Arthashastra · Chapter 03.5

anīśvarāḥ pitṛmantaḥ sthita.pitṛ.mātṛkāḥ putrāḥ //

teṣām ūrdhvaṃ pitṛto dāya.vibhāgaḥ pitṛ.dravyāṇām //

svayaṃ.ārjitam avibhājyam, anyatra pitṛ.dravyād utthitebhyaḥ //

pitṛ.dravyād avibhakta.upagatānāṃ putrāḥ pautrā vā ā.caturthād ity aṃśa.bhājaḥ //

tāvad avicchinnaḥ piṇḍo bhavati //

vicchinna.piṇḍāḥ sarve samaṃ vibhajeran //

apitṛ.dravyā vibhakta.pitṛ.dravyā vā saha jīvantaḥ punar vibhajeran //

yataś ca^uttiṣṭheta sa dvy.aṃśaṃ labheta //

dravyam aputrasya sodaryā bhrātaraḥ saha.jīvino vā hareyuḥ kanyāś ca //

rikthaṃ putravataḥ putrā duhitaro vā dharmiṣṭheṣu vivāheṣu jātāḥ //

tad.abhāve pitā dharamāṇaḥ //

pitr.abhāve bhrātaro bhrātṛ.putrāś ca //

apitṛkā bahavo^api ca bhrātaro bhrātṛ.putrāś ca pitur ekam aṃśaṃ hareyuḥ //

sodaryāṇām aneka.pitṛkāṇāṃ pitṛto dāya.vibhāgaḥ //03.5.15/ pitṛ.bhrātṛ.putrāṇāṃ pūrve vidyamāne na^aparam avalambante, jyeṣṭhe ca kaniṣṭham artha.grāhiṇam //

jīvad.vibhāge pitā na^ekaṃ viśeṣayet //

na ca^ekam akāraṇān nirvibhajeta //

pitur asaty arthe jyeṣṭhāḥ kaniṣṭhān anugṛhṇīyuḥ, anyatra mithyā.vṛttebhyaḥ //

prāpta.vyavahārāṇāṃ vibhāgaḥ //

aprāpta.vyavahārāṇāṃ deya.viśuddhaṃ mātṛ.bandhuṣu grāma.vṛddheṣu vā sthāpayeyuḥ ā.vyavahāra.prāpaṇāt, proṣitasya vā //

samniviṣṭa.samam asamniviṣṭebhyo naiveśanikaṃ dadyuḥ, kanyābhyaś ca prādānikam //

ṛṇa.rikthayoḥ samo vibhāgaḥ //

"uda.pātrāṇy api niṣkiṃcanā vibhajeran" ity ācāryāḥ //

chalam etad iti kauṭilyaḥ //

sato^arthasya vibhāgo na^asataḥ //

etāvān arthaḥ sāmānyas tasya^etāvān praty.aṃśa ity anubhāṣya bruvan sākṣiṣu vibhāgaṃ kārayet //

durvibhaktam anyonya.apahṛtam antarhitam avijñāta.utpannaṃ vā punar vibhajeran //

adāyādakaṃ rājā haret strī.vṛtti.preta.kārya.varjam, anyatra śrotriya.dravyāt //

tat traivedyebhyaḥ prayacchet //

patitaḥ patitāj jātaḥ klībaś ca^anaṃśāḥ, jaḍa.unmatta.andha.kuṣṭhinaś ca //

sati bhārya.arthe teṣām apatyam atad.vidhaṃ bhāgaṃ haret //

grāsa.ācchādanam itare patita.varjāḥ //
KAZ03.5.33ab/ teṣāṃ ca kṛta.dārāṇāṃ lupte prajanane sati /
KAZ03.5.33cd/ sṛjeyur bāndhavāḥ putrāṃs teṣām aṃśān prakalpayet //E
(ḍivision into shares)