Arthashastra · Chapter 07.16

anujñāta.saṃdhi.paṇa.udvega.karaṃ balavān vijigīṣamāṇo yataḥ sva.bhūmiḥ sva.ṛtu.vṛttiś ca sva.sainyānām, adurga.apasāraḥ śatrur.apārṣṇir anāsāraś ca, tato yāyāt //

viparyaye kṛta.pratīkāro yāyāt //

sāma.dānābhyāṃ durbalān upanamayet, bheda.daṇḍābhyāṃ balavataḥ //

niyoga.vikalpa.samuccayaiś ca^upāyānām anantara.eka.antarāḥ prakṛtīḥ sādhayet //

grāma.araṇya.upajīvi.vraja.vaṇik.patha.anupālanam ujjhita.apasṛta.apakāriṇāṃ ca^arpaṇam iti sāntvam ācaret //

bhūmi.dravya.kanyā.dānam abhayasya ca^iti dānam ācaret //

sāmanta.āṭavika.tat.kulīna.aparuddhānām anyatama.upagraheṇa kośa.daṇḍa.bhūmi.dāya.yācanam iti bhedam ācaret //

prakāśa.kūṭa.tūṣṇīṃ.yuddha.durga.lambha.upāyair amitra.pragrahaṇam iti daṇḍam ācaret //

evam utsāhavato daṇḍa.upakāriṇaḥ sthāpayet, sva.prabhāvavataḥ kośa.upakāriṇaḥ, prajñāvato bhūmy.upakāriṇaḥ //

teṣāṃ paṇya.pattana.grāma.khani.saṃjātena ratna.sāra.phalgu.kupyena dravya.hasti.vana.vraja.samutthena yāna.vāhanena vā yad bahuśa upakaroti tac citra.bhogam //

yad daṇḍena kośena vā mahad upakaroti tan mahā.bhogam //

yad daṇḍa.kośa.bhūmībhir upakaroti tat sarva.bhogam //

yad amitram ekataḥ pratikaroti tad ekato.bhogi //

yad amitram āsāraṃ ca^ubhayataḥ pratikaroti tad ubhayato.bhogi //

yad amitra.āsāra.prativeśa.āṭavikān sarvataḥ pratikaroti tat sarvato.bhogi //

pārṣṇi.grāhaś ca^āṭavikaḥ śatru.mukhyaḥ śatrur vā bhūmi.dāna.sādhyaḥ kaścid āsādyeta, nirguṇayā bhūmyā^enam upagrāhayet, apratisambaddhayā durgastham, nirupajīvyayā^āṭavikaṃ - //

pratyādeyayā tat.kulīnaṃ śatroḥ, apacchinnayā śatror aparuddhaṃ nitya.amitrayā śreṇī.balam, balavat.sāmantayā saṃhata.balam, ubhābhyāṃ yuddhe pratilomam, - //

alabdha.vyāyāmayā^utsāhinam, śūyayā^ari.pakṣīyam, karśitayā^apavāhitam, mahā.kṣaya.vyaya.niveśayā gata.pratyāgatam, anapāśrayayā pratyapasṛtam, pareṇa^anadhivāsyayā svayam eva bhartāram upagrāhayet //

teṣāṃ mahā.upakāraṃ nirvikāraṃ ca^anuvartayet //

pratilomam upāṃśunā sādhayet //

upakāriṇam upakāra.śaktyā toṣayet //

prayāsataś ca^artha.mānau kuryād, vyasaneṣu ca^anugraham //

svayaṃ.āgatānāṃ yathā.iṣṭa.darśanaṃ pratividhānaṃ ca kuryāt //

paribhava.upaghāta.kutsa.ativādāṃś ca^eṣu na prayuñjīta //

dattvā ca^abhayaṃ pitā^iva^anugṛhṇīyāt //

yaś ca^asya^apakuryāt tad doṣam abhivikhyāpya prakāśam enaṃ ghātayet //

para.udvega.kāraṇād vā dāṇḍakarmikavac ceṣṭeta //

na ca hatasya bhūmi.dravya.putra.dārān abhimanyeta //

kulyān apy asya sveṣu pātreṣu sthāpayet //

karmaṇi mṛtasya putraṃ rājye sthāpayet //

evam asya daṇḍa.upanatāḥ putra.pautrān anuvartante //

yas tu^upanatān hatvā baddhvā vā bhūmi.dravya.putra.dārān abhimanyeta tasya^udvignaṃ maṇḍalam abhāvāya^uttiṣṭhate //

ye ca^asya^amātyāḥ sva.bhūmiṣv āyattās te ca^asya^udvignā maṇḍalam āśrayante //

svayaṃ vā rājyaṃ prāṇān vā^asya^abhimanyante //
KAZ07.16.33ab/ sva.bhūmiṣu ca rājānas tasmāt sāmnā^anupālitāḥ /
KAZ07.16.33cd/ bhavanty anuguṇā rājñaḥ putra.pautra.anuvartinaḥ //E
(samdhi.karma -samādhi.mokṣah)