Arthashastra · Chapter 01.6

vidyā vinaya.hetur indriya.jayaḥ kāma.krodha.lobha.māna.mada.harṣa.tyāgāt kāryaḥ //

karṇa.tvag.akṣi.jihvā.ghrāṇa.indriyāṇāṃ śabda.sparśa.rūpa.rasa.gandheṣv avipratipattir indriya.jayaḥ, śāstra.anuṣṭhānaṃ vā //

kṛtsnaṃ hi śāstram idam indriya.jayaḥ //

tad viruddha.vṛttir avaśya.indriyaś cāturanto api rājā sadyo vinaśyati //

yathā dāṇḍakyo nāma bhojaḥ kāmād brāhmaṇa.kanyām abhimanyamānaḥ sa-bandhu.rāṣṭro vinanāśa, karālaś ca vaidehaḥ //

kopāj janamejayo brāhmaṇeṣu vikrāntaḥ, tāla.jaṅghaś ca bhṛguṣu //

lobhād ailaś cāturvarṇyam atyāhārayamāṇaḥ, sauvīraś ca^ajabinduḥ /

mānād rāvaṇaḥ para.dārān aprayacchan, duryodhano rājyād aṃśaṃ ca //

madād dambhodbhavo bhūta.avamānī, haihayaś ca^arjunaḥ //

harṣād vātāpir agastyam atyāsādayan, vṛṣṇi.saṃghaś ca dvaipāyanam iti //
KAZ01.6.11ab/ ete ca^anye ca bahavaḥ śatru.ṣaḍ.vargam āśritāḥ /
KAZ01.6.11cd/ sa-bandhu.rāṣṭrā rājāno vineśur ajita.indriyāḥ //
KAZ01.6.12ab/ śatru.ṣaḍ.vargam utsṛjya jāmadagnyo jita.indriyaḥ /
KAZ01.6.12cd/ ambarīṣaś ca nābhāgo bubhujāte ciraṃ mahīm //E
((ī) ṭhe life of a sage-like king)