Arthashastra · Chapter 08.1

vyasana.yaugapadye saukaryato yātavyaṃ rakṣitavyaṃ vā^iti vyasana.cintā //

daivaṃ mānuṣaṃ vā prakṛti.vyasanam anaya.apanayābhyāṃ sambhavati //

guṇa.prātilomyam abhāvaḥ pradoṣaḥ prasaṅgaḥ pīḍā vā vyasanam //

vyasyaty enaṃ śreyasa iti vyasanam //

"svāmy.amātya.jana.pada.durga.kośa.daṇḍa.mitra.vyasanānāṃ pūrvaṃ pūrvaṃ garīyaḥ" ity ācāryāḥ //

na^iti bharadvājaḥ //

"svāmy.amātya.vyasanayor amātya.vyasanaṃ garīyaḥ //

mantro mantra.phala.avāptiḥ karma.anuṣṭhānam āya.vyaya.karma daṇḍa.praṇayanam amitra.aṭavī.pratiṣedho rājya.rakṣaṇaṃ vyasana.pratīkāraḥ kumāra.rakṣaṇam abhiṣekaś ca kumārāṇām āyattam amātyeṣu //

teṣām abhāve tad.abhāvaḥ, chinna.pakṣasya^iva rājñaś ceṣṭā.nāśaś ca //

vyasaneṣu ca^āsannaḥ para.upajāpaḥ //

vaiguṇye ca prāṇa.ābādhaḥ prāṇa.antika.caratvād rājñaḥ" iti //

na^iti kauṭilyaḥ //

mantri.purohita.ādi.bhṛtya.vargam adhyakṣa.pracāraṃ puruṣa.dravya.prakṛti.vyasana.pratīkāram edhanaṃ ca rājā^eva karoti //

vyasaniṣu vā^amātyeṣv anyān avyasaninaḥ karoti //

pūjya.pūjane dūṣya.avagrahe ca nitya.yuktas tiṣṭhati //

svāmī ca sampannaḥ sva.sampadbhiḥ prakṛtīḥ sampādayati //

sa yat.śīlas tat.śīlāḥ prakṛtayo bhavanti, utthāne pramāde ca tad.āyattatvāt //

tat.kūṭa.sthānīyo hi svāmī^iti //

"amātya.jana.pada.vyasanayor jana.pada.vyasanaṃ garīyaḥ" iti viśāla.akṣaḥ //

"kośo daṇḍaḥ kupyaṃ viṣṭir vāhanaṃ nicayāś ca jana.padād uttiṣṭhante //

teṣām abhāvo jana.pada.abhāve, svāmy.amātyayoś ca^anantaraḥ" iti //

na^iti kauṭilyaḥ //

amātya.mūlāḥ sarva.ārambhāḥ - jana.padasya karma.siddhayaḥ svataḥ parataś ca yoga.kṣema.sādhanaṃ vyasana.pratīkāraḥ śūnya.niveśa.upacayau daṇḍa.kara.anugrahaś ca^iti //

"jana.pada.durga.vyasanayor durga.vyasanam" iti pārāśarāḥ //

"durge hi kośa.daṇḍa.utpattir āpadi sthānaṃ ca jana.padasya //

śaktimattarāś ca paurā jānapadebhyo nityāś ca^āpadi sahāyā rājñaḥ //

jānapadās tv amitra.sādhāraṇāḥ" iti //

na^iti kauṭilyaḥ //

jana.pada.mūlā durga.kośa.daṇḍa.setu.vārttā.ārambhāḥ //

śauryaṃ sthairyaṃ dākṣyaṃ bāhulyaṃ ca jānapadeṣu //

parvata.antar.dvīpāś ca durgā na^adhyuṣyante jana.pada.abhāvāt //

karṣaka.prāye tu durga.vyasanam, āyudhīya.prāye tu jana.pade jana.pada.vyasanam iti //

"durga.kośa.vyasanayoḥ kośa.vyasanam" iti piśunaḥ //

"kośa.mūlo hi durga.saṃskāro durga.rakṣaṇaṃ jana.pada.mitra.amitra.nigraho deśa.antaritānām utsāhanaṃ daṇḍa.bala.vyavahāraś ca //

durgaḥ kośād upajāpyaḥ pareṣām //

kośam ādāya ca vyasane śakyam apayātum, na durgam" iti //

na^iti kauṭilyaḥ //

durga.arpaṇaḥ kośo daṇḍas tūṣṇīṃ.yuddhaṃ sva.pakṣa.nigraho daṇḍa.bala.vyavahāra āsāra.pratigrahaḥ para.cakra.aṭavī.pratiṣedhaś ca //

durga.abhāve ca kośaḥ pareṣām //

dṛśyate hi durgavatām anucchittir iti //

"kośa.daṇḍavyasanayor daṇḍa.vyasanam" iti kauṇapadantaḥ //

"daṇḍa.mūlo hi mitra.amitra.nigrahaḥ para.daṇḍa.utsāhanaṃ sva.daṇḍa.pratigrahaś ca //

daṇḍa.abhāve ca dhruvaḥ kośa.vināśaḥ //

kośa.abhāve ca śakyaḥ kupyena bhūmyā para.bhūmi.svayaṃ.grāheṇa vā daṇḍaḥ piṇḍayitum, daṇḍavatā ca kośaḥ //

svāminaś ca^āsanna.vṛttitvād amātya.sadharmā daṇḍaḥ" iti //

na^iti kauṭilyaḥ //

kośa.mūlo hi daṇḍaḥ //

kośa.abhāve daṇḍaḥ paraṃ gacchati, svāminaṃ vā hanti //

sarva.abhiyoga.karaś ca kośo dharma.kāma.hetuḥ //

deśa.kāla.kārya.vaśena tu kośa.daṇḍayor anyataraḥ pramāṇī.bhavati //

lambha.pālano hi daṇḍaḥ kośasya, kośaḥ kośasya daṇḍasya ca bhavati //

sarva.dravya.prayojakatvāt kośa.vyasanaṃ garīya iti //

"daṇḍa.mitra.vyasanayor mitra.vyasanam" iti vātavyādhiḥ //

"mitram abhṛtaṃ vyavahitaṃ ca karma karoti, pārṣṇi.grāham āsāram amitram āṭavikaṃ ca pratikaroti, kośa.daṇḍa.bhūmibhiś ca^upakaroti vyasana.avasthā.yogam" iti //

na^iti kauṭilyaḥ //

daṇḍavato mitraṃ mitra.bhāve tiṣṭhati, amitro vā mitra.bhāve //

daṇḍa.mitrayos tu sādhāraṇe kārye sārataḥ sva.yuddha.deśa.kāla.lābhād viśeṣaḥ //

śīghra.abhiyāne tv amitra.āṭavika.anabhyantara.kope ca na mitraṃ vidyate //

vyasana.yaugapadye para.vṛddhau ca mitram artha.yuktau tiṣṭhati //

iti prakṛti.vyasana.sampradhāraṇam uktam //
KAZ08.1.61ab/ prakṛty.avayavānāṃ tu vyasanasya viśeṣataḥ /
KAZ08.1.61cd/ bahu.bhāvo^anurāgo vā sāro vā kārya.sādhakaḥ //
KAZ08.1.62ab/ dvayos tu vyasane tulye viśeṣo guṇataḥ kṣayāt /
KAZ08.1.62cd/ śeṣa.prakṛti.sādguṇyaṃ yadi syān na^avidheyakam //
KAZ08.1.63ab/ śeṣa.prakṛti.nāśas tu yatra^eka.vyasanād bhavet /
KAZ08.1.63cd/ vyasanaṃ tad garīyaḥ syāt pradhānasya^itarasya vā //E
(rāja.rājyayor vyasana.cintā)