Arthashastra · Chapter 03.8

sāmanta.pratyayā vāstu.vivādāḥ //

gṛhaṃ kṣetram ārāmaḥ setu.bandhas taṭākam ādhāro vā vāstuḥ //

karṇa.kīla.āyasa.sambandho^anugṛhaṃ setuḥ //

yathā.setu.bhogaṃ veśma kārayet //

abhūtaṃ vā para.kuḍyād apakramya dvāv aratnī tripadīṃ vā deśa.bandhaṃ kārayet //

avaskaraṃ bhramam uda.pānaṃ vā na gṛha.ucitād anyatra, anyatra sūtikā.kūpād ā.nirdaśa.ahād iti //

tasya^atikrame pūrvaḥ sāhasa.daṇḍaḥ //

tena^indhanāvaghātana.kṛtaṃ kalyāṇa.kṛtyeṣv ācāma.udaka.mārgāś ca vyākhyātāḥ //

tripadī.pratikrāntam adhyardham aratniṃ vā gāḍha.prasṛtam udaka.mārgaṃ prasravaṇa.prapātaṃ vā kārayet //

tasya^atikrame catuṣ.pañcāśat.paṇo daṇḍaḥ //

ekapadī.pratikrāntam aratniṃ vā cakri.catuṣpada.sthānam agniṣṭham udan.jara.sthānaṃ rocanīṃ kuṭṭanīṃ vā kārayet //

tasya^atikrame catur.viṃśati.paṇo daṇḍaḥ //

sarva.vāstukayoḥ prākṣiptakayor vā śālayoḥ kiṣkur antarikā tripadī vā //

tayoś catur.aṅgulaṃ nīpra.antaram<nīvra.antaram?> samārūḍhakaṃ vā //

kiṣku.mātram āṇi.dvāram antarikāyāṃ khaṇḍa.phulla.artham asampātaṃ kārayet //

prakāśa.artham alpam ūrdhvaṃ vāta.ayanaṃ kārayet //

tad.avasite veśmanic^chādayet //

sambhūya vā gṛha.svāmino yathā.iṣṭaṃ kārayeyuḥ, aniṣṭaṃ vārayeyuḥ //

vāna.laṭyāś ca^ūrdhvam āvārya.bhāgaṃ kaṭa.pracchannam avamarśa.bhittiṃ vā kārayed varṣa.ābādha.bhayāt //

tasya^atikrame pūrvaḥ sāhasa.daṇḍaḥ, pratiloma.dvāra.vāta.ayana.bādhāyāṃ ca, anyatra rāja.mārga.rathyābhyaḥ //

khāta.sopāna.praṇālī.niśreṇy.avaskara.bhāgair bahir.bādhāyāṃ bhoga.nigrahe ca //

para.kuḍyam udakena^upaghnato dvādaśa.paṇo daṇḍaḥ, mūtra.purīṣa.upaghāte dvi.guṇaḥ //

praṇālī.mokṣo varṣati, anyathā dvādaśa.paṇo daṇḍaḥ //

pratiṣiddhasya ca vasataḥ, nirasyataś ca^avakrayiṇam anyatra pāruṣya.steya.sāhasa.saṃgrahaṇa.mithyā.bhogebhyaḥ //

svayaṃ.abhiprasthito varṣa.avakraya.śeṣaṃ dadyāt //

sāmānye veśmani sāhāyyam aprayacchataḥ, sāmānyam uparundhato bhogaṃ ca gṛhe dvādaśa.paṇo daṇḍaḥ //

vināśayatas tad.dvi.guṇaḥ //
KAZ03.8.28ab/ koṣṭhaka.aṅgaṇa.varcānām agni.kuṭṭana.śālayoḥ /
KAZ03.8.28cd/ vivṛtānāṃ ca sarveṣāṃ sāmānyo bhoga iṣyate //E
(ṣale of immovable property^ Fixing of boundaries^ Encroachment and ḍamage)