Arthashastra · Chapter 09.5

saṃdhy.ādīnām ayathā.uddeśa.avasthāpanam apanayaḥ //

tasmād āpadaḥ sambhavanti //

bāhya.utpattir abhyantara.pratijāpā, abhyantara.utpattir bāhya.pratijāpā, bāhya.utpattir bāhya.pratijāpā, abhyantara.utpattir abhyantara.pratijāpā - ity āpadaḥ //

yatra bāhyā abhyantara.anupajapanti, abhyantarā vā bāhyān, tatra.ubhaya.yoge pratijapataḥ siddhir viśeṣavatī //

suvyājā hi pratijapitāro bhavanti, na^upajapitāraḥ //

teṣu praśānteṣu na^anyān^śaknuyur upajapitum upajapitāraḥ //

kṛcchra.upajāpā hi bāhyānām abhyantarās teṣām itare vā //

mahataś ca prayatnasya vadhaḥ pareṣām, artha.anubandhaś ca^ātmana iti //

abhyantareṣu pratijapatsu sāma.dāne prayuñjīta //

sthāna.māna.karma sāntvam //

anugraha.parihārau karmasv āyogo vā dānam //

bāhyeṣu pratijapatsu bheda.daṇḍau prayuñjīta //

sattriṇo mitra.vyañjanā vā bāhyānāṃ cāram eṣāṃ brūyuḥ "ayaṃ vo rājā dūṣya.vyañjanair atisaṃdhātu.kāmaḥ, budhyadhvam" iti //

dūṣyeṣu vā dūṣya.vyañjanāḥ praṇihitā dūṣyān bāhyair bhedayeyuḥ, bāhyān vā dūṣyaiḥ //

dūṣyān anupraviṣṭā vā tīkṣṇāḥ śastra.rasābhyāṃ hanyuḥ //

āhūya vā bāhyān ghātayeyuḥ //

yatra bāhyā bāhyān upajapanti, abhyantarān abhyantarā vā, tatra^ekānta.yoga upajapituḥ siddhir viśeṣavatī //

doṣa.śuddhau hi dūṣyā na vidyante //

dūṣya.śuddhau hi doṣaḥ punar anyān dūṣayati //

tasmād bāhyeṣu^upajapatsu bheda.daṇḍau prayuñjīta //

sattriṇo mitra.vyañjanā vā brūyuḥ "ayaṃ vo rājā svayam ādātu.kāmaḥ, vigṛhītāḥ sthānena rājñā, budhyadhvam" iti //

pratijapitur vā dūta.daṇḍān anupraviṣṭās tīkṣṇāḥ śastra.rasa.ādibhir eṣāṃ chidreṣu prahareyuḥ //

tataḥ sattriṇaḥ pratijapitāram abhiśaṃseyuḥ //

abhyantarān abhyantareṣu^upajapatsu yathā.arham upāyaṃ prayuñjīta //

tuṣṭa.liṅgam atuṣṭaṃ viparītaṃ vā sāma prayuñjīta //

śauca.sāmarthya.apadeśena vyasana.abhyudaya.avekṣaṇena vā pratipūjanam iti dānam //

mitra.vyañjano vā brūyād etān "citta.jñāna.artham upadhāsyati vo rājā, tad asya^ākhyātavyam iti //

parasparād vā bhedayed enān "asau ca^asau ca vo rājany evam upajapati" - iti bhedaḥ //

dāṇḍakarmikavac ca daṇḍaḥ //

etāsāṃ catasṛṇām āpadām abhyantarām eva pūrvaṃ sādhayet //

ahi.bhayād abhyantara.kopo bāhya.kopāt pāpīyān ity uktaṃ purastād //
KAZ09.5.32ab/ pūrvāṃ pūrvāṃ vijānīyāl laghvīm āpadam āpadām /
KAZ09.5.32cd/ utthitāṃ balavadbhyo vā gurvīṃ laghvīṃ viparyaye //E
(dūṣya.śatru.samyuktāh <āpadah>)