Arthashastra · Chapter 01.7

tasmād ari.ṣaḍ.varga.tyāgena^indriya.jayaṃ kurvīta, vṛddha.samyogena prajñām, cāreṇa cakṣuḥ, utthānena yoga.kṣema.sādhanam, kārya.anuśāsanena svadharma.sthāpanam, vinayaṃ vidyā.upadeśena, loka.priyatvam artha.samyogena vṛttim //

evaṃ vaśya.indriyaḥ para.strī.dravya.hiṃsāś ca varjayet, svapnaṃ laulyam anṛtam uddhata.veṣatvam anarthya.samyogam adharma.samyuktam anartha.samyuktaṃ ca vyavahāram //

dharma.artha.avirodhena kāmaṃ seveta, na nihsukhaḥ syāt //

samaṃ vā trivargam anyonya.anubaddham //

eko hy atyāsevito dharma.artha.kāmānām ātmānam itarau ca pīḍayati //

artha^eva pradhāna^iti kauṭilyaḥ //

artha.mūlau hi dharma.kāmāv iti //

maryādāṃ sthāpayed ācāryān amātyān vā, ya^enam apāya sthānebhyo vārayeyuḥ, chāyā.nālikā.pratodena vā rahasi pramādyantam abhitudeyuḥ //
KAZ01.7.09ab/ sahāya.sādhyaṃ rājatvaṃ cakram ekaṃ na vartate /
KAZ01.7.09cd/ kurvīta sacivāṃs tasmāt teṣāṃ ca śṛṇuyān matam //E
(Appointment of ministers)