Arthashastra · Chapter 03.7

"para.parigrahe bījam utsṛṣṭaṃ kṣetriṇaḥ" ity ācāryāḥ //

"mātā bhastrā, yasya retas tasya^apatyam" ity apare //

vidyamānam ubhayam iti kauṭilyaḥ //

svayaṃ.jātaḥ kṛta.kriyāyām aurasaḥ //

tena tulyaḥ putrikā.putraḥ //

sagotreṇa^anya.gotreṇa vā niyuktena kṣetra.jātaḥ kṣetrajaḥ putraḥ //

janayitur asaty anyasmin putre sa eva dvi.pitṛko dvi.gotro vā dvayor api svadhā.riktha.bhāg bhavati //

tat.sadharmā bandhūnāṃ gṛhe gūḍha.jātas tu gūḍhajaḥ //

bandhunā^utsṛṣṭo^apaviddhaḥ saṃskartuḥ putraḥ //

kanyā.garbhaḥ kānīnaḥ //

sagarbha.ūḍhāyāḥ saha.ūḍhaḥ //

punar.bhūtāyāḥ paunarbhavaḥ //

svayaṃ.jātaḥ pitur bandhūnāṃ ca dāyādaḥ //

para.jātaḥ saṃskartur eva na bandhūnām //

tat.sadharmā mātā.pitṛbhyām adbhir mukto dattaḥ //

svayaṃ bandhubhir vā putra.bhāva.upagata upagataḥ //

putratve^adhikṛtaḥ kṛtakaḥ //

parikrītaḥ krītaḥ // iti /

aurase tu^utpanne savarṇās tṛtīya.aṃśa.harāḥ, asavarṇā grāsa.ācchādana.bhāginaḥ //

brāhmaṇa.kṣatriyayor anantarā.putrāḥ savarṇāḥ, eka.antarā asavarṇāḥ //

brāhmaṇasya vaiśyāyām ambaṣṭhaḥ, śūdrāyāṃ niṣādaḥ pāraśavo vā //

kṣatriyasya śūdrāyām ugraḥ //

śūdra eva vaiśyasya //

savarṇāsu ca^eṣām acarita.vratebhyo jātā vrātyāḥ //

ity anulomāḥ //

śūdrād āyogava.kṣatta.caṇḍālāḥ //

vaiśyān māgadha.vaidehakau //

kṣatriyāt sūtaḥ //

paurāṇikas tv anyaḥ sūto māgadhaś ca, brahma.kṣatrād viśeṣaḥ //

ta ete pratilomāḥ svadharma.atikramād rājñaḥ sambhavanti //

ugrān naiṣādyāṃ kukkuṭaḥ, viparyaye pulkasaḥ //

vaidehikāyām ambaṣṭhād vaiṇaḥ, viparyaye kuśīlavaḥ //

kṣattāyām ugrāt^śva.pākaḥ //

ity ete^anye ca^antarālāḥ //

karmaṇā vaiśyo ratha.kāraḥ //

teṣāṃ sva.yonau vivāhaḥ, pūrva.apara.gāmitvaṃ vṛtta.anuvṛttaṃ ca //

śūdra.sadharmāṇo vā, anyatra caṇḍālebhyaḥ //

kevalam evaṃ vartamānaḥ svargam āpnoti rājā, narakam anyathā //

sarveṣām antarālānāṃ samo vibhāgaḥ //
KAZ03.7.40ab/ deśasya jātyāḥ saṃghasya dharmo grāmasya vā^api yaḥ /
KAZ03.7.40cd/ ucitas tasya tena^eva dāya.dharmaṃ prakalpayet //E
(Immovable property)
(ḍwelling-places)