Arthashastra · Chapter 04.11

kalahe ghnataḥ puruṣaṃ citro ghātaḥ //

sapta.rātrasya^antar.mṛte śuddha.vadhaḥ, pakṣasya^antar uttamaḥ, māsasya^antaḥ pañca.śataḥ samutthāna.vyayaś ca //

śastreṇa praharata uttamo daṇḍaḥ //

madena hasta.vadhaḥ, mohena dvi.śataḥ //

vadhe vadhaḥ //

prahāreṇa garbhaṃ pātayata uttamo daṇḍaḥ, bhaiṣajyena madhyamaḥ, parikleśena pūrvaḥ sāhasa.daṇḍaḥ //

prasabha.strī.puruṣa.ghātaka.abhisāraka.nigrāhaka.avaghoṣaka.avaskandaka.upavedhakān pathi.veśma.pratirodhakān rāja.hasty.aśva.rathānāṃ hiṃsakān stenān vā śūlān ārohayeyuḥ //

yaś ca^enān dahed apanayed vā sa tam eva daṇḍaṃ labheta, sāhasam uttamaṃ vā //

hiṃsra.stenānāṃ bhakta.vāsa.upakaraṇa.agni.mantra.dāna.vaiyāvṛtya.karmasu^uttamo daṇḍaḥ, paribhāṣaṇam avijñāte //

hiṃsra.stenānāṃ putra.dāram asamantraṃ visṛjet, samantram ādadīta //

rājya.kāmukam antaḥpura.pradharṣakam aṭavy.amitra.utsāhakaṃ durga.rāṣṭra.daṇḍa.kopakaṃ vā śiro.hasta.pradīpikaṃ ghātayet //

brāhmaṇaṃ tamaḥ praveśayet //

mātṛ.pitṛ.putra.bhrātr.ācārya.tapasvi.ghātakaṃ vā^a.tvak.śiraḥ.prādīpikaṃ ghātayet //

teṣām ākrośe jihvāc.chedaḥ, aṅga.abhiradane tad.aṅgān mocyaḥ //

yadṛcchā.ghāte puṃsaḥ paśu.yūtha.steye ca śuddha.vadhaḥ //

daśa.avaraṃ ca yūthaṃ vidyāt //

udaka.dhāraṇaṃ setuṃ bhindatas tatra^eva^apsu nimajjanam, anudakam uttamaḥ sāhasa.daṇḍaḥ, bhagna.utsṛṣṭakaṃ madhyamaḥ //

viṣa.dāyakaṃ puruṣaṃ striyaṃ ca puruṣaghnīm apaḥ praveśayed agarbhiṇīm, garbhiṇīṃ māsa.avara.prajātām //

pati.guru.prajā.ghātikām agni.viṣadāṃ saṃdhic.chedikāṃ vā gobhiḥ pāṭayet //

vivīta.kṣetra.khala.veśma.dravya.hasti.vana.ādīpikam agninā dāhayet //

rāja.ākrośaka.mantra.bhedakayor aniṣṭa.pravṛttikasya brāhmaṇa.mahānasa.avalehinaś ca jihvām utpāṭayet //

praharaṇa.āvaraṇa.stenam anāyudhīyam iṣubhir ghātayet //

āyudhīyasya^uttamaḥ //

meḍhra.phala.upaghātinas tad evac^chedayet //

jihvā.nāsa.upaghāte saṃdaṃśa.vadhaḥ //
KAZ04.11.26ab/ ete śāstreṣv anugatāḥ kleśa.daṇḍā mahātmanām /
KAZ04.11.26cd/ akliṣṭānāṃ tu pāpānāṃ dharmyaḥ śuddha.vadhaḥ smṛtaḥ //E
(Violation of maidens)