāpsyasi" iti //

tad ubhaya.vetanā grāhayeyuḥ //

bhinneṣv anyatamaṃ labheta //

tena senā.pati.kumāra.daṇḍa.cāriṇo vyākhyātāḥ //

sāṃdhikaṃ ca bhedaṃ prayuñjīta //

iti bheda.karma //

tīkṣṇam utsāhinaṃ vyasaninaṃ sthita.śatruṃ vā gūḍha.puruṣāḥ śastra.agni.rasa.ādibhiḥ sādhayeyuḥ, saukaryato vā teṣām anyatamaḥ //

tīkṣṇo hy ekaḥ śastra.rasa.agnibhiḥ sādhayet //

ayaṃ sarva.saṃdoha.karma viśiṣṭaṃ vā karoti //

ity upāya.catur.vargaḥ //

pūrvaḥ pūrvaś ca^asya laghiṣṭhaḥ //

sāntvam eka.guṇam //

dānaṃ dvi.guṇaṃ sāntva.pūrvam //

bhedas tri.guṇaḥ sāntva.dāna.pūrvaḥ //

daṇḍaś catur.guṇaḥ sāntva.dāna.bheda.pūrvaḥ //

ity abhiyuñjāneṣu^uktam //

sva.bhūmiṣṭheṣu tu ta eva^upāyāḥ //

viśeṣas tu //

sva.bhūmiṣṭhānām anyatamasya paṇya.agārair abhijñātān dūta.mukhyān abhīkṣṇaṃ preṣayet //

ta enaṃ saṃdhau para.hiṃsāyāṃ vā yojayeyuḥ //

apratipadyamānaṃ "kṛto naḥ saṃdhiḥ" ity āvedayeyuḥ //

tam itareṣām ubhaya.vetanāḥ saṃkrāmayeyuḥ "ayaṃ vo rājā duṣṭaḥ" iti //

yasya vā yasmād bhayaṃ vairaṃ dveṣo vā taṃ tasmād bhedayeyuḥ "ayaṃ te śatruṇā saṃdhatte, purā tvām atisaṃdhatte, kṣiprataraṃ saṃdhīyasva, nigrahe ca^asya prayatasva" iti //

āvāha.vivāhābhyāṃ vā kṛtvā samyogam asamyuktān bhedayet //

sāmanta.āṭavika.tat.kulīna.aparuddhaiś ca^eṣāṃ rājyāni ghātayet, sārtha.vraja.aṭavīr vā, daṇḍaṃ vā^abhisṛtam //

paraspara.apāśrayāś ca^eṣāṃ jāti.saṃghāś chidreṣu prahareyuḥ, gūḍhāś ca^agni.rasa.śastreṇa //
KAZ09.6.73ab/ vītaṃsa.gilavac ca^arīn yogair ācaritaiḥ śaṭhaḥ /
KAZ09.6.73cd/ ghātayet para.miśrāyāṃ viśvāsena^āmiṣeṇa ca //E
(artha.anartha.samśaya.yuktāh <āpadah> - tāsām upāya.vikalpajāh siddhayah)