Arthashastra · Chapter 07.17

śamaḥ saṃdhiḥ samādhir ity eko^arthaḥ //

rājñāṃ viśvāsa.upagamaḥ śamaḥ saṃdhiḥ samādhir iti //

"satyaṃ śapatho vā calaḥ saṃdhiḥ, pratibhūḥ pratigraho vā sthāvaraḥ" ity ācāryāḥ //

na^iti kauṭilyaḥ //

satyaṃ śapatho vā paratra^iha ca sthāvaraḥ saṃdhiḥ, iha.artha eva pratibhūḥ pratigraho vā bala.apekṣaḥ //

"saṃhitāḥ smaḥ" iti satya.saṃdhāḥ pūrve rājānaḥ satyena saṃdadhire //

tasya^atikrame śapathena agny.udaka.sītā.prākāra.loṣṭa.hasti.skandha.aśva.pṛṣṭa.ratha.upastha.śastra.ratna.bīja.gandha.rasa.suvarṇa.hiraṇyāny ālebhire "hanyur etāni tyajeyuś ca^enaṃ yaḥ śapatham atikrāmet" iti //

śapatha.atikrame mahatāṃ tapasvināṃ mukhyānāṃ vā prātibhāvya.bandhaḥ pratibhūḥ //

tasmin yaḥ para.avagraha.samarthān pratibhuvo gṛhṇāti, so^atisaṃdhatte //

viparīto^atisaṃdhīyate //

bandhu.mukhya.pragrahaḥ pratigrahaḥ //

tasmin yo dūṣya.amātyaṃ dūṣya.apatyaṃ vā dadāti, so^atisaṃdhatte //

viparīto^atisaṃdhīyate

pratigraha.grahaṇa.viśvastasya hi paraś chidreṣu nirapekṣaḥ praharati //

apatya.samādhau tu kanyā.putra.dāne dadat tu kanyām atisaṃdhatte //

kanyā hy adāyādā pareṣām eva^arthāya^ākleśyā(?) ca //

viparītaḥ putraḥ //

putrayor api yo jātyaṃ prājñaṃ śūraṃ kṛta.astram eka.putraṃ vā dadāti so^atisaṃdhīyate //

viparīto^atisaṃdhatte //

jātyād ajātyo hi lupta.dāyāda.saṃtānatvād ādhātuṃ śreyān, prājñād aprājño mantra.śakti.lopāt, śūrād aśūra utsāha.śakti.lopāt, kṛta.astrād akṛta.astraḥ prahartavya.sampal.lopāt, eka.putrād aneka.putro nirapekṣatvāt //

jātya.prājñayor jātyam aprājñam aiśvarya.prakṛtir anuvartate, prājñam ajātyaṃ mantra.adhikāraḥ //

mantra.adhikāre^api vṛddha.samyogāj jātyaḥ prājñam atisaṃdhatte //

prājña.śūrayoḥ prājñam aśūraṃ mati.karmaṇāṃ yogo^anuvartate, śūram aprājñaṃ vikrama.adhikāraḥ //

vikrama.adhikāre^api hastinam iva lubdhakaḥ prājñaḥ śūram atisaṃdhatteś //

śūra.kṛta.astrayoḥ śūram akṛta.astraṃ vikrama.vyavasāyo^anuvartate, kṛta.astram aśūraṃ lakṣya.lambha.adhikāraḥ //

lakṣya.lambha.adhikāre^api sthairya.pratipatty.asammoṣaiḥ śūraḥ kṛta.astram atisaṃdhatte //

bahv.eka.putrayor bahu.putra ekaṃ dattvā śeṣa.pratiṣṭabdhaḥ saṃdhim atikrāmati, na^itaraḥ //

putra.sarva.sva.dāne saṃdhiś cet putra.phalato viśeṣaḥ //

sama.phalayoḥ śakta.prajananato viśeṣaḥ //

śakta.prajananayor apy upasthita.prajananato viśeṣaḥ //

śaktimaty eka.putre tu lupta.putra.utpattir ātmānam ādadhyāt, na ca^eka.putram iti //

abhyuccīyamānaḥ samādhi.mokṣaṃ kārayet //

kumāra.āsannāḥ sattriṇaḥ kāru.śilpi.vyañjanāḥ karmāṇi kurvāṇāḥ suruṅgayā rātrāv upakhānayitvā kumāram apahareyuḥ //

naṭanartaka.gāyana.vādaka.vāg.jīvana.kuśīlava.plavaka.saubhikā vā pūrva.praṇihitāḥ param upatiṣṭheran //

te kumāraṃ paraṃ.parayā^upatiṣṭheran //

teṣām aniyata.kāla.praveśa.sthāna.nirgamanāni sthāpayet //

tatas tad.vyañjano vā rātrau pratiṣṭheta //

tena rūpa.ājīvā bhāryā.vyañjanāś ca vyākhyātāḥ //

teṣāṃ vā tūrya.bhāṇḍa.phelāṃ gṛhītvā nirgacchet //

sūda.ārālika.snāpaka.saṃvāhaka.āstaraka.kalpaka.prasādhaka.udaka.paricārakair vā dravya.vastra.bhāṇḍa.phelā.śayana.āsana.sambhogair nirhriyeta //

paricārakac.chadmanā vā kiṃcid arūpa.velāyām ādāya nirgacchet, suruṅgā.mukhena vā niśā.upahāreṇa //

toya.āśaye vā vāruṇaṃ yogam ātiṣṭhet //

vaidehaka.vyañjanā vā pakva.anna.phala.vyavahāreṇa^ārakṣiṣu rasam upacārayeyuḥ //

daivata.upahāra.śrāddha.prahavaṇa.nimittam ārakṣiṣu madana.yoga.yuktam anna.pānaṃ rasaṃ vā prayujya^apagacchet, ārakṣaka.protsāhanena vā //

nāgaraka.kuśīlava.cikitsaka.āpūpika.vyañjanā vā rātrau samṛddha.gṛhāṇy ādīpayeyuḥ ārakṣiṇāṃ vā //

vaidehaka.vyañjanā vā paṇya.saṃsthām ādīpayeyuḥ //

anyad vā śarīraṃ nikṣipya sva.gṛham ādīpayed anupāta.bhayāt //

tataḥ saṃdhic.cheda.khāta.suruṅgābhir apagacchet //

kāca.kumbha.bhāṇḍa.bhāra.vyañjano vā rātrau pratiṣṭheta //

muṇḍa.jaṭilānāṃ pravāsanāny anupraviṣṭo vā rātrau tad.vyañjanaḥ pratiṣṭheta, virūpa.vyādhi.karaṇa.araṇya.carac.chadmanām anyatamena vā //

preta.vyañjano vā gūḍhair nirhriyeta //

pretaṃ vā strī.veṣeṇa^anugacchet //

vana.cara.vyañjanāś ca^enam anyato yāntam anyato^apadiśeyuḥ //

tato^anyato gacchet //

cakra.carāṇāṃ vā śakaṭa.vāṭair apagacchet //

āsanne ca^anupāte sattraṃ vā gṛhṇīyāt //

sattra.abhāve hiraṇyaṃ rasa.viddhaṃ vā bhakṣya.jātam ubhayataḥ.panthānam utsṛjet //

tato^anyato^apagacchet //

gṛhīto vā sāma.ādibhir anupātam atisaṃdadhyāt, rasa.viddhena vā pathy.adanena //

vāruṇa.yoga.agni.dāheṣu vā śarīram anyad ādhāya śatrum abhiyuñjīta "putro me tvayā hataḥ" iti //

upāttac.channa.śastro vā rātrau vikramya rakṣiṣu //

śīghra.pātair apasared gūḍha.praṇihitaiḥ saha //E
(madhyama.caritam - udāsīna.caritam - maṇḍala.caritam)