Arthashastra · Chapter 03.6

eka.strī.putrāṇāṃ jyeṣṭha.aṃśaḥ - brāhmaṇānām ajāḥ, kṣatriyāṇām aśvāḥ, vaiśyānāṃ gāvaḥ, śūdrāṇām avayaḥ //

kāṇa.laṅgās teṣāṃ madhyama.aṃśaḥ, bhinna.varṇāḥ kaniṣṭha.aṃśaḥ //

catuṣpada.abhāve ratna.varjānāṃ daśānāṃ bhāgaṃ dravyāṇām ekaṃ jyeṣṭho haret //

pratimukta.svadhā.pāśo hi bhavati //

ity auśanaso vibhāgaḥ //

pituḥ parivāpād yānam ābharaṇaṃ ca jyeṣṭha.aṃśaḥ, śayana.āsanaṃ bhukta.kāṃsyaṃ ca madhyama.aṃśaḥ, kṛṣṇaṃ dhānya.āyasaṃ gṛha.parivāpo go.śakaṭaṃ ca kaniṣṭha.aṃśaḥ //

śeṣa.dravyāṇām eka.dravyasya vā samo vibhāgaḥ //

adāyādā bhaginyaḥ, mātuḥ parivāpād bhukta.kāṃsya.ābharaṇa.bhāginyaḥ //

mānuṣa.hīno jyeṣṭhas tṛtīyam aṃśaṃ jyeṣṭha.aṃśāl labheta, caturtham anyāya.vṛttiḥ, nivṛtta.dharma.kāryo vā //

kāma.ācāraḥ sarvaṃ jīyeta //

tena madhyama.kaniṣṭhau vyākhyātau //

tayor mānuṣa.upeto jyeṣṭha.aṃśād ardhaṃ labheta //

nānā.strī.putrāṇāṃ tu saṃskṛta.asaṃskṛtayoḥ kanyā.kṛta.kṣatayor abhāve ca ekasyāḥ putrayor yamayor vā pūrva.janmanā jyeṣṭha.bhāvaḥ //

sūta.māgadha.vrātya.ratha.kārāṇām aiśvaryato vibhāgaḥ //

śeṣās tam upajīveyuḥ //

anīśvarāḥ sama.vibhāgāḥ //

cāturvarṇya.putrāṇāṃ brāhmaṇī.putraś caturo^aṃśān haret, kṣatriyā.putra.strīn aṃśān, vaiśyā.putro dvāv aṃśau, ekaṃ śūdrā.putraḥ //

tena tri.varṇa.dvi.varṇa.putra.vibhāgaḥ kṣatriya.vaiśyayor vyākhyātaḥ //

brāhmaṇasya^anantarā.putras tulya.aṃśaḥ //

kṣatriya.vaiśyayor ardha.aṃśaḥ tulya.aṃśo vā mānuṣa.upetaḥ //

tulya.atulyayor eka.putraḥ sarvaṃ haret, bandhūṃś ca bibhṛyāt //

brāhmaṇānāṃ tu pāraśavas tṛtīyam aṃśaṃ labheta, dvāv aṃśau sapiṇḍaḥ kulyo vā^āsannaḥ, svadhā.dāna.hetoḥ //

tad.abhāve pitur ācāryo^antevāsī vā //
KAZ03.6.24ab/ kṣetre vā janayed asya niyuktaḥ kṣetrajaṃ sutam /
KAZ03.6.24cd/ mātṛ.bandhuḥ sagotro vā tasmai tat pradiśed dhanam //E
(Classification of sons)