Arthashastra · Chapter 01.4

kṛṣi.pāśupālye vaṇijyā ca vārtā, dhānya.paśu.hiraṇya.kupya.viṣṭi.pradānād aupakārikī //

tayā sva.pakṣaṃ para.pakṣaṃ ca vaśī.karoti kośa.daṇḍābhyām //

ānvīkṣikī trayī vārttānāṃ yoga.kṣema.sādhano daṇḍaḥ, tasya nītir daṇḍa nītiḥ, alabdha.lābha.arthā labdha.parirakṣaṇī rakṣita.vivardhanī vṛddhasya tīrthe pratipādanī ca //

tasyām āyattā loka.yātrā //

"tasmāl loka.yātrā.arthī nityam udyata.daṇḍaḥ syāt //

na hy evaṃvidhaṃ vaśa.upanayanam asti bhūtānāṃ yathā daṇḍaḥ /" ity ācāryāḥ //

na^iti kauṭilyaḥ //

tīkṣṇa.daṇḍo hi bhūtānām udvejanīyo bhavati //

mṛdu.daṇḍaḥ paribhūyate //

yathā.arha.daṇḍaḥ pūjyate //

suvijñāta.praṇīto hi daṇḍaḥ prajā dharma.artha.kāmair yojayati //

duṣpraṇītaḥ kāma.krodhābhyām avajñānād vā vānaprastha.parivrājakān api kopayati, kiṃ.aṅga punar gṛhasthān //

apraṇītas tu mātsya.nyāyam udbhāvayati //

balīyān abalaṃ hi grasate daṇḍa.dhara.abhāve //

sa tena guptaḥ prabhavati iti //
KAZ01.4.16ab/ catur.varṇa.āśramo loko rājñā daṇḍena pālitaḥ /
KAZ01.4.16cd/ svadharma.karma.abhirato vartate sveṣu vartmasu //E
(ṣection.2: Association with elders)