Arthashastra · Chapter 01.5

tasmād daṇḍa.mūlās tisro vidyāḥ //

vinaya.mūlo daṇḍaḥ prāṇabhṛtāṃ yoga.kṣema.āvahaḥ //

kṛtakaḥ svābhāvikaś ca vinayaḥ //

kriyā hi dravyaṃ vinayati na^adravyam //

śuśrūṣā śravaṇa.grahaṇa.dhāraṇa.vijñāna.ūha.apoha.tattva.abhiniviṣṭa.buddhiṃ vidyā vinayati na^itaram //

vidyānāṃ tu yathāsvam ācārya.prāmāṇyād vinayo niyamaś ca //

vṛtta.caula.karmā lipiṃ saṃkhyānaṃ ca^upayuñjīta //

vṛtta.upanayanas trayīm ānvīkṣikīṃ ca śiṣṭebhyo vārttām adhyakṣebhyo daṇḍa.nītiṃ vaktṛ.prayoktṛbhyaḥ //

brahmacaryaṃ ca ṣoḍaśād varṣāt //

ato go.dānaṃ dāra.karma ca^asya //

nityaś ca vidyā.vṛddha.samyogo vinaya.vṛddhy.artham, tan.mūlatvād vinayasya //

pūrvam ahar.bhāgaṃ hasty.aśva.ratha.praharaṇa.vidyāsu vinayaṃ gacchet /

paścimam itihāsa.śravaṇe //

purāṇam itivṛttam ākhyāyika.udāharaṇaṃ dharma.śāstram artha.śāstraṃ ca^iti^itihāsaḥ //

śeṣam ahorātra.bhāgam apūrva.grahaṇaṃ gṛhīta.paricayaṃ ca kuryāt, agṛhītānām ābhīkṣṇya.śravaṇaṃ ca //

śrutādd hi prajñā^upajāyate prajñāyā yogo yogād ātmavattā^iti vidyānāṃ sāmarthyam //
KAZ01.5.17ab/ vidyā.vinīto rājā hi prajānāṃ vinaye rataḥ /
KAZ01.5.17cd/ ananyāṃ pṛthivīṃ bhuṅkte sarva.bhūta.hite rataḥ //E
(ṣection.3: Control over the senses, (i) Casting out the group of six enemies)