Arthashastra · Chapter 01.8

"saha.adhyāyino amātyān kurvīta, dṛṣṭa.śauca.sāmarthyatvāt" iti bhāradvājaḥ //

"te hy asya viśvāsyā bhavanti" iti //

na^iti viśāla.akṣaḥ //

"saha.krīḍitatvāt paribhavanty enam //

ye hy asya guhya.sadharmāṇas tān amātyān kurvīta, samāna.śīla.vyasanatvāt //

te hy asya marmajña.bhayān na^aparādhyanti" iti //

"sādhāraṇa^eṣa doṣaḥ" iti pārāśarāḥ //

"teṣām api marmajña.bhayāt kṛta.akṛtāny anuvarteta //
KAZ01.8.09ab/ yāvadbhyo guhyam ācaṣṭe janebhyaḥ puruṣa.adhipaḥ /
KAZ01.8.09cd/ avaśaḥ karmaṇā tena vaśyo bhavati tāvatām //

ya^enam āpatsu prāṇa.ābādha.yuktāsv anugṛhṇīyus tān amātyān kurvīta, dṛṣṭa.anurāgatvāt" iti //

na^iti piśunaḥ //

"bhaktir eṣā na buddhi.guṇaḥ //

saṃkhyāta.artheṣu karmasu niyuktā ye yathā.ādiṣṭam arthaṃ saviśeṣaṃ vā kuryus tān amātyān kurvīta, dṛṣṭa.guṇatvāt" iti //

na^iti kauṇapadantaḥ //

"anyair amātya.guṇair ayuktā hy ete //

pitṛ.paitāmahān amātyān kurvīta, dṛṣṭa.avadānatvāt //

te hy enam apacarantam api na tyajanti, sagandhatvāt //

amānuṣeṣv api ca^etad dṛśyate //

gāvo hy asagandhaṃ go.gaṇam atikramya sagandheṣv eva^avatiṣṭhante" iti //

na^iti vātavyādhiḥ //

"te hy asya sarvam avagṛhya svāmivat pracaranti //

tasmān nītivido navān amātyān kurvīta //

navās tu yama.sthāne daṇḍa.dharaṃ manyamānā na^aparādhyanti" iti //

na^iti bāhu.dantī putraḥ //

"śāstravid adṛṣṭa.karmā karmasu viṣādaṃ gacchet //

tasmād abhijana.prajñā.śauca.śaurya.anurāga.yuktān amātyān kurvīta, guṇa.prādhānyāt" iti //

sarvam upapannam iti kauṭilyaḥ //

kārya.sāmarthyādd hi puruṣa.sāmarthyaṃ kalpyate //
KAZ01.8.29ab/ sāmarthyaś ca -- vibhajya^amātya.vibhavaṃ deśa.kālau ca karma ca /
KAZ01.8.29cd/ amātyāḥ sarva eva^ete kāryāḥ syur na tu mantriṇaḥ //E
(Appointment of counsellors and chaplain)