Arthashastra · Chapter 04.12

savarṇām aprāpta.phalāṃ prakurvato hasta.vadhaḥ, catuḥ.śato vā daṇḍaḥ //

mṛtāyāṃ vadhaḥ //

prāpta.phalāṃ prakurvato madhyamā.pradeśinī.vadho, dvi.śato vā daṇḍaḥ //

pituś ca^avahīnaṃ dadyāt //

na ca prākāmyam akāmāyāṃ labbheta //

sakāmāyāṃ catuṣ.pañcāśat.paṇo daṇḍaḥ, striyās tv ardha.daṇḍaḥ //

para.śulka.avaruddhāyāṃ hasta.vadhaḥ, catuḥ.śato vā daṇḍaḥ, śulka.dānaṃ ca //

sapta.ārtava.prajātāṃ varaṇād ūrdhvam alabhamānaḥ prakṛtya prākāmī syāt, na ca pitur avahīnaṃ dadyāt //

ṛtu.pratirodhibhiḥ svāmyād apakrāmati //

tri.varṣa.prajāta.ārtavāyās tulyo gantum adoṣaḥ, tataḥ param atulyo^apy analaṃkṛtāyāḥ //

pitṛ.dravya.ādāne steyaṃ bhajeta //

param uddiśya^anyasya vindato dvi.śato daṇḍaḥ //

na ca prākāṃyam akāmāyāṃ labheta //

kanyām anyāṃ darśayitvā^anyāṃ prayacchataḥ śatyo daṇḍas tulyāyām, hīnāyāṃ dvi.guṇaḥ //

prakarmaṇy akumāryāś catuṣ.pañcāśat.paṇo daṇḍaḥ, śulka.vyaya.karmaṇī ca pratidadyāt //

avasthāya taj.jātaṃ paścāt.kṛtā dvi.guṇaṃ dadyāt //

anya.śoṇita.upadhāne dviśato daṇḍaḥ, mithyā.abhiśaṃsinaś ca puṃsaḥ //

śulka.vyaya.karmaṇī ca jīyeta //

na ca prākāṃyam akāmāyāṃ labheta //

strī.prakṛtā sakāmā samānā dvādaśa.paṇaṃ daṇḍaṃ dadyāt, prakartrī dvi.guṇam //

akāmāyāḥ śatyo daṇḍa ātma.rāga.artham, śulka.dānaṃ ca //

svayaṃ prakṛtā rāja.dāsyaṃ gacchet //

bahir.grāmasya prakṛtāyāṃ mithyā.abhiśaṃsane ca dvi.guṇo daṇḍaḥ //

prasahya kanyām apaharato dvi.śataḥ, sa-suvarṇām uttamaḥ //

bahūnāṃ kanyā.apahāriṇāṃ pṛthag yathā.uktā daṇḍāḥ //

gaṇikā.duhitaraṃ prakurvataś catuṣ.pañcāśat.paṇo daṇḍaḥ, śulkaṃ mātur bhogaḥ ṣoḍaśa.guṇaḥ //04.12.27/ dāsasya dāsyā vā duhitaram adāsīṃ prakurvataś catur.viṃśati.paṇo daṇḍaḥ śulka.ābandhya.dānaṃ ca //

niṣkraya.anurūpāṃ dāsīṃ prakurvato dvādaśa.paṇo daṇḍo vastra.ābandhya.dānaṃ ca //

sācivya.avakāśa.dāne kartṛ.samo daṇḍaḥ //

proṣita.patikām apacarantīṃ pati.bandhus tat.puruṣo vā saṃgṛhṇīyāt //

saṃgṛhītā patim ākāṅkṣeta //

patiś cet kṣameta visṛjyeta^ubhayam //

akṣamāyāṃ striyāḥ karṇa.nāsa.ācchedanam, vadhaṃ jāraś ca prāpnuyāt //

jāraṃ cora ity abhiharataḥ pañca.śato daṇḍaḥ, hiraṇyena muñcatas tad.aṣṭa.guṇaḥ //

keśākeśikaṃ saṃgrahaṇam, upaliṅganād vā śarīra.upabhogānām, taj.jātebhyaḥ(taj.jñātebhyaḥ? cf.ṇ12.60)), strī.vacanād vā //

para.cakra.aṭavī.hṛtām ogha.pravyūḍhām araṇyeṣu durbhikṣe vā tyaktāṃ preta.bhāva.utsṛṣṭāṃ vā para.striyaṃ nistārayitvā yathā.saṃbhāṣitaṃ samupabhuñjīta //

jāti.viśiṣṭām akāmām apatyavatīṃ niṣkrayeṇa dadyāt //
KAZ04.12.38ab/ cora.hastān nadī.vegād durbhikṣād deśa.vibhramāt /
KAZ04.12.38cd/ nistārayitvā kāntārān naṣṭāṃ tyaktāṃ mṛtā^iti vā //
KAZ04.12.39ab/ bhuñjīta striyam anyeṣāṃ yathā.saṃbhāṣitaṃ naraḥ /
KAZ04.12.39cd/ na tu rāja.pratāpena pramuktāṃ svajanena vā //
KAZ04.12.40ab/ na ca^uttamāṃ na ca^akāmāṃ pūrva.apatyavatīṃ na ca /
KAZ04.12.40cd/ īdṛśīṃ tv anurūpeṇa niṣkrayeṇa^apavāhayet //E
(Punishments for transgressions)