Arthashastra · Chapter 03.14

gṛhītvā vetanaṃ karma^akurvato bhṛtakasya dvādaśa.paṇo daṇḍaḥ, saṃrodhaś ca^ā.karaṇāt //

aśaktaḥ kutsite karmaṇi vyādhau vyasane vā^anuśayaṃ labheta, pareṇa vā kārayitum //

tasya.vyaya.karmaṇā labheta bhartā vā kārayitum //

"na^anyas tvayā kārayitavyo, mayā vā na^anyasya kartavyam" ity avarodhe bhartur akārayato bhṛtakasya^akurvato vā dvādaśa.paṇo daṇḍaḥ //

karma.niṣṭhāpane bhartur anyatra gṛhīta.vetano na^asakāmaḥ kuryāt //

"upasthitam akārayataḥ kṛtam eva vidyād" ity ācāryāḥ //

na^iti kauṭilyaḥ //

kṛtasya vetanaṃ na^akṛtasya^asti //

sa ced alpam api kārayitvā na kārayet kṛtam eva^asya vidyāt //

deśa.kāla.atipātanena karmaṇām anyathā.karaṇe vā na^asakāmaḥ kṛtam anumanyeta //

sambhāṣitād adhika.kriyāyāṃ prayāsaṃ na moghaṃ kuryāt //

tena saṃgha.bhṛtā vyākhyātāḥ //

teṣām ādhiḥ sapta.rātram āsīta //

tato^anyam upasthāpayet, karma.niṣpākaṃ ca //

na ca^anivedya bhartuḥ saṃghaḥ kaṃcit parihared upanayed vā //

tasya^atikrame catur.viṃśati.paṇo daṇḍaḥ //

saṃghena parihṛtasya^ardha.daṇḍaḥ // iti bhṛtaka.adhikāraḥ //

saṃgha.bhṛtāḥ sambhūya.samutthātāro vā yathā.sambhāṣitaṃ vetanaṃ samaṃ vā vibhajeran //

karṣaṇa.vaidehakā vā sasya.paṇya.ārambha.paryavasāna.antare sannasya yathā.kṛtasya karmaṇaḥ pratyaṃśaṃ dadyuḥ //

puruṣa.upasthāne samagram aṃśaṃ dadyuḥ //

saṃsiddhe tu^uddhṛta.paṇye sannasya tadānīm eva pratyaṃśaṃ dadyuḥ //

sāmānyā hi pathi.siddhiś ca^asiddhiś ca //

prakrānte tu karmaṇi svasthasya^apakrāmato dvādaśa.paṇo daṇḍaḥ //

na ca prākāmyam apakramaṇe //

coraṃ tv abhaya.pūrvaṃ karmaṇaḥ pratyaṃśena grāhayed, dadyāt pratyaṃśam abhayaṃ ca //

punaḥ.steye pravāsanam, anyatra.gamane ca //

mahā.aparādhe tu dūṣyavad ācaret //

yājakāḥ svā.pracāra.dravya.varjaṃ yathā.sambhāṣitaṃ vetanaṃ samaṃ vā vibhajeran //

agniṣṭoma.ādiṣu ca kratuṣu dīkṣaṇād ūrdhvaṃ tṛtīyam aṃśaṃ, madhyama.upasada ūrdhvam ardham aṃśaṃ, sutye prātaḥ.savanād ūrdhvaṃ pāda.ūnam aṃśam //

mādhyandināt savanād ūrdhvaṃ samagram aṃśaṃ labheta //

nītā hi dakṣiṇā bhavanti //

bṛhaspati.sava.varjaṃ pratisavanaṃ hi dakṣiṇā dīyante //

tena^ahar.gaṇa.dakṣiṇā vyākhyātāḥ //

sanānām ā.daśa.aho.rātrāt^śeṣa.bhṛtāḥ karma kuryuḥ, anye vā sva.pratyayāḥ //

karmaṇy asamāpte tu yajamānaḥ sīded, ṛtvijaḥ karma samāpayya dakṣiṇāṃ hareyuḥ //

asamāpte tu karmaṇi yājyaṃ yājakaṃ vā tyajataḥ pūrvaḥ sāhasa.daṇḍaḥ //
KAZ03.14.37ab/ anāhita.agniḥ śata.guru.yajvā ca sahasraguḥ /
KAZ03.14.37cd/ surāpo vṛṣalī.bhartā brahmahā guru.talpagaḥ //
KAZ03.14.38ab/ asat.pratigrahe yuktaḥ stenaḥ kutsita.yājakaḥ /
KAZ03.14.38cd/ adoṣas tyaktum anyonyaṃ karma.saṃkara.niścayāt //E
(ṛescission of sale and purchase)