Arthashastra · Chapter 03.15

vikrīya paṇyam aprayacchato dvādaśa.paṇo daṇḍaḥ, anyatra doṣa.upanipāta.aviṣahyebhyaḥ //

paṇya.doṣo doṣaḥ //

rāja.cora.agny.udaka.bādha upanipātaḥ //

bahu.guṇa.hīnam ārta.kṛtaṃ vā^aviṣahyam //

vaidehakānām eka.rātram anuśayaḥ, karṣakāṇāṃ tri.rātraṃ, go.rakṣakāṇāṃ pañca.rātram //

vyāmiśrāṇām uttamānāṃ ca varṇānāṃ vṛtti.vikraye sapta.rātram //

ātipātikānāṃ paṇyānāṃ "anyatra.avikreyam" ity avarodhena^anuśayo deyaḥ //

tasya^atikrame catur.viṃśati.paṇo daṇḍaḥ, paṇya.daśa.bhāgo vā //03.15.09/ krītvā paṇyam apratigṛhṇato dvādaśa.paṇo daṇḍaḥ, anyatra doṣa.upanipāta.aviṣahyebhyaḥ //

samānaś ca^anuśayo vikretur anuśayena //

vivāhānāṃ tu trayāṇāṃ pūrveṣāṃ varṇānāṃ pāṇi.grahaṇāt siddham upāvartanaṃ, śūdrāṇāṃ ca prakarmaṇaḥ //

vṛtta.pāṇi.grahaṇayor api doṣam aupaśāyikaṃ dṛṣṭvā siddham upāvartanam //

na tv eva^abhiprajātayoḥ //

kanyā.doṣam aupaśāyikam anākhyāya prayacchataḥ kanyāṃ ṣaṇ.ṇavatir daṇḍaḥ, śulka.strī.dhana.pratidānaṃ ca //

varayitur vā vara.doṣam anākhyāya vindato dvi.guṇaḥ, śulka.strī.dhana.nāśaś ca //

dvipada.catuṣpadānāṃ tu kuṇṭha.vyādhita.aśucīnām utsāha.svāsthya.śucīnām ākhyāne dvādaśa.paṇo daṇḍaḥ //

ā.tri.pakṣād iti catuṣpadānām upāvartanam, ā.saṃvatsarād iti manuṣyāṇām //

tāvatā hi kālena śakyaṃ śauca.āśauce jñātum //
KAZ03.15.19ab/ dātā pratigrahītā ca syātāṃ na^upahatau yathā /
KAZ03.15.19cd/ dāne kraye vā^anuśayaṃ tathā kuryuḥ sabhāsadaḥ //E
(ṇon-conveyance of gifts)
(ṣale without ownership)
(ṛelation of ownership)