Arthashastra · Chapter 07.15

durbalo rājā balavatā^abhiyuktas tad.viśiṣṭa.balam āśrayeta yam itaro mantra.śaktyā na^atisaṃdadhyāt //

tulya.mantra.śaktīnām āyatta.sampado vṛddha.samyogād vā viśeṣaḥ //

viśiṣṭa.bala.abhāve sama.balais tulya.bala.saṃghair vā balavataḥ sambhūya tiṣṭhed yān na mantra.prabhāva.śaktibhyām atisaṃdadhyāt //

tulya.mantra.prabhāva.śaktīnāṃ vipula.ārambhato viśeṣaḥ //

sama.bala.abhāve hīna.balaiḥ śucibhir utsāhibhiḥ pratyanīka.bhūtair balavataḥ sambhūya tiṣṭhed yān na mantra.prabhāva.utsāha.śaktibhir atisaṃdadhyāt //

tulya.utsāha.śaktīnāṃ sva.yuddha.bhūmi.lābhād viśeṣaḥ //

tulya.bhūmīnāṃ sva.yuddha.kāla.lābhād viśeṣaḥ //

tulya.deśa.kālānāṃ yugya.śastra.āvaraṇato viśeṣaḥ //

sahāya.abhāve durgam āśrayeta yatra^amitraḥ prabhūta.sainyo^api bhakta.yavasa.indhana.udaka.uparodhaṃ na kuryāt svayaṃ ca kṣaya.vyayābhyāṃ yujyeta //

tulya.durgāṇāṃ nicaya.apasārato viśeṣaḥ //

nicaya.apasāra.sampannaṃ hi manuṣya.durgam icched iti kauṭilyaḥ //

tad ebhiḥ kārṇair āśrayeta - "pārṣṇi.grāham āsāraṃ madhyamam udāsīnaṃ vā pratipādayiṣyāmi, sāmanta.āṭavika.tat.kulīna.aparuddhānām anyatamena^asya rājyaṃ hārayiṣyāmi ghātayiṣyāmi vā - //

kṛtya.pakṣa.upagraheṇa vā^asya durge rāṣṭre skandha.āvāre vā kopaṃ samutthāpayiṣyāmi, śastra.agni.rasa.praṇidhānair aupaniṣadikair vā yathā.iṣṭam āsannaṃ haniṣyāmi - //

svayaṃ.adhiṣṭhitena vā yoga.praṇidhānena kṣaya.vyayam enam upaneṣyāmi, kṣaya.vyaya.pravāsa.upatapte vā^asya mitra.varge sainye vā krameṇa^upajāpaṃ prāpsyāmi - //

vīvadha.āsāra.prasāra.vadhena vā^asya skandha.āvāra.avagrahaṃ kariṣyāmi, daṇḍa.upanayena vā^asya randhram utthāpya sarva.saṃdohena prahariṣyāmi, pratihata.utsāhena vā yathā.iṣṭaṃ saṃdhim avāpsyāmi, mayi pratibaddhasya vā sarvataḥ kopāḥ samutthāsyanti - //

nirāsāraṃ vā^asya mūlaṃ mitra.aṭavī.daṇḍair uddhātayiṣyāmi, mahato vā deśasya yoga.kṣemam ihasthaḥ pālayiṣyāmi, sva.vikṣiptaṃ mitra.vikṣiptaṃ vā me sainyam ihasthasya^ekastham aviṣahyaṃ bhaviṣyati, nimna.khāta.rātri.yuddha.viśāradaṃ vā me sainyaṃ pathya.ābādha.muktam āsanne karma kariṣyati - //

viruddha.deśa.kālam iha.āgato vā svayam eva kṣaya.vyayābhyāṃ na bhaviṣyati, mahā.kṣaya.vyaya.abhigamyo^ayaṃ deśo durga.aṭavy.apasāra.bāhulyāt - //

pareṣāṃ vyādhi.prāyaḥ sainya.vyāyāmānām alabdha.bhaumaś ca, tam āpad.gataḥ pravekṣyati, praviṣṭo vā na nirgamiṣyati" iti //

"kāraṇa.abhāve bala.samucchraye vā parasya durgam unmucya^apagacchet //

agni.pataṅgavad amitre vā praviśet //

anyatara.siddhir hi tyakta.ātmano bhavati" ity ācāryāḥ //

na^iti kauṭilyaḥ //

saṃdheyatām ātmanaḥ parasya ca^upalabhya saṃdadhīta //

viparyaye vikrameṇa saṃdhim apasāraṃ vā lipseta //

saṃdheyasya vā dūtaṃ preṣayet //

tena vā preṣitam artha.mānābhyāṃ satkṛtya brūyāt "idaṃ rājñaḥ paṇya.agāram, idaṃ devī.kumārāṇām, devī.kumāra.vacanāt, idaṃ rājyam ahaṃ ca tvad.arpaṇaḥ" iti //

labdha.saṃśrayaḥ samaya.ācārikavad bhartari varteta //

durga.ādīni ca karmāṇi āvāha.vivāha.putra.abhiṣeka.aśva.paṇya.hasti.grahaṇa.sattra.yātrā.vihāra.gamanāni ca^anujñātaḥ kurvīta //

sva.bhūmy.avasthita.prakṛti.saṃdhim upaghātam apasṛteṣu vā sarvam anujñātaḥ kurvīta //

duṣṭa.paura.jānapado vā nyāya.vṛttir anyāṃ bhūmiṃ yāceta //

duṣyavad upāṃśu.daṇḍena vā pratikurvīta //

ucitāṃ vā mitrād bhūmiṃ dīyamānāṃ na pratigṛhṇīyāt //

mantri.purohita.senā.pati.yuva.rājānām anyatamam adṛśyamāne bhartari paśyet, yathā.śakti ca^upakuryāt //

daivata.svasti.vācaneṣu tat.parā āśiṣo vācayet //

sarvatra^ātma.nisargaṃ guṇaṃ brūyāt //
KAZ07.15.30ab/ samyukta.balavat.sevī viruddhaḥ śaṅkita.ādibhiḥ /
KAZ07.15.30cd/ varteta daṇḍa.upanato bhartary evam avasthitaḥ //E
(daṇḍa.upanāyi.vṛttam)