Arthashastra · Chapter 04.10

tīrtha.ghāta.granthi.bheda.ūrdhva.karāṇāṃ prathame^aparādhe saṃdeśac.chedanaṃ catuṣ.pañcāśat.paṇo vā daṇḍaḥ, dvitīye chedanaṃ paṇasya śatyo vā daṇḍaḥ, tṛtīye dakṣiṇa.hasta.vadhaś catuḥ.śato vā daṇḍaḥ, caturthe yathā.kāmī vadhaḥ //

pañca.viṃśati.paṇa.avareṣu kukkuṭa.nakula.mārjāra.śva.sūkara.steyeṣu hiṃsāyāṃ vā catuṣ.pañcāśat.paṇo daṇḍaḥ, nāsa.agrac.chedanaṃ vā^ caṇḍāla.araṇya.carāṇām ardha.daṇḍāḥ //

pāśa.jāla.kūṭa.avapāteṣu baddhānāṃ mṛga.paśu.pakṣi.vyāla.matsyānām ādāne tac ca tāvac ca daṇḍaḥ //

mṛga.dravya.vanān mṛga.dravya.apahāre śātyo daṇḍaḥ //

biṃba.vihāra.mṛga.pakṣi.steye hiṃsāyāṃ vā dvi.guṇo daṇḍaḥ //

kāru.śilpi.kuśīlava.tapasvināṃ kṣudraka.dravya.apahāre śatyo daṇḍaḥ, sthūlaka.dravya.apahāre dvi.śataḥ, kṛṣi.dravya.apahāre ca //

durgam akṛta.praveśasya praviśataḥ prākārac.chidrād vā nikṣepaṃ gṛhītvā^apasarataḥ kāṇḍarā.vadho, dvi.śāto vā daṇḍaḥ //

cakra.yuktaṃ nāvaṃ kṣudra.paśuṃ vā^apaharata eka.pāda.vadhaḥ, tri.śato vā daṇḍaḥ //

kūṭa.kākaṇy.akṣa.arālā.śalākā.hasta.viṣama.kāriṇa eka.hasta.vadhaḥ, catuḥ.śato vā daṇḍaḥ //

stena.pāradārikayoḥ sācivya.karmaṇi striyāḥ saṃgṛhītāyāś ca karṇa.nāsāc.chedanam, pañca.śato vā daṇḍaḥ, puṃṣo dvi.guṇaḥ //

mahā.paśum ekaṃ dāsaṃ dāsīṃ vā^apaharataḥ preta.bhāṇḍaṃ vā vikrīṇānasya dvi.pāda.vadhaḥ, ṣaṭ.chato vā daṇḍaḥ //

varṇa.uttamānāṃ gurūṇāṃ ca hasta.pāda.laṅghane rāja.yāna.vāhana.ādy.ārohaṇe ca^eka.hasta.pāda.vadhaḥ, sapta.śato vā daṇḍaḥ //

śūdrasya brāhmaṇa.vādino deva.dravyam avastṛṇato rāja.dviṣṭam ādiśato dvi.netra.bhedinaś ca yoga.añjanena^andhatvam, aṣṭa.śato vā daṇḍaḥ //

coraṃ pāradārikaṃ vā mokṣayato rāja.śāsanam ūnam atiriktaṃ vā likhataḥ kanyāṃ dāsīṃ vā sa-hiraṇyam aparahataḥ kūṭa.vyavahāriṇo vimāṃsa.vikrayiṇaś ca vāma.hasta.dvi.pāda.vadho, nava.śato vā daṇḍaḥ //

mānuṣa.māṃsa.vikraye vadhaḥ //

deva.paśu.pratimā.manuṣya.kṣetra.gṛha.hiraṇya.suvarṇa.ratna.sasya.apahāriṇa uttamo daṇḍaḥ, śuddha.vadho vā //
KAZ04.10.17ab/ puruṣaṃ ca^aparādhaṃ ca kāraṇaṃ guru.lāghavam /
KAZ04.10.17cd/ anubandhaṃ tadātvaṃ ca deśa.kālau samīkṣya ca //
KAZ04.10.18ab/ uttama.avara.madhyatvaṃ pradeṣṭā daṇḍa.karmaṇi /
KAZ04.10.18cd/ rājñaś ca prakṛtīnāṃ ca kalpayed antarā sthitaḥ //E
(ḷaw of capital punishment, simple and with torture)